Zekhariah 2:1 - Tedim Bible Revision 2017

¹ Ka muhna dang khat leuleu ah, a khut sungah tehna khau a tawi mi khat ka mu hi.

Tedim Bible

¹ Ka muhna dang khat leuleu-ah, a khut sungah tehna khau a tawi mi khat ka mu hi.

Zekhariah 2:1 Referans Kwoze

Ezekiel 40:3

Amah in tua khuapi nai ah hong paipih a, sumngo bangin a tee mi khat ka mu hi. Tua mipa in pikhau khat le piciang khat tawi a, kongpi gei ah a ding hi.

Zekhariah 1:16

Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilamkik dinga, khuapi kulh zong kiciangkik ding hi, Vanglian Topa in ci hi, ci-in gen in,” hong ci hi.

Mangmuhna 21:15

Keima kiangah thu a hong gen vantungmi in tua khuapi, a kulh kongpite le a kulh a teh nadingin kham kibawl tehna ciang khat a nei hi.

Mangmuhna 11:1

Tua ciangin ciangkhut tawh a kibang teh nading ciang khat kei kiangah hong kipia a, “Pai inla, Pasianʼ biakinn le biakna tau le tua lai ah Pasian a bia mite va teh in.

Ezekiel 47:4

Tua ciangin pi tul khat za guk sawm giat ciang teh suk leuleu a, tua lai ah a tui hong ngaptansak a, khuk ciang tum hi. Tua ciangin pi tul khat za guk sawm giat ciang teh suk leuleu-in a tui hong ngaptansak a, ka kawng ciang tum hi.

Ezekiel 40:5

Ka muh pen biakinn na hi a, a kimkot ah kulh om hi. A mipa in pi sawm a pha tehna piciang la-in a kulh a teh hi. A teh ciangin pi sawm sahin, pi sawm mah sang hi.

Zekhariah 1:18

Ka khuadak leh saki li ka mu hi.

Jeremiah 31:39

Tua lai panin khuapi huang dingin nitumna lamah Gareb mual dong kiteh suak dinga, Goah lamah a kihei ding hi.

Ezekiel 47:3

A mipa in a tehna piciang tawi-in a tui luanna nisuahna lam pi tul khat za guk sawm giat ciang dong teh suk a, a tui kei hong ngaptansak hi. A tui pen siakmit ciang bek thuk hi.

Isaiah 54:16

“En un, pum zapin ama kizat nading ciatin a seek dingin hiam a bawl sikseek pa ka piangsak khin hi. A susia dingin a susia gawp thei pa zong ka piangsak khin hi.

Jeremiah 48:25

Topa in kong cih in ah, Moab gamʼ hatna teng bei khinta hi. A hatna le a vangliatna teng kisuksiatsak hi.

Daniel 7:7

Ka et lai leh sapi lina ka mu hi. Tua sapi kihtakhuai mahmah a, lipkhaphuai-in a thupi mahmah hi. Amah in a gol mahmah sik-ha a nei hi. Amah in nene-in a nek val teng a khe tawh a tuancil gawp hi. Sapi dangte tawh kibang loin amah in ki sawm a nei hi.