1 Corintios 1:20 - Nuevo Testamento Toba Sur

²⁰ Qaq nagui ¿huá'ague ca hueta'ague ca ÿajnataxanaxaic, huo'otaq ca dapaxaguenataxanapec, huo'otaq ca ÿaÿaten da i'axat na huetalecna? Cha'ayi da naÿajnec mayi lma'na, damayi chochi 'ico' 'oopashic naq'en ñi Dios.

Nuevo Testamento Toba Sombrero Negro

²⁰ Chane'eja, ¿Jach'e jogamaĝa yiyamaĝade'n jogaa'me jo'ne quetedapegue' da'me layatenaĝanaĝac jena'me aleua, jogaa'me yatenaĝanaĝayaqa, joga'me judiopi napaĝaguenoqo'tpi nataq'aen jogaa'me jo'ne yayate'n da'me necoyatapega't nale? ¡Yataqachiñe eja Dios yaloĝonalo queda'me layatenaĝanaĝac jena'me aleua mach'e chiyoĝojoĝoc!

La'aqtaqa Ñim Lo'onatac 'Enauacna 2013

²⁰ Qaq nagui ¿hua'ague ca hueta'ague ca ỹaanaxanaxaic, huo'otaq ca dapaxaguenataxaateguec ana la'aqtac lmalate Ñim Nataxala' maye Lo'onatac 'Enauacna? Cha'aye da naỹaanec maye lma'na, damaye choche 'eco' 'oopashec naqa'en Ñim Lo'onatac 'Enauacna.

1 Corintios 1:20 Referans Kwoze

Romanos 1:22

Qaq nai'ctaxa namayipi da 'eetega da ÿajnaxanaxaicpi, qamaq qaica ca ÿaÿajnapec.

1 Corintios 3:19

Cha'ayi da naÿajnec mayi lma'na, damayi 'eeta'am da chochi 'oopashic naq'en ñi Dios. Cha'ayi naua ñiyigui'shi l'aqtaqa ñi Dios 'eeta': “Ñi Dios maichi lqoinguishic naq'en na ÿajnaxanaxaicpi naua maichi lqoinaxanaxaco.”

1 Corintios 1:19

Cha'ayi nachi 'enapec naua nanettrañi l'aqtaqa ñi Dios, 'eeta': Ñilaxajñi da laÿajnataxanaxac na ÿajnaxanaxaicpi, qataq qaica ca naigui ñaq'en da lauattonaxanaxac na huattonaxanaxaicpi.

1 Corintios 2:6

'Eesa da qomi' setaxasoxoiguilo naua ntaxaÿaxaco ÿajnaxanaxaiqa, qalaxayi chaqnata nam mashi ÿataqta ÿi da lpi'iÿaxac. Qalaxayi de'eda naÿajnec sa ishit da lma'na, qataq sa ishit da chigoqo'ot na nta'alpi mayi huetalecna, nam taÿa'a da imeuo.

Mateo 13:22

Qaq aso nanguishi mayi tajlec so lma' ana ÿaxat, qalaq asomayi naigui nam shiÿaxauapi mayi n'axaÿaxaatega da n'aqtac. Qalaxayi souaxat da imelec 'enauac nam chochaqna huetalec ana 'alhua, qataq da lqopichi da nsallaxa, qaq 'enauac ne'ena i'ot da sa ishit da ñaxat naq'en da n'aqtac, qataq sa ishit da huo'o ca alaÿaxac naq'en ne'ena shiÿaxauapi.

Juan 12:31

Nagui mashi ivita yi laloqo' da na huetalec ana 'alhua qaÿauo'o ca lasouaxashit, qataq da qaÿamaqhuec som damaxasoxonapec ana 'alhua.

Hechos 17:18

Qaq huo'o nam shiÿaxauapi mayi napaxagueetega da lapaxaguenataxanaxac nam l'enaxat epicúreos, qataq nam napaxagueetega da lapaxaguenataxanaxac nam l'enaxat estoicos, nachi namayipi n'aqtaxaatague' somayi. Nachi namayipi huo'o na 'eeta': –¿Négue't da qomi' i'axattapeguema dam da' shiÿaxaua? yi ÿapacteec da ltaxaÿaxac. Qataq huo'o na 'eeta': –Damayi 'eeta'am da i'axattapeguec cam lÿa nnatac. Qaq qoÿiitec de'eda, cha'ayi so Pablo i'axattac dam no'on qad'axaÿaxac mayi n'aqtaguec so Jesús qataq da 'eetec da qaltaq nca'aleec ca shiÿaxaua.

Romanos 1:20

Cha'ayi dam saq cha'a lataxac ñi Dios ishit da chigoqchigui nam l'onatacpi ñimayi da ishit da qaila'a. Qaq ishit da ÿataqta qaÿauattoota da ñimayi nachiñi ñi imattalecna qataq da ñimayi nachi 'eetai' da 'añaxaic, chigoqchiguiña co'ollaq ñimayi i'ot ana 'alhua. Qaq ÿoqo'oyi namayipi sa ishit da saqca ca lasouaxashit.

1 Corintios 1:26

Qami' ÿaqaÿa't, qami' tachigui qadvilli da 'eetec co'ollaq qami' iÿaxanalo ñi Dios, nai'ctaxa da saqalligueme da qoñiita na huo'o da laÿajnec nam huetalecna, qataq saq 'amaqtaq na nalau'a da nta'a, huo'otaq na chigaqaigui nam 'amaqtaqaicpi.

1 Corintios 1:27

Chaqdata da ñi Dios lca'aguishic nam qaÿamata'ac da qaica ca ÿaÿajnapec, cha'ayi nshitaique da i'aloqchit na ÿajnaxanaxaicpi. Qataq lca'aguishic na qaÿamata'ac da saqca ca l'añaxac, cha'ayi nshitaique da 'aloxogui lauel naq'en na 'añaxaicpi.

1 Corintios 1:28

Ñi Dios lca'aguishic nam saqca ca l'amaqchic qataq n'otanec, huo'otaq nam qaica ca qoÿanapoigui, cha'ayi nshitaique da imeuo naq'en na huo'o naq 'enec,

1 Corintios 2:8

Na nta'alpi mayi huetalecna, qaica ca ÿaÿaten de'eda naÿajnec. Cha'ayi da huo'otaq ÿaÿaten de'eda, qaq sa ishíttaxa da qaiuaxaneuo so qadataxala' mayi ÿi'oxodaic.

1 Corintios 3:18

Qaica qome ca natenachittapeguela't. Da huo'o ca ipettega da ÿaÿaten da lliquiaxac na naÿajnec mayi lma'na, camayi no'on da nacoola't da qaica ca ÿaÿaten, yaqto' ÿataqta 'eesa da ÿajnaxanaxaic.

1 Corintios 6:2

Qaq ¿sa qauaÿajñiÿo' da na lalamaxatpi ñi Dios ishit da nmit qome 'enauac na huetalecna shiÿaxauapi? Qaq da ishit qome da qanmichi 'enauac namayipi, qaq ¿huá'ago' da sa qanaloitau'a da qanmichi ca 'eeta'am de'edatai' saq 'amaqtaq?

1 Corintios 11:32

Qalaxayi ñimayi da huo'otaq ila'a da huo'o ca qadasouaxashit, nachi qomi' iuaxa'n, cha'ayi nshitaique da sa ishit da salegaqtoigui ca nhuaxanaguec na sa da'amqajnataxanpi.

Santiago 4:4

¡Qami' mayi qai'axañiiuec da qauauochiic ñi Dios! ¿Qami' sa qauaÿajñiÿo' da ca shiÿaxaua da nauote' na nqopitaxanaqtaicpi mayi huetalec ana 'alhua, nachi camayi 'ico' npa'aguenaxaua ñi Dios? Qaq ca ÿi'iguena'a da nauote' na nqopitaxanaqtaiguesat mayi huetalecna, que'eca shiÿaxaua ÿataqta npa'aguene' ñi Dios.