Zekhariah 1:8 - Tedim Bible Revision 2017

⁸ Topaʼ vantungmi khat sakol san khat tungah a tuang ka mu hi. Kuam sunga a om mui singkungte lakah amah khawl a, ama nungah sakol dang a san, a gial, a kang om hi.

Tedim Bible

⁸ Topa’ vantungmi khat, sakol san khat tungah a tuang ka mu hi. Kuam sunga om mui singkungte lakah amah khawl a, ama nungah sakol dang a san, a gial, a kang om hi.

Zekhariah 1:8 Referans Kwoze

Mangmuhna 6:4

Sakol a ausan khat hong pai a, mite khatlekhat a kithah theih nadingun a sakol tung tuang pa in leitungah gal kidona a piansak theih nading vangliatna kipia a, ama tungah namsau lian mahmah khat zong kipia lai hi.

Mangmuhna 2:1

“Efesa khua-a pawlpi vantungmi kiangah lai gelh inla, a taklam khut ah aksi sagih tawi-in, kham kibawl meivakna lakah a pai kawikawi Jesuʼ thugenna hih bang ahi hi:

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.

Isaiah 55:13

Ling tangin tak kung hong po dinga, lingkung tangin mui kung hong po ding hi. Tua pen Topa’ nasepna phawk tawntungna, a kila khia ngei lo ding, a tawntungin a om lim khat hi ding hi, a ci hi.

Isaiah 41:19

Gamlak ah taamtak sing, singkha sing, mui sing le oliv kungte ka posak ding hi. Sehnel gam sungah taaksan sing, hiangpa sing le taksing ka suan khawm ding hi.

Daniel 7:13

Zan ka maangmuh hun sungin ka khuadak leh mihing tawh a kibang mi khat meii tungah a hong pai ka mu hi. A nungta tawntung mipa kiangah pai-in, ama kiangah a kipia hi.

Daniel 7:2

Mun khempeuh panin huihpi hong nungin tuipi tung a seem gawp hi.

Daniel 2:19

Tua ciangin tua zan sungin maangmuhna tawh tua thuthukpi Danielʼ tungah kihilh a, amah in vantung Pasianʼ min a phat hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahi pa in hih bangin ci hi: “Kei pen a sangna mun le a siangtho munah ka om a, a kiniamkhiat miteʼ lungsim le a kisik miteʼ lungsim a thakhauhsakkik dingin kisikna le kiniamkhiatna lungsim a neite tawh zong kei ka om khawm hi.

JOB (Job) 4:13

Mi a ihsip hun zankim laitak, zan mangmat hun laitakin

1 KUMPI MASATE 3:5

Gibeon ah zanin mang sungah Solomonʼ tungah Topa kilang hi. Pasian in, “Nang kong piak ding hong ngen in,” a ci hi.

Joshua 5:13

Jerikho khua kiangah Joshua a tun ciangin a khuadak toh leh, a khut sungah namsau dawh sa tawh mi khat a mai ah na ding hi. Ama kiangah Joshua pai-in, “Koʼ pawl na hi hiam, ahih kei leh ka langteʼ pawl na hi hiam?” a ci hi.

Piancilna 20:3

Ahih hangin zanin mang sungah Abimelek kiangah Pasian pai a, ama kiangah, “En in, na lak sa numeiʼ hangin nang a si ding na hi hi. Bang hang hiam cih leh amah, mi khatʼ zi ahi hi,” a ci hi.

Solomon la 6:2

Ka ngaihno, paknamtui kung a pona, a huan sungah pai hi. A huan sungah a tuu cing a, unok paakte a lo hi.

Solomon la 2:16

Ka ngaihno keima aʼ hi; kei zong ama aʼ hiʼng. Amah in unok paakte lakah a tuu cing a,

Mangmuhna 6:2

Ka khuadak leh sakol kang khat hong pai a, a tungah a tuang pa in thal khat a tawi hi. Ama tungah lukhu khat kipia a, a gualzo pa hihna tawh a gualzo dingin a kuan khia hi.

Zekhariah 1:7

Darias in a uk a kum nihna kum, kha sawm le khatna ahi Shebat kha ni sawm nih le ni li ni-in Topa in kei tungah thu hong gen a, zanin maang hong musak hi.

Zekhariah 1:10

Hih sakol tung tuangte pai kawikawi-in leitung a en dingin Topa in a sawl ahi hi,” hong ci hi.

Zekhariah 1:11

Tua ciangin mui kung lakah a khawl Topaʼ vantung mite kiangah amaute in, “Leitung khempeuh ka en kawikawi khin uh a, leitung khempeuh khua phawk loin nuam takin om uh hi,” ci-in thu a zasak uh hi.

Piancilna 46:2

Pasian in Israel tungah zanin thu gen a, “Jakob, Jakob,” ci hi. Amah in, “Hiah om ing,” ci hi.

Gamlak-vakna 12:6

Topa in, “Ka thu za un: Noteʼ lakah kamsang a om leh Topa keimah in ama tungah maangmuhna tawh ka kilak a, amah tawh mang sungah ka kiho hi.