Zekhariah 14:9 - Tedim Bible Revision 2017

⁹ Tua ciangin Topa pen leitung khempeuhʼ kumpi suak dinga, mi khempeuh in amah bek thei-in bia ding uh hi.

Tedim Bible

⁹ Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Zekhariah 14:9 Referans Kwoze

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Daniel 7:27

“Hih leitung kumpi gam, vangliatna le liatna khempeuh a Lianpen Pasianʼ mite tungah a kipia ding hi. Amauʼ kumpi za cikmah hunin bei ngei lo dinga, leitung ukna za a nei khempeuhte in a thu uh mangin amauteʼ na a sem ding uh hi,” hong ci hi.

Zefaniah 3:9

“Tua ciangin minamteʼ lungsim ka hei dinga, amaute in keima tung bekah thu hong ngenin, lungsim kikhatin ka na hong sem ding uh hi.

Thu-hilhkikna 6:4

“Israel-te aw, za un: Topa i Pasian, Topa khat bek ahi hi.

Late 72:17

Ama min kip tawntung henla, a minthanna kip paisuak hen. Ama hangin mite in thupha ngah henla, minam khempeuh in amah pen thupha ngah pa, ci ta uh hen.

Mattiu 1:23

“Nungak khat gai-in tapa khat nei dinga, ama min dingin Emmanuel kiphuak ding hi,” ci hi. Emmanuel a khiatna in, eite tawh Pasian hong om khawm hi, a cihna ahi hi.

Jeremiah 23:6

Ama hun hong tun ciangin Judah mite kihon khia dinga, Israel mite lungmuang takin a teeng ding uh hi. Amah a kilawh nadingin a min, ‘Topa, Eiteʼ Diktanna,’ ci-in a kiphuak ding hi.

Isaiah 54:5

Bang hang hiam cih leh nangmah hong Bawlpa pen nang adingin na pasal bang hi dinga, ama min pen Vanglian Topa ahi hi. Israel-teʼ Siangtho Pa pen nang hong hon khia pa hi a, amah pen leitung buppiʼ Pasian a kici hi.

Late 86:9

Topa aw, na bawl sa minam khempeuh hong pai-in na mai ah hong kun ding uh a, nangma min hong phat ding uh hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min le Kha Siangtho min tawh tui sungah na phum un.

Late 67:4

Miteʼ thu a manin khenin, leitung minamte khempeuh lamlakin makai na hih manin, minamte nuamin lungdamna la hong sak ta uh hen.

Amos 9:12

Tua ciangin Israel mite in Edom gam a om lai teng le keima mi ahi ngei minam khempeuh zo-in ngahkik ding uh hi, Topa in ci hi.

1 SAMUEL MASA 2:10

Topaʼ langte tamkham dinga, amah in amaute do-in vantungah van gingsak ding hi. Topa in leimong dongah thu khen ding hi. Amah in ama kumpipa tungah thahatna pia dinga, a sathau nilh paʼ vangliatna sangsak ding hi,” a ci hi.

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

Micah 5:4

Amah in Topaʼ thahatna tawh a mite uk dinga, Topa ama Pasianʼ vangliatna tawh a uk ding hi. Leitung mi khempeuh in ama liatna phawk ding uh ahih manin ama mite lungmuang takin om thei ding uh hi.

Isaiah 45:21

Na thu uh sung unla, hong gen un. Na thu uh kikum khawm un! Hih thu sawtpekin kua in gen ahi hiam? Tanglai-in kua in pulak ahi hiam? Keimah Topa hi lo ka hi hiam? Thuman Pasian le Honpa ahi, kei sim loh pasian dang om lo a, kei sim loh kuamah dang om lo hi.

Obadiah 1:21

A gualzo Jerusalem khua mite in Esauʼ gam simin uk ding uh a, tua gam pen Topaʼ gam ahi ding hi.

Habakkuk 2:14

Tuipi, tui tawh a kidim mah bangin Topa’ minthanna theihna tawh leitung kidim ding hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Malakhi 1:14

A tuu hon lakah tuutal cidam nei napi-in, a kamciam sa bangin kei tungah hong piak ciangin, a sitbaang ganhing a hong pia mi khempeuh in samsiatna thuak tahen. Bang hang hiam cih leh kei pen a lian mahmah Kumpipa ka hi a, minam khempeuh in kei hong zahtak uh hi,” a ci hi.

Late 97:1

Topa in uk hi. Leitung lungdam henla, tuikulh neu tampite zong lungdam ta uh hen.