Zekhariah 3:4 - Tedim Bible Revision 2017

⁴ Vantungmi in ama sawltak van midangte kiangah, “Hih mipaʼ silh a puan ninte suahkhiatsak un,” ci-in thu a pia hi. Tua ciangin vantungmi in Joshua kiangah, “Na mawhna teng kong paih khiatsak khin a, tu-in na silh dingin puan thak kong pia ding hi,” a ci hi.

Tedim Bible

⁴ Vantungmi in ama sawltak van mi dangte kiangah, “Hih mipa’ silh a puan ninte suah khiatsak un,” ci-in thu pia hi. Tua ciangin vantungmi in Joshua kiangah, “Na mawhna teng kong paih khiatsak khin a, tu-in na silh dingin puan thak ka hong pia ding hi,” ci hi.

Zekhariah 3:4 Referans Kwoze

Luka 15:22

Ahi zongin a pa in a nasemte sam a, ‘Hong manlang un. Puan hoih pen hong la unla silhsak un. A khutme ah zungbuh butsak unla, a khe ah khedap zong bulhsak un.

Isaiah 61:10

Topa’ hangin nakpi takin ka lungdam dinga, ka Pasianʼ hangin kipakin ka diang ding hi. Bang hang hiam cih leh zipi pa puan hoih tawh kizemin, mothak nu a suang manphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

Mangmuhna 7:14

“Ka thei kei hi, topa aw. Nangmah in na thei zaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawp siangin Tuuno sisan tawh a paaksak uh ahi hi.

Ezekiel 36:25

Note tungah tui siangtho kong theh dinga, na milim biakna uh le note hong ninsak na dang khempeuh panin kong siangsak ding hi.

Isaiah 43:25

Na thupalsatnate hong paih khiatsak pa pen keimah ka hi a, kei ka hih manin na khialhnate ka ciamteh kei ding hi.

1 KORIN MASA 6:11

Note pawl khat, tua bangin na gamta uh hi. Ahi zongin note pen i Topa Jesu Khris le i Pasianʼ Kha Siangtho hangin mawhna panin a hong kisiangsak khin sa, Pasianʼ tungah a kipia sa, Pasian tawh a kipawl sa mite na hi uh hi.

Zekhariah 3:7

Vanglian Topa in hih bangin ci hi: “Ka thukhamte zui-in kong sawl thute na sep leh, ka biakinn sung le biakinn huang sungteng na uk dinga, hih ka kiang a om vantung miteʼ thu ka ngaih bangin nangma thu zong ka hong ngai ding hi.

Micah 7:18

Topa aw, nang tawh a kibang Pasian dang om lo a, a om lai na miteʼ mawhna nangmah in na maisak hi. Nang na heh paisuak kei a, na itna kip nong lak hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion ah a om a dah mite a lungdam nading, a lungkham mite in phatna la a sak theih nading, a lunggim mite in Pasian a phat theih nadingin amah in kei hong sawl zo hi.

Hebru 8:12

A mawhna a khialhna uh ah amaute ka hehpih dinga, tua bangte phawkin ka nei nawn kei ding hi,” na ci hi.

2 KORIN NIHNA 5:21

Khris tawh i kipawlna hangin eite zong Pasian tawh a kibangin midik i suah theih nadingin mawhna a nei lo Khris pen eiteʼ tang dingin Pasian in mawhnei mi a suaksak hi.

Zekhariah 3:9

Joshuaʼ omna mai ah, mai sagih a nei suang khat ka koih hi; tua suang tungah lai ka gelh dinga, ni khat sungin hih gam miteʼ mawhna ka paih khiatsak ding hi.

Late 51:9

Ka mawhna khempeuh na mai panin seel inla, ka khialhna khempeuh hong phiatkhiatsak in.

Kolose 3:10

ngeina thak tawh kituakin gamta un. Eite a hong piangsak Pasian a kicing takin i theih semsem nadingin amah a sun dingin a hong thakbawl tawntung ahi hi.

ROM (Romans) 6:23

Bang hang hiam cih leh mawhna in thaman hong piak pen sihna hi a, ahi zongin i Topa Jesu tawh i kipawl manin Pasianʼ hong piakkhong pen nuntak tawntungna ahi hi.

ROM (Romans) 3:22

Tua thu in: Jew mi le Gentail mi kuamah a kilamdanna om loin Jesu Khris upna hangin mi khempeuh in Pasian tawh kipawl theihna a ngah hi.

Johan 1:29

A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.

Luka 1:19

vantungmi in dawng a, “Kei pen Pasianʼ na a sem Gabriel ka hi hi. Nang kiangah thu hong genin, hih lungdamna thu a ko dingin a hong sawl ka hi hi.

Zekhariah 3:1

Topa in maang hong musak a, Topaʼ vantungmi mai ah siampi lianpen pa Joshuaʼ mawhna a zong dingin a kiangah Satan zong a om ka mu hi.

Isaiah 52:1

Zion aw, khanglo in; khanglo inla na tha khauhsak in. Khuapi siangtho Jerusalem aw, na puan hoihte silh in. Bang hang hiam cih leh dawibia mite le a nin mite nang sungah hong pai nawn lo ding hi.

1 KUMPI MASATE 22:19

Tua ciangin Mikaiah in, “Tua ahih ciangin Topaʼ thu ngai in: Topa a kumpi tokhom tungah tu-in, ama taklam le a veilamah vantung mihonpi a ding ka mu hi.

2 SAMUEL NIHNA 12:13

David in hih thu a zak ciangin Nathan kiangah, “Topaʼ tungah ka khial khin hi,” a ci hi. Tua ciangin Nathan in David kiangah, “Topa in zong na khialhna hong maisak khinzo hi; nang na si kei ding hi.

Mangmuhna 5:11

Tua ciangin ka khuadak leh tokhom le ganhing lite le upateʼ kimkot ah atul-amakin a ding miaimuai vantung miteʼ awging ka za hi.

Mattiu 22:11

“Kumpipa, a leenglate a en dingin a hong lut ciangin mopawi siimna puan a silh lo mi khat a mu hi.

Ezekiel 42:14

Siampite in Topa tungah biakna pia-in biakinn sungah a lut khit uh ciangin a pua lamah a pusuah nop uh leh, Topa tungah biakna a piak laitakun a silh uh puante suahin hih inn deite sungah koih ding uh hi. Tua lai panin puan dang silhin midangte omna ah pai thei pan uh hi,” hong ci hi.

Micah 7:19

Kote nong khasiatkik dinga, ka mawhnate uh hong sawp khiatsakin, tuipi taw ah nong paihsak ding hi.

Isaiah 44:22

Na thupalsatnate meiipi bangin na khialhnate meii lum bangin ka phiat khia khinzo hi. Hong hon khia khin ka hih manin kei kiangah hong ciahkik in.

Jeremiah 52:33

Tua ahih manin Jehoiakhin in a thong puante a suah khia hi. A nuntak sungteng khempeuh kumpipaʼ sabuai ah nisimin an a ne hi.