1 Corintios 1:17 - Nuevo Testamento Toba Sur

¹⁷ Cha'ayi so Cristo sa ishit da aÿim ÿamaxalec da sachilaxanataxan. Chaqdata da aÿim ÿamaxalec da sa'axattac da nca'alaxa. Qalaxayi sa ishit da so'onataxana ca laÿajnec ca chochi shiÿaxaua, yaqto' sa ishit da huo'otaq saqca ca naigui da l-leuaxa so Cristo co'ollaq qaiuaxaneuo.

Nuevo Testamento Toba Sombrero Negro

¹⁷ Qa'a Cristo ja jayem 'te yamaĝalegue qaedi ami ñachilaĝa'n, dite da'me ami ja'aĝatema da'me onaĝaic 'naqataĝanaĝac. Qalaĝaja naa'me 'yaqataqa ja chiyaqayilo gaa'me jiyaĝaua layatenaĝanaĝaco, qaedi ja yejamaĝajaye da'me leleuaĝa ñe'me Cristo ca'li qoyep'enaje'mec jaga'me sodoso.

La'aqtaqa Ñim Lo'onatac 'Enauacna 2013

¹⁷ Cha'aye So Cristo saishet da aỹem ỹamaxalec da sachelaxanataxan. Chaqrata da aỹem ỹamaxalec da sa'axattac da no'on na'axaỹaxac. Qalaxaye saishet da so'onataxana ca laỹaanec ca choche shiỹaxaua, yaqto' saishet da huo'otaq saqca ca naigui qanqa'en da l-leuaxa So Cristo co'ollaq qaiuaxaneuo.

1 Corintios 1:17 Referans Kwoze

1 Corintios 2:1

Ÿoqo'oyi qami' ÿaqaÿa't, co'ollaq qami' ñoqo'onalo da qami' sa'aqtaxanema da 'eesa lataxac mayi chigoqo'ot ñi Dios, qalaq sa ishit da saconalo naua ltaxaÿaxaco na ÿajnaxanaxaicpi, huo'otaq naua pooco n'aqtaqa.

1 Corintios 2:13

Qaq qomi' da sa'axataq de'eda, nachi setaxasoxoiguilo naua n'aqtaqa mayi qomi' ÿapaxaguenque so Espíritu mayi chigoqo'ot ñi Dios, qaq sa ishit da nachinaua naua n'aqtaqa mayi sachigoxotaqaiguilo da maichi qadaÿajnataxanaxac. Qaq 'eda da 'eetec da sa'axata'q naua napoyiñi lataxaco da sa'aqtaxanaxam cam netanguita so Espíritu Santo.

2 Pedro 1:16

De'eda qadapaxaguenataxanaxac mayi qami' sanaxama da sa'axataqtac da l'añaxac qataq ca lli'iguelaxasoxoc so qadataxala' Jesucristo, damayi sa ishit da sachigoxotaqchigui ca chochi qaÿachigoxotchiiya' n'aqtaxanaxac. Cha'ayi qomi' ÿataqta ñimaqa'ai' co'ollaxa da sauanaqchigui da l'amaqchic somayi.

2 Corintios 10:10

Cha'ayi qoÿinac naxa da naua ÿide ÿataqta sa nsattegueta, qataq huo'o da l'añaxa'c, qaq dam ÿataxac da salectauo, qalaq qaica ca yi'oqchigui i'añaxac, qataq naua i'aqtaqa ÿataqta qai'ota'n.

2 Corintios 4:2

Qataq mashi sa ñashinaxaguet 'enauac na qoÿoxottañipi da qai'ot, qataq nam i'ot da n'aloxo. Qataq sa ishit da chochi satenataxanaqtac, qataq sa ishit da sashaxanaxaadeec naua l'aqtaqa ñi Dios. Chaqdata da 'eesoda naua sa'axata'q, qaq 'enauac na shiÿaxauapi ÿaÿaten da qomi' 'eesoda, qaq damayi ÿaÿateeta ñi Dios.

Juan 4:2

Qaq nai'ctaxa da so Jesús sa ishit da nachiso so dachilaxanataxaatac, cha'ayi nachiso som lapaxaguenatacpi so dachilaxanataxaatac.

2 Corintios 11:6

Qaq nai'ctaxa da aÿim sa ishit da sa ñaqalaate' da itaxaÿaxac, qalaxayi sa ishit da nachi 'eetec da ÿauattonaxanaxac. Qaq 'enauac nam so'otaqpi da qoñiita, nachina na ichoxot de'eda qadauattonaxanaxac.

Hechos 10:48

Nachi damaxasoxoolec da qanachilaxan somayipi, qaÿachilaxanataxana da l'enaxat so Jesucristo. Ime, nachi qanachoxonnot so Pedro da cada'ac huo'oi na'axa'te da hueta'aguet somayipi.

Juan 4:1

Na fariseopi mashi ÿaÿaten da so Jesús nquictauec na lataxanatacpi qataq napacalec so Juan na lachilaxanatacpi.

2 Corintios 1:12

Cha'ayi da i'ot da qantonaxac 'eeta': da qantounaxac qomi' da'aqtaxanema da qadataxac ÿataqta qui'itta qataq qomi' 'eesoda nagui da ñaq souaqta'aguet na shiÿaxauapi ana'ana 'alhua, qataq lamaaxa da qoñiita. Qaq de'eda no'on qadataxac, damayi chigoqchigui da lqouagaxanaqtaic ñi Dios, qaq sa ishit da nachida da maichi qadaÿajnec.