Zekhariah 8:3 - Tedim Bible Revision 2017

³ Ka khuapi siangtho Jerusalem ah ciahkikin ka teeng ding hi. A citak khuapi, ci-in minthang dinga, Vanglian Topaʼ mual pen mual siangtho kici ding hi.

Tedim Bible

³ Ka khuapi Zion ah ciahkikin Jerusalem ah ka teeng ding hi. Tua ciangin Jerusalem pen a citak khuapi ci-in minthang ding a, Vanglianpen Topa’ mual in mual siangtho kici ding hi.

Zekhariah 8:3 Referans Kwoze

Zekhariah 1:16

Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilamkik dinga, khuapi kulh zong kiciangkik ding hi, Vanglian Topa in ci hi, ci-in gen in,” hong ci hi.

Mangmuhna 21:3

Tokhom panin nakpi takin awging khat ka za a, “Tu-in Pasian omna inn pen mite tawh om khawm ta hi. Pasian in amaute ompih dinga, amaute pen ama mite hi ding uh hi. Pasian mahmah amaute tawh om khawm dinga, amah pen amauteʼ Pasian hi ding hi.

Kolose 2:9

Bang hang hiam cih leh mihing hong suahna sungah Khris in Pasianʼ pianzia khempeuh a kimtakin nei a,

2 KORIN NIHNA 6:16

Pasianʼ biakinn le lawkiteʼ milim bangci kilem theih ding ahi hiam? Bang hang hiam cih leh Pasian in, “Ka mite lakah teengin amaute tawh ka om khawm ding hi. Kei pen amauteʼ Pasian ka hi dinga, amaute, keima mi ahi ding uh hi.

Johan 14:23

Jesu in, “Kei hong itte in ka thu zui ding uh hi. Ka Pa in zong it dinga, ka nihun tua mite kiangah pai-in amaute tawh ka om khawm ding uh hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Joel 3:17

Tua ciangin Topa in, “Israel-te aw, ka mual siangtho Zion tungah a teeng keimah pen Topa noteʼ Pasian ka hihna na hong thei ding uh hi. Jerusalem pen a siangtho biakna khuapi hi dinga, gamdang mite in zokik nawn lo ding uh hi.

Jeremiah 33:16

Tua ni ciangin Judah mite kihon khia dinga, Israel mite lungmuang takin a teeng ding uh hi. Amah a kisap nadingin a min ‘Topa, Eiteʼ Diktanna,’ ci-in a kiphuak ding hi.

Jeremiah 31:23

Vanglian Topa, Israel miteʼ Pasian in hong genin ah: “Keimah in amaute a gam uh ah ka omsakkik ciangin, Judah gam le a khuapite uh ah amaute in, ‘Thuman thutak a teenna mual siangtho aw, Topa in thupha hong pia tahen,’ ci-in a genkik leuleu ding uh hi.

Isaiah 66:20

Israel mite in beel siangtho sungah an tawh amau biakpiakna tawi-in Topa’ biakinn ah hong paipih uh mah bangin amaute in minam khempeuh lak panin Topa’ tungah piak dingin na sanggamte khempeuh uh, sakolte, leengte, taalte le late, kalaoh hatte tungah hong pua-in ka mual siangtho Jerusalem ah hong paipih ding uh hi, Topa in ci hi.

Isaiah 1:26

A masa-a bangin na thukhente, a kipat cil a bangin na upate ka koihkik ding hi. Tua khit ciangin nang pen thuman khuapi, thutak khuapi, hong kici ding hi,” a ci hi.

Mangmuhna 21:27

Ahi zongin a siang lo, a hoih loin a gamta mi, zuau a gen mite kuamah lut thei lo ding uh a, a nungta mite a kigelhna Tuuno laibu sungah a min a omte bek tua khuapi sungah lut thei ding uh hi.

Mangmuhna 21:10

Tua laitakin Kha Siangtho tawh ka kidim a, tua vantungmi in mual sang mahmah khat dawnah hong paipih hi. Vantung Pasian kiang panin a hong pai suk Khuapi Siangtho ahi Jerusalem khua a hong lak hi.

Ezekiel 48:35

Khuapi kimkot a sauna pi tul sawm thum za nih sawm li pha a, tu a kipanin hih khuapi min pen, ‘Hih lai ah Topa om hi,’ kici ding hi,” hong ci hi.

Isaiah 65:25

Keivom le tuuno in an nekhawm ding uh a, humpinelkai in bawngtal bangin buhkung ne ding hi. Leivui pen gulpiʼ an hi ta dinga, mite hong tu nawn lo ding hi. Keima mual siangtho tung tengah amaute kiliamsak lo ding uh a, kisusia lo ding uh hi, Topa in ci hi,” a ci hi.

Isaiah 60:14

Nang hong nengniamteʼ tate na mai ah a kun sa-in hong pai ding uh a, nang hong simmawh mi khempeuh na khe mai ah hong bok ding uh hi. Amaute in nang pen Topa’ khuapi, Israel-teʼ Siangtho Paʼ Zion, hong ci ding uh hi.

Isaiah 12:6

Zion-a teeng mite aw, nomauʼ lakah Israel-teʼ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Isaiah 11:9

Ka mual siangtho buppi tungah amaute khatlekhat kiliamsak lo ding uh a, kisusia lo ding uh hi. Bang hang hiam cih leh tuite in tuipi omna a tuamcip mah bangin leitungah Topa’ thutheihna kidim ding hi.

Isaiah 1:21

A thutak, thutang tawh a kidim ngeisa khuapi, bangci-a a paktat numei tawh kibang ta ahi hiam? Ama sungah thumanna omngei napi-in tu-in mi thatte bek a om ta hi.

Late 48:1

Topa lian a, i Pasianʼ khuapi sungah nakpi takin phat ding ahi hi.

Isaiah 8:18

En un, Topa in kei hong piak ka tate le keima pumpi pen Zion Mual tungah a teeng Vanglian Topa’ tung panin Israel miteʼ sungah lim le kihilna ka hi uh hi.

Isaiah 32:16

Tua ciangin gam sung mun khempeuh ah thutang om dinga, thu a manin kisem ding hi.

Jeremiah 26:18

“Judah kumpipa Hezekiah in a uk laitakin Moresheth khuami Mikah in Judah mi khempeuhteʼ kiangah, ‘Lo dingin Zion mual a kikho ding hi. Jerusalem khua kisia zan dinga, biakinn mual, gamlak a suak ding hi, ci-in Vanglian Topa in gen hi,’ ci hi.

Daniel 9:16

Nang na siangtho hi. Tua ahih ciangin Jerusalem tungah hong heh nawn peuhmah kei in. Tua pen na khuapi hi a, na mual siangtho ahi hi. Kote le ka pate uh khialhna le gitlohna hangin, ka kiim ka pam uh a mite khempeuh in Jerusalem le na mite a hong simmawh uh hi.

Micah 4:1

Mailam hunah Topaʼ biakinn a omna mual, a sang pen mual hong suak dinga, minam tampi in hong zuan ding uh hi.

Zefaniah 3:13

Israel mi a om lai sunte, midangte tungah gilo nawn lo ding uh a, zuau thu gen nawn loin, mi khem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn loin om ding uh hi,” a ci hi.

Zekhariah 8:16

Hih bangin note gamta un: Note khatlekhat tungah thuman thutak kam kipau un. Thukhenna zumah, kilemna a piangsak ding thutang zang un.

Zekhariah 8:19

amah in, “Kha lina, kha ngana, kha sagihna le kha sawmna sunga antannate pen, Judah gam mite adingin lungdamin kipakin pawi bawlna hun suakta ding hi. Tua ahih manin thuman le kilemna deih pha un,” hong ci hi.

Zekhariah 12:6

“Tua ni ciangin Judah minamte, tulak kaang le buhphual kaang ka bangsak dinga, a kiim a om minam dangte khempeuh a susia ding uh hi. Ahi zongin Jerusalem mite, a khuapi sungah lungmuangin a om hithiat ding uh hi.

Paikhiatna 29:45

Israel mite lakah keimah teengin amauʼ Pasian ka hi ding hi.

Late 2:6

“Ka mual siangtho Zion tungah ka kumpi ka tusak khin hi,” ci hi.

Jeremiah 14:9

Bang hangin mi lungkia gawp bangin omin, a hon khia thei lo galkap pa bangin om na hi hiam? Ahih hangin Topa aw, koteʼ laizang ah nang na om a, nangma minin kote hong kisam hi. Kote hong nusia kei in,’ hong ci uh hi,” hong ci hi.

Zekhariah 14:10

Leilu lam Geba khua panin leitaw lam Rimmon khua dong, leitung khempeuh, zanglei suak ding hi. Ahi zongin Jerusalem khuapi pen bangmah ci loin a sangpi-in om dinga, Benjamin Kongpi pan a kipan nidang a kongpi a omnasa Kiu Kongpi dong le Hananel Tausang panin kumpipaʼ leenggah cilna phual ciang dong a ban ding hi.