Zekhariah 10:3 - Tedim Bible Revision 2017

³ Ka mi a makaite tungah ka heh suak mahmah a, amaute gim ka pia ding hi. Judah mite pen Vanglian Topa ahi keima aʼ hi a, amaute limtakin kemin, ka sakol galkap thahatte a suak ding uh hi.

Tedim Bible

³ Ka mi a makaite tungah ka heh suak a, amaute daan ka pia ding hi. Judah mite in, Vanglianpen Topa ahi keima aa hi a, amaute lim takin keemin, ka sakol galkap thahatte hi ding uh hi.

Zekhariah 10:3 Referans Kwoze

Ezekiel 34:2

“Mihing ahi Ezekiel aw, keima tuu hon ahi Israel mi a cingte mawhsakna thu gen in. Amaute kiangah thu gen inla, Topa Pasian ahi keima thugen, amaute kiangah hih bangin gen in: Israel mi a cing note aw, gimna na thuak ding uh hi. Nomau mahmah na kivak uh a, tuute na don kei uh hi.

Zekhariah 11:17

“Kimanna a nei lo tuucingpa, a tuuhonte a nusia pa in gimna ngah tahen! Namsau in a khut ban tan henla, a taklam mit sat kham hen. A khut bei mang henla, a taklam mit tawcip hen!” hong ci hi.

Zefaniah 2:7

Judah mi a omlaite in na gam sung luah ding uh a, amaute in tuucinna in nei-in, Ashkelon khua sunga om innte sungah zanin lum ding uh hi. Topa ahi amauteʼ Pasian in amaute ompih dinga, cithei sakkik ding hi.

Jeremiah 25:34

“No makaite aw, tau unla, kap un; vut lakah kikhuk un, no uliante aw. Bang hang hiam cih leh hong kithahlup ni ding le na kikhenthang ni ding uh hong tung zo hi; tuutal teelte bangin hong kithat lum ding hi.

Paunak 21:31

Galdo nadingin sakolte a baih sa-in kikoih a, ahi zongin gal zawhna pen Topaʼ hang hizaw hi.

1 PETER MASA 2:12

Gentail mite in note mihoih lo hi, ci-in hong gensia nuamin mawhna hong zon ciangin, noteʼ hoihna bekbek mu-in, Pasian a hong pai Ni ciangin a phat theih nadingun amaute lakah na gamtatna uh hoihsak tawntung un.

Luka 1:68

“Israel miteʼ Topa Pasian phat ciat ni. A mite a huh dingin hong pai-in amaute a suaktasak hi.

Ruth 1:6

Tua ciangin tua nu a mo tegel tawh Moab gam panin a ciahkik dingin kithawi hi. Bang hang hiam cih leh Topa in a mite kemin an a piakna thu Moab gam sung panin amah in za hi.

Paikhiatna 4:31

Mite in um uh hi. Israel mite kiangah Topa hawhin, amauʼ thuaknate amah in a muh khitna thu amaute in a zak uh ciangin, amaute in a lu uh kunin Pasian a bia uh hi.

Zefaniah 1:8

Topa in hih bangin thu gen a, “Tua bangin mite a kigawh ni-in, uliante le kumpipaʼ tapate, le gamdangteʼ ngeina a zuite khempeuh, gim ka pia ding hi.

Jeremiah 50:6

“Ka mite tuu mangthang bang a hi khin uh hi. Makai tuucingte in mual tung tengah lam khialin a gam man pih uh hi. Mual khat panin mual khat ah a pai kawikawi uh a, a giahna inn uh a thei nawn kei uh hi.

Jeremiah 25:12

Kum sawm sagih a cin khit ciangin Topa in kong cih in ah, Babylon kumpipa le a gam amauʼ mawhna hangin gim ka pia dinga, tua gam a tawntungin gam simtham ka suaksak ding hi.

Jeremiah 11:22

Vanglian Topa in, “En un, amaute gim ka pia ding hi. A tangvalte uh namsau-in si ding uh a, a tapate le a tanute uh kialin a puksi ding uh hi.

Jeremiah 10:21

Bang hang hiam cih leh makaite hai khin uh a, Topaʼ deihna dong lo uh hi. Tua thu hangin amaute mapai lo uh a, a mite uh kithehthang mang hi.

Isaiah 24:21

Tua ni ciangin Topa in vantung a om mihonpite le leitung kumpite gim pia ding hi.

Isaiah 10:12

Topa in Zion Mual le Jerusalem khua ah ama nasep ding teng a zawh khit ciangin Assiria kumpipa kiphasakin a kisialhna le a kiphatsakna hangin gim a pia ding hi.

Solomon la 1:9

Ngaihno aw, Faroʼ sakoltal in sakolpite a delh bangin nang hong kidelh hi.

Ezekiel 34:12

Tuucingte in a kithehthang tuute kaikhawmin a kep bangin keimah in donin ka kem ding hi. Tua bang a lauhuai siat nading hun laitakin a kithehthangna uh mun khempeuh panin ka kaikhawm ding hi.

Daniel 11:32

Kumpipa in tua biakna a nusia mite a thu zawh theih nadingin zuaugen siamna a zang ding hi. Ahih hangin Pasianʼ nung a zui mite ahih uh leh thahatin a gualzo ding uh hi.

JOB (Job) 39:25

Peengkul a kitum ciangin ham hathat uh a, gal mai a tun ma-un gal gimnam za uh a, galkap maangteʼ thupiakna awging a za uh hi.

Ezekiel 34:11

“Topa Pasian keimah in note kiangah kong genin ah: Kei mahmah in ka tuute zongin ka kem ding hi.