1 Corintios 1:14 - Nuevo Testamento Toba Sur

¹⁴ Aÿim saatacot da ñi'achic ñi Dios da aÿim sa ishit da huo'o ca ÿachilaxanatac da qoñiita, chaqsota so Crispo qataq so Gayo,

Nuevo Testamento Toba Sombrero Negro

¹⁴ Janem da'me yamaic ñe'me Dios queda'me qaya'te onolec ta'le ñachilaĝan da'me ami, jalgata ga'me Crispo nataq'aen Gayo.

La'aqtaqa Ñim Lo'onatac 'Enauacna 2013

¹⁴ Aỹem saatacot da ña'achec Ñim Lo'onatac 'Enauacna da aỹem saishet da huo'o ca ỹachelaxanatac da qoñiita, nachaqsota so Crispo qataq so Gayo,

1 Corintios 1:14 Referans Kwoze

Hechos 18:8

Qaq so Crispo mayi ilotague' aso naponaxaqui, somayi qataq 'enauac so llalaqpi i'amaqten so qadataxala'. Nataq'en qalota nam shiÿaxauapi mayi lma' yi Corinto co'ollaq hua'axaÿa da n'aqtac, nachi da'amqajnataxan, nachi 'enauac qanachilaxan.

Romanos 16:23

Qaq aÿim Pablo ñi sootaña na lma' Gayo, ñim natamnaqa' na lma' na 'amqajnataxanaxaicpi, nataq'en qami' ÿamaxalo da lquinaxanaxac. Nataq'en qami' ÿamaxalo da lquinaxanaxac ñi Erasto ñim ilotague' ana alom na la ciudad, qataq ñim qadqaÿa Cuarto.

1 Ts 5:18

Nai'ctaxa da huo'o na qami' huelguete, qalaxayi nachi 'en'am qai'añiitacot da qan'achiquiaxaqui ñi Dios. Cha'ayi nachida da 'eetapeguec ñi Dios da qoñiita, cha'ayi mashi qau'amaqchiñi so Cristo Jesús.

Colosenses 3:17

Qataq 'enauac nam qau'ochi huo'otaq cam qanasaqaiuec, qalaq qauachiitoigui da l'enaxat so qadataxala' Jesús. Qataq chigoqchigui qanqashiñi somayi da qai'añiitacot da qan'achiquiaxaqui ñi qadta'a Dios.

Colosenses 3:15

Qataq da nlagaxayic mayi chigoqo'ot ñi Dios ilo'ogue qome da qadquiyaqteÿaxaqui, cha'ayi nachida da huo'o mshi qami' iÿaxanalo ñi Dios, da ÿauotaique da 'ico' 'oonolec n'oquiaxac naq'en da qoñiita. Qaq ÿoqo'oyi ÿataqta qauamaichiguiñi qome.

Efesios 5:20

Qataq nachi 'eetai' qome da qai'añiitacot da qantonaxaqui ñi qadta'a Dios souaxat 'enauac na lataxaguesat, cha'ayi qami' qoviito'ot so qadataxala' Jesucristo.

2 Corintios 2:14

Qaq ÿoqo'oyi qomi' sanqot da qan'achic ñi Dios ñim chigoqchigui naq'en so Cristo Jesús da qomi' 'añaxaiqa, qataq chigoqchiguilo naq'en qomi' da qaÿaÿaten da n'aqtaguec somayi. Qaq damayi 'en'am da no'on alaitaÿaxac mayi huaÿoxoneec 'enauaque naua 'ale'u.

1 Corintios 14:18

Sanot da ñi'achiquiaxac ñi Dios, cha'ayi ñapactelec da qoñiita da seshit da setaxaiguilo naua n'aqtaqa sa qaÿauangalo.

1 Corintios 1:4

Nachi 'eetai' da shicto'ot da saatacot da ñi'achiquiaxac ñi Dios, souaxat da qoñiita, cha'ayi so Cristo Jesús qami' nda'alo da lqouagaxanaqtaic ñi Dios.

Filemón 1:4

Aÿim nachi 'eetai' naxa da saatacot da ñi'achiquiaxac ñi Dios da tachigui yi iuel da qoneta da ñoqouagaxaueetac.

1 Timoteo 1:12

Sanot da ñi'achiquiaxac ñi qadataxala' Jesucristo mayi aÿim ÿanem co'olloxochiyi da i'añaxac da souapegue' de'eda, cha'ayi ñimayi saq llalcolec da lpe'e naq'en aÿim, qataq aÿim ipataxalec da l'onataxanaxac.

Hechos 10:48

Nachi damaxasoxoolec da qanachilaxan somayipi, qaÿachilaxanataxana da l'enaxat so Jesucristo. Ime, nachi qanachoxonnot so Pedro da cada'ac huo'oi na'axa'te da hueta'aguet somayipi.

1 Corintios 1:15

yaqto' qaica ca 'oonolec da qoñiita 'eeta' da l'aqtac: “Aÿim qanachilaxangui da l'enaxat so Pablo.”