Zekhariah 3:2 - Tedim Bible Revision 2017

² Topaʼ vantungmi in Satan kiangah, “Satan aw, Topa in nang hong mawhsak hi. Jerusalem a it Topa in nang hong mawhsak hi. Hih Joshua pen meikhuk sung panin a kiteen khia singkhuah tawh kibang hi,” a ci hi.

Tedim Bible

² Topa’ vantungmi in Satan kiangah, “Satan aw, Topa in nang hong taai hi. Jerusalem a it Topa in nang hong taai hi. Hih Joshua pen, meikhuk sung panin a kiteenkhia singkhuah tawh kibang hi,” a ci hi.

Zekhariah 3:2 Referans Kwoze

Amos 4:11

Sodom le Gomorrah khuapite ka suksiat bangin note pawl khat kong susia hi. Meikhuk panin a kiteen khia singkhuah khat tawh na kibang uh hi. Tua bang hi napi-in kei lamah nong kihei kei uh hi, Topa in ci hi.

Juda 1:23

meiphual sung panin dawhkhiat bangin midangte na hon khia un. Mi pawl khatteʼ mawhna ah note zong na siat khak loh nadingun kidop kawmna tawh na huh unla, amauʼ gamtat hoih lo mawhnate na mudah un.

Juda 1:9

Vantung mi lian pa Mikhael nangawn tua bangin gamta ngam lo hi. Mosesʼ luanghawm kituhin Dawimangpa tawh a kitot laitakin Mikhael in Dawimangpa zahkona kammal zang ngam loin, “Topa in nang hong taii tahen,” ci bek hi.

ROM (Romans) 8:33

Pasian in mawh lo hi, ci-in a gen khit sa ahih manin, Pasianʼ teel sa mite tungah kua in mawhna guan thei nawn ding ahi hiam?

Zekhariah 1:17

Tua ciangin vantungmi in ka taangkona ding hong genkik leuleu a, “Ama khuapite nakpi takin citheikikin, Jerusalem khuapi a hehnep kikna ding le ama khuapi-in a neihkikna ding, Vanglian Topa in gen hi, ci-in gen in,” hong ci hi.

Zekhariah 2:12

Judah mite pen gam siangtho sungah Topaʼ neihtuam hong suakkik dinga, Jerusalem khua pen ama it penpen khuapi hong hikik ding hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpaʼ mi ahi hi. Hih Dawimangpaʼ nasepna a beisak dingin Pasianʼ Tapa a hong pai hi.

ROM (Romans) 16:20

Tua hileh eite tungah nopsakna a hong pia thei Pasian in Satan tuancilin noteʼ khenuai mi hong hisak baih ding hi. I Topa Jesu Khris hong hehpihna thupha, note tungah om tahen.

Johan 13:18

“Hih bangin ka hong genna in note khempeuh hong huam kim lo hi. Ka teel sa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

Luka 22:32

Ahi zongin, Simon aw, na upna na khahsuah loh nadingin nang adingin thu kong ngetsak khin hi. Kei kiangah nong kiheikik ciangin nungzui na lawmte na hanthawn in,” a ci hi.

Luka 4:35

Jesu in tua dawi taii a, “Pau kei inla, ama sung panin paikhia in,” ci-in thu a pia hi. Dawi in a mipa mihon lakah a puksak khit ciangin ama sung panin paikhia a, ahi zongin liamsak lo hi.

Daniel 12:1

Tua ciangin saihadial puan a silh vantungmi in, “Na mite a cing, a lian vantungmi Mikhael hong kilang ding hi. Tua ciangin leitungah mihing a pian zawh a kipan a nasia penpen gimna hun hong tung ding hi. Tua hun a hong tun ciangin Pasianʼ laibu sungah a min a kigelh na mite khempeuh kihon khia ding hi.

Late 109:31

Bang hang hiam cih leh sih nading gimna a pia paʼ khut sung pan a hon khia dingin mi cimawh paʼ tak lamah amah hong ding hi.

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpiteʼ Kumpi, topateʼ Topa ahih manin, amah le ama sap, a teel, citakin amah a zuite in tua kumpi sawmte a zo gawp ding uh hi,” hong ci hi.

Marka 1:25

Jesu in, “Pau kei in; hih mipa sung panin paikhia in,” ci-in tua dawi tungah thu a pia hi.

Luka 9:42

A naupang hong pai laitakin dawi in leilak ah tuksakin a kongkawcipsak hi. Ahi zongin Jesu in a dawi taii a, naupang damsakin, a pa kiangah a piakik hi.

Marka 9:25

Mihonte amau kiangah a hong kikhawm dingin a hong taina uh Jesu in a muh ciangin, “A pau thei lo, a bilngong dawi aw, hih naupang sung pan paikhia inla, tumkik ngei nawn kei in,” ci-in a taii hi.

Isaiah 7:4

ama tungah, ‘Kidawm inla, om khinkhian in. Lau kei in. Syria kumpipa Rezin le Remaliahʼ tapaʼ hehna pen, sing tum bang nih a khute tawh kibang lel ahih manin na lung gimsak kei in.