1 Corintios 1:18 - Nuevo Testamento Toba Sur

¹⁸ Cha'ayi da n'aqtaguec da l-leuaxa so Cristo co'ollaq qaiuaxaneuo, 'eeta'am da chochi 'oopashic da hua'axaÿa nam taÿa'a da qanlaxajñi. Qalaxayi qomi' mayi saqa'a da qomi' qanca'alaxatreec, de'eda n'aqtaxanaxac, damayi l'añaxac ñi Dios.

Nuevo Testamento Toba Sombrero Negro

¹⁸ Ga'me jo'ne qoyapalaĝa't qom'te eetedapega ch'e chiyoĝojoĝoc da'me leleuaĝa ñe'me Cristo ca'li qoyep'elegue jaga'me sodoso, qalaĝaja qo'mi jo'ne qadec'alegue qomle jayatenaq queda'me jenjo' 'naqataĝanaĝac mach'e lañoqotaĝanaĝac joñe'me Dios.

La'aqtaqa Ñim Lo'onatac 'Enauacna 2013

¹⁸ Da na'aqtaguec da l-leuaxa So Cristo co'ollaq qaiuaxaneguet so npe'enaxaqui, damaye 'eeta'am da choche 'oopashec da hua'axaỹa nam taỹa'a da deqat. Qalaxaye qomi' maye saỹaqa'a da qomi' qanca'alaxatre'c, de'era na'aqtaxanaxac, damaye la'añaxac Ñim Lo'onatac 'Enauacna.

1 Corintios 1:18 Referans Kwoze

1 Corintios 2:14

Qaq ca shiÿaxaua mayi sa ishit da netanguit so Espíritu, sa ishit da ÿaconguet cam i'ot so n'Espíritu ñi Dios. Cha'ayi camayi da n'axaÿaxaatega, qalaq 'eeta'am naq'en da 'ico' chochi 'oopashic. Sa ishit da ÿaÿaten damayi, cha'ayi da qanmit, qalaq qaiuen da ltaunaxanaxac so Espíritu.

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

2 Ts 2:10

Do'onataxana 'enauac na ÿotta'a't sa ÿaÿamaxañisat da chochi ÿatenachit na shiÿaxauapi mayi taÿa'a da nhuaxanaguec chochi tateec, cha'ayi mashi sa ishit da ÿaconguet da 'eesa lataxac mayi ishit da qanca'algui.

2 Corintios 4:3

Qaq ÿoqo'oyi da huo'otaq sa ishit da qaila'a de'eda sa'axataqtac n'aqtaxanaxac mayi naigui da nca'alaxa, qalaxayi nachaqnata na shiÿaxauapi mayi taÿa'a da qanlaxajñi.

1 Corintios 1:21

Qaq ñi Dios mayi ÿaÿateetalec cam i'ot, ñimayi sa ÿashinem nam huetalecna da huo'otaq ÿachigoxotchigui da maichi lauattonaxanaxac da ÿauatton ñimayi. Chaqdata da ÿauotaique da nca'alaxateec na i'amaqten ñimayi, chigoqchigui naq'en de'eda n'aqtaxanaxac mayi 'ico' 'oopashic naq'en na laÿipi.

1 Corintios 3:19

Cha'ayi da naÿajnec mayi lma'na, damayi 'eeta'am da chochi 'oopashic naq'en ñi Dios. Cha'ayi naua ñiyigui'shi l'aqtaqa ñi Dios 'eeta': “Ñi Dios maichi lqoinguishic naq'en na ÿajnaxanaxaicpi naua maichi lqoinaxanaxaco.”

1 Ts 1:5

Cha'ayi qomi' co'ollaq qami' sa'axataxama da n'aqtac mayi chigaqaigui da nca'alaxa, qalaq sa ishit da ndoxoiqa naua qadtaxaÿaxac. Cha'ayi qomi' hueta'agueta da l'añaxac so Espíritu Santo, qataq saÿajnaqta da ÿataqta 'eesa dam sa'axataqtac. Qataq qami' ÿataqta qauaÿajñiita da qadataxac no'on co'ollaq qami' souaqta'agueta. Qaq damayi naigui da maichi qanaÿamaxataxaqui.

1 Corintios 2:2

Cha'ayi co'ollaq qami' soota'agueta, qalaq ñacoola't da sa ishit da huo'o ca lÿa tatapigui iuel, chaqsota so Jesucristo som qaiuaxaneuo.

Hechos 13:41

Ña qaumijñi, qami' 'enaxanaxaicpi, chochi qau'elaqÿapigui' qome, qataq qami' qaÿaqatte' da qadellivi; cha'ayi aÿim mayi aÿim Dios, huo'o ca na'a'q qome qavichiÿa, qaq aÿim huo'o ca so'ot lta'adaxanec, qaq camayi ÿataqta sa qau'amaqchiñi, nai'ctoxo' da huo'o ca qami' da'aqtaxaatapeguema.

Hebreos 4:12

Cha'ayi da l'aqtac ñi Dios ÿataqta nca'altauec, qataq huo'o da l'añaxac. Qataq na llaxa napactelec ca ÿilonec mayi dos naua ala'pi. Qataq damayi ishit da ividau'a cam ÿataqta pa'auo saq cha'a nachaalataxac ca shiÿaxaua qataq som capegue' lqui'i, qataq ishit da ÿaateec naq'en ca lhuennataxac qataq da lavilÿaxac.

2 Corintios 10:4

Cha'ayi dam qad'ogoxonaxat da huo'otaq seloquiaq, sa ishit da nachina na l'ogoxonaxat nam shiÿaxauapi mayi huetalec ana 'alhua. Cha'ayi damayi nachida da l'añaxac ñi Dios, da yaqto' ishit da selaxataxagui nam ñi'iguenaxaquipi,

1 Corintios 15:2

Damayi chigoqchigui da huo'o mshi qami' qanca'alaxatreec, qom qoquiitelec dam qami' sa'axatema, qataq qom sa ishit da chochi n'ajnaxaic da qadpi'iÿaxaqui.

Hechos 17:32

Qaq co'ollaq qai'axaÿa de'eda 'eetec da qaltaq nca'aleec na leuaxaicpi, nachi huo'o na daÿalliguittac, qataq huo'o na laÿipi 'eeta': –Qaltaq ñi'axaÿaxanaxa de'eda qom qaltaq 'aupaquejlec da 'au'axat.

Hechos 17:18

Qaq huo'o nam shiÿaxauapi mayi napaxagueetega da lapaxaguenataxanaxac nam l'enaxat epicúreos, qataq nam napaxagueetega da lapaxaguenataxanaxac nam l'enaxat estoicos, nachi namayipi n'aqtaxaatague' somayi. Nachi namayipi huo'o na 'eeta': –¿Négue't da qomi' i'axattapeguema dam da' shiÿaxaua? yi ÿapacteec da ltaxaÿaxac. Qataq huo'o na 'eeta': –Damayi 'eeta'am da i'axattapeguec cam lÿa nnatac. Qaq qoÿiitec de'eda, cha'ayi so Pablo i'axattac dam no'on qad'axaÿaxac mayi n'aqtaguec so Jesús qataq da 'eetec da qaltaq nca'aleec ca shiÿaxaua.

Hechos 2:47

Nachi qaÿi'oxodeetac ñi Dios, nachi 'enauac na shiÿaxauapi ÿataqta sa lateta'pe soomayi. Nachi so qadataxala' Jesús nqochinaxattauec 'enauaque naua na'axa'te na 'amqajnataxanaxaicpi nam nca'alaxateec.

1 Corintios 4:10

Qaq qomi' qaÿamata'aque da qaica ca saÿajnaq, souaxat da soqolaqtague' so Cristo, qalaq qami' qanamachiitala't da qami' ÿajnaxanaxaiqa so Cristo. Qomi' qaica ca qad'añaxac, qalaq qami' qanamachiitala't da qami' 'añaxaiqa. Na shiÿaxauapi qomi' n'otanguilo, qalaq qami' ÿataqta huo'o naq 'enec qanqoÿin.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.