Zekhariah 3:3 - Tedim Bible Revision 2017

³ Joshua ahihleh vantungmi mai ah dinga, puan a nin mahmah a silh hi.

Tedim Bible

³ Joshua ahih leh vantungmi’ mai-ah ding a, puan a nin mahmah silh hi.

Zekhariah 3:3 Referans Kwoze

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puan nin tawh kibang lai veve hi. Kote khempeuh singteh bangin ka vul uh a, ka mawhna hangun huih letkhiat nahthel keu ka bang uh hi.

Mangmuhna 19:8

Puan hoih mahmah, siangin a pak mahmahte, ama silh dingin kipia hi,” a ci uh hi. Tua puan hoih pen Pasianʼ mi siangthoteʼ gamtatna mante ahi hi.

Ezra 9:15

Israel Pasian, Topa aw, nang na thutang a, ahi zongin tu ni-a a om lai ko teng nong suaktasak veve hi. Na muhna ah kote a mawhpi mah hi ta le-ung hong hehpih in; bang hang hiam cih leh mawhna tawh nangma mai ah kuamah om thei lo hi,” ci-in thu ka ngen hi.

Daniel 9:18

Pasian aw, kong thungetnate uh hong ngai inla hong za in. Hong en inla, koteʼ siatna le na min a pua khuapi a siatna hong mu in. Koteʼ gamtatna pha a suang hi loin nangma migitna suangin thu ka hong ngen uh hi.

Jeim 2:2

Gentehna-in, kham zungbuh bulhin puan manpha a silh mihau khat le puan sia sa a silh mizawng khat, noteʼ kikhopna ah hong pai khawm leh,

Juda 1:23

meiphual sung panin dawhkhiat bangin midangte na hon khia un. Mi pawl khatteʼ mawhna ah note zong na siat khak loh nadingun kidop kawmna tawh na huh unla, amauʼ gamtat hoih lo mawhnate na mudah un.

Ezra 5:2

Tua ciangin Shealtielʼ tapa Zerubbabel le Jozadakʼ tapa Jeshua, Jerusalem-a Pasianʼ biakinn lamkik ding kipan pah uh a, Pasianʼ kamsangte in amaute ompihin huh uh hi.

Isaiah 64:5

Thuman nasep lungdam takin a semte, nangma deih bangin a nungtate, nangmah in na limbawl hi. Kote tungah nang na heh a, ahi zongin kote ka khial lai veve uh hi. Tanglai pek a kipanin ka mawh ngitnget uh hi. A tua bangpi mahin kote hong kihon ding ahi hiam?