Zekhariah 13:3 - Tedim Bible Revision 2017

³ Mi khatpeuh kamsang a kineih lai teitei leh, a pianna a nu le a pa mahmah in kho ding uh a, ‘Topaʼ min paulamin zuau thu gen na hih manin na si ding hi,’ ci ding uh hi. Tua bangin thu a gen teitei le, a nu le a pa mahmah in tem tawh sunlum ding uh hi.

Tedim Bible

³ Mi khatpeuh kamsang a kineih lai teitei leh, a pian’na a nu leh a pa mahmah in kho ding uh a, ‘Topa’ min paulamin zuauthu gen na hih manin na si ding hi,’ ci ding uh hi. Tua bangin thu a gen teitei leh, a nu leh a pa mahmah in tem tawh sun lum ding uh hi.

Zekhariah 13:3 Referans Kwoze

Thu-hilhkikna 18:20

Ahih hangin keimah in thugen dingin thu pia lo napi-in keima min tawh thu a gen ngam kamsang pa hitaleh pasian dangteʼ min tawh thu a gen pa hitaleh, tua bang mite si ding hi,’ hong ci hi.

Mattiu 10:37

“Kei sangin a nu a pa a it zawte kei tawh kilawm lo a, kei sangin a tapa a tanu a it zawte kei tawh kilawm lo hi.

Ezekiel 14:9

Kamsang khat peuhpeuh in khemna tawh a man loin thu hong dawn leh, Topa ahi keima khem hi ding hi. Israel mite lak panin tua kamsang pa ka la khia ding hi.

Jeremiah 23:34

Kamsang khat, ahih kei leh siampi khat, ahih kei leh ka mite khat peuhpeuh in, ‘Topaʼ thugen pen van gik khat ahi hi,’ a cih leh tua mipa le a innkuanpihte khempeuh gim ka pia ding hi.

2 KORIN NIHNA 5:16

Tua ahih manin kote in mihingteʼ ngeina zia tawh kuamah ka en nawn kei uh hi. Khris mahmah zong mihing lungsim ngaihsutna zia tawh ka et ngei uh hangin tu-in tua bangin ka ngaihsun nawn kei uh hi.

Luka 14:26

“Kei kiangah a hong pai mite peuhmah in a nu le a pa, a zi le a ta, a sanggam numeite le a sanggam pasalte le ama pumpi mahmah a nial ngam kei leh keima nungzui suak thei lo ding hi.

Thu-hilhkikna 33:9

A nu le a pa sangin nangmah hong thupi ngaihsut zaw uh a, ‘Amaute ka thupi sim kei hi,’ a ci pa ahi hi. Amah in a sanggamte paai khia-in, a tate don lo hi. Bang hang hiam cih leh Levi minamte in na thu hong mangin, na thuciamna zui uh hi.

Jeremiah 23:25

Ka min tawh zuau phuakin, ‘Mang man zo ing, mang man zo ing,’ ci-in a gen kamsang zuautheiteʼ thuhilhnate zong ka za khinzo hi.

Jeremiah 28:15

Tua ciangin kei zong kamsang Hananiahʼ kiangah, “Na ngai in, Hananiah! Topa in nang hong sawl lohpi, hih mite zuau thu na umsak hi.

Ezekiel 13:23

Tua ahih ciangin tu-in na zuau maangmuhnate uh le mi lam a khialsak thei na thugen kholhnate uh bei ta ding hi. Noteʼ khut sung panin ka mite ka hon khia ta dinga, tua ciangin Topa ka hihna thu na hong thei ding uh hi,” a hong ci hi.

Ezekiel 43:7

“Mihing ahi Ezekiel aw, hih lai munah ka kumpi tokhom om hi. Israel mite lak hih lai munah ka teng dinga, amaute ka uk tawntung ding hi. Israel mite le a kumpite un pasian dang biakna tawh ahi a, a kumpi si sate uh phawk nading mual bawlna tawh ahi zongin ka min siangtho daisak ngei nawn lo ding uh hi.