Zekhariah 12:1 - Tedim Bible Revision 2017

¹ Vanpi zalin leitung piangsak a, mihingte tungah nuntakna a pia Topa in Israel mite tawh kisai-in thu gen a,

Tedim Bible

¹ Vanpi zalin, leitung piangsak a, mihingte tungah nuntakna a pia Topa in Israel mite tawh kisai-in thu gen a,

Zekhariah 12:1 Referans Kwoze

Isaiah 42:5

Vantungte piangsakin a zal, leitung phahin, a tung panin a hong paikhia nate a piangsak, leitungah a om mite tungah husanna pia-in, leitungah a paite khempeuh husanna a guan Topa Pasian in hih bangin ci hi:

Jeremiah 51:15

“Pasian in ama vangliatna tawh leitung bawl a, ama pilna tawh leitung piangsakin, ama siamna tawh vantung a zal hi.

Isaiah 57:16

Ka mite tungah nuntakna ka pia hi. Amaute ka mawhsak paisuak kei dinga, amaute tungah ka heh tawntung kei ding hi.

Hebru 12:9

Tua banah, i leitung pate in gim hong pia a, zong i zahtak lai hi. Tua ahihleh kha thu tawh kisai ah i Paʼ thu mang pha zaw-in i nuntak ding kisam hi.

Isaiah 48:13

Ka khut in leitung bulpi koih a, ka khut taklam in vantungte zal hi. Amaute ka sap ciangin amaute om khawm pah uh hi.

Isaiah 44:24

Gil sung panin nangmah a hong piangsak, nangmah hong Honpa, Topa in hih bangin ci hi: “Keimah in na khempeuh bawlin, keimah guak in vantungte zalin, kuama seppih lohin leitung ka zal hi.

Thuhilh-sia 12:7

I pumpi, lei suakkik dinga, i nuntakna a hong pia Pasianʼ kiangah i kha ciahkik ta ding hi.

Gamlak-vakna 16:22

Amaute bok suk uh a, “Pasian, mi khempeuhteʼ tungah nuntakna a pia Pasian aw, mi khatʼ khialhna hangin mihon khempeuhteʼ tungah nang heh ding na hi hiam?” a ci uh hi.

Piancilna 2:7

Topa Pasian in leilak pan a leivui tawh mihing bawl a, a nak sungah nuntakna hu sang suk hi. Tua mi pen leitung nuntakna a nei mihing hong suak pah hi.

Ezekiel 18:4

Mi khempeuh keima aʼ hi a, pate ahi a, tate ahi zongin keima-aʼ ahi hi. A mawh mipa bek si ding hi.

Jeremiah 38:16

Tua ciangin kumpipa Zedekiah in kei kiangah, “Eite nuntakna a hong pia Topa a nuntak bangin kong sisak kei dinga, nang a hong that nuam hih miteʼ khut sungah zong kong pia kei ding hi,” ci-in kiciamna a hong pia sim hi.

Jeremiah 30:16

Tua ahih manin no hong thatte kithat dinga, na galte khempeuh uh salin kimankik ding hi. No hong buluhte kibuluh dinga, no a hong mante, matin om zaw ding uh hi.

JOB (Job) 26:7

Pasian in mun awng tungah vanpi hong zal khia a, bangmah in a len lopi-in leitung a khai lingleng hi.

Jeremiah 10:12

Pasian in ama vangliatna tawh leitung bawl a, ama pilna tawh leitung piangsakin, ama siamna tawh vantung a zal hi.

Isaiah 51:13

Vantungte zalin, lei bulpite a koih, note a hong bawl Topa hong mangngilh khinta na hi uh hiam? Note susia dingin a kithawi, no a hong nengniamteʼ hehna, bang hangin kihta-in lau tawntung na hi uh hiam? Amauteʼ hehna in note hong susia zo het lo ding hi.

Isaiah 45:18

Vantungte a piangsak pa (amah Pasian!) Leitung piangsakin a bawl pa (a kipsak pa; a awngthawl dingin bawl loin, ten nadingin leitung a piangsak pa!) Topa in hih bangin ci hi: “Kei pen Topa ka hi a, kuamah dang om lo hi.

Isaiah 45:12

Keimah in leitung ka bawl a, tua tungah mi ka piangsak hi. Keima khut in vantungte zal a, keimah in vantung na honpite khempeuh thu ka pia hi.

Isaiah 40:22

Leitung a a teeng mite kauphe tawh kibang lel hi. Leitung kimkot tungah a tupa, vantungte puan bangin zalin, a sungah a om theih nadingin puanbuk bangin a zal pa,

Isaiah 40:12

Kua in ama khutkuak sungah tuite tehin, ama khap tawh vantung teh a, leitung leivui khempeuh lawh khat sungah guangin, pongkhaina tawh mual liante khai a, tawitehna tawh mual neute teh ahi hiam?

Late 104:2

Puanza tawh tuam bangin khuavak tawh na kituam a, vantungte pen puanbuk bangin na zal hi.

Malakhi 1:1

Topa in Malakhi tungtawnin Israel-te tungah thu gen hi.

Zekhariah 9:1

Topaʼ thugenna: Hadrak gam miteʼ gimtuahna ding Topa in thu khen zo a, Damaskas khuapi in zong tuak ding hi. Israel minam khempeuh, Topa-aʼ ahih mah bangin leitung minam khempeuh zong Topa-aʼ mah ahi hi.

Joel 3:19

“Amaute in Judah gam simin, mawhnei lo mite that uh ahih manin, Egypt gam, sehnel gam suakin, Edom gam, gam sia suak ding hi.

Kah la 2:14

Na kamsangte un zuau thu longal thudang gen ding nei lo uh a, a thuhilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lakkhial uh a, kisikkik theih nading hun a hong pia kei uh hi.

Jeremiah 50:34

Ahih hangin amaute a hon khia pa hat mahmah a, Vanglian Topa kici hi. Amah in leitungah kilemna a omna ding le Babylon mite in gimna a ngah nadingin, amaute adingin a sem ding hi.

Jeremiah 30:10

“Tua ahih manin Topa in kong cih in ah: Ka nasem pa Jakobʼ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong hon khia dinga, na suan na khakte uh a saltanna uh panin ka hon khia ding hi. Jakobʼ suante hong ciah ding uh a, nuam takin a tengkik ding uh hi. Kuamah in amaute a lausak nawn kei ding hi.

JOB (Job) 37:18

Limlang bangin a sak mahmah van peekpi ama hih bangin zal zo na hi hiam?

Piancilna 1:8

Pasian in van kuumpi pen “Vantung” ci hi. Nitak hong bei-in zingsang hong tunga, ni nih ni ahi hi.

Late 134:3

Vanlelei a bawl Topa in Zion panin note tungah thupha hong pia tahen.