Zekhariah 1:4 - Tedim Bible Revision 2017

⁴ Na pu na pate uh bang nawn kei un. Nidang a kamsangte in amaute kiangah ka thu gen uh a, gamtat sia gamta loin, a mawh nawn loh nading hilh uh hi. Ahi zongin amaute in ka thu ngai nuam loin, ka thu hong mang lo uh hi.

Tedim Bible

⁴ Na pu na pate uh bang nawn kei un. Nidanga kamsangte in amaute kiangah ka thu gen uh a, gamtatsia gamta loin, a mawh nawn lohna ding uh hilh uh hi. Ahi zongin amaute in ka thu ngai nuam loin, ka thu hong mang lo uh hi.

Zekhariah 1:4 Referans Kwoze

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna uh panin kihei unla, na gamtat hoih lote uh kipuahpha un. Pasian dangte nung delh loin a na na sep kei nak uh leh note le na pu na pate uh kiangah ka piak gam sungah na teeng ding uh hi,’ ci-in note tungah hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Zekhariah 1:3

Ahi zongin tu-in kei kiangah hong ciahkik le-uhcin, kei zong note kiangah kong paikik ding hi.

1 PETER MASA 1:18

Na pu na pate uh nuntak zia, bangmahin a kimang lo nuntakna panin a hong suahtaksak nadingin Pasian in noteʼ man dingin a piak pen a man a kiam thei ngun le khamte bang hi lo a,

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua ah thu hilhin, a zomin Jerusalem khua ah, tua ciangin Jew mite omna gam khempeuh le Gentail mite lakah thu ka hilh hi.

Sawltak 3:19

Tua ahih ciangin na mawhnate uh hong sawp siangsak theih nading, Topa kiang panin a hong pai lungsim nopna hun na ngah theih nading uh le note adingin a seh sa Jesu Khris a hong sawl theih nadingin na mawhna uh kisik unla, Pasian kiang zuan un.

Micah 2:6

Amaute in kei kiangah, “Tua bang thu hong gen kei in. Tua bang thu gen dingin kilawm lo hi. Tua bangin Pasian in hong minsiasak lo ding hi,” hong ci uh hi.

Amos 5:24

Thutang, tui bangin luang khiasak unla, thuman, a kang ngei lo tui bangin luangsak un.

Hosea 14:1

Israel-te aw, noteʼ Topa Pasianʼ lamah kiheikik un. Na mawhna hangun note na puk khin uh hi.

Jeremiah 44:16

“Topaʼ mina nong gen thute kong mang kei ding uh hi.

Jeremiah 26:5

note in a thu na man ngei loh uh ahi, kong sawl zelzel ka nasem kamsangteʼ thu na thupi sim kei uh leh

Jeremiah 18:11

Tua ahih manin tu-in, Judah mite le Jerusalem khua miteʼ kiangah Topa in a cih in ah, ‘En un, noteʼ siat nading ka geel a, noteʼ lang khat ah ngimna khat ka nei hi. Na vekpi-un na siatna uh pan kilehkik unla, na om dan uh le na nasepnate uh bawl pha un,’ va ci in.

Jeremiah 3:12

Pai inla leilu lam Israel gamah hih bangin va taangko in: ‘Hong kilehkik in, a zulhzau Israel aw, Topa in kong ci hi. Hehna tawh nang kong en kei ding hi; bang hang hiam cih leh a hehpih thei pa ka hi hi, Topa in kong ci hi. Ka heh tawntung kei ding hi.

Isaiah 31:6

Israel mite aw, nakpi takin na do pa uhʼ lamah kiheikik un.

Nehemiah 9:30

Kum tampi sung lungduaina tawh amaute na thuak a, na kamsangte tungtawnin amaute na hilh hi. Ahi zongin amaute in ngai nuam lo uh hi. Tua ahih ciangin gamdang miteʼ khut sungah amaute na pia hi.

Nehemiah 9:26

“‘Ahi zongin amaute in demnopna lungsim nei-in nang hong lehdo uh hi. Amaute in na thukham nungngat uh a, nangma lamah hong ciahkik nadingun amaute a hilh na kamsangte that uh a, amaute in gendai mawhna lianpi bawl uh hi.

Nehemiah 9:16

“‘Ahi zongin koteʼ pute pate kihisakin lungkhauh uh a, na thupiaknate mang lo uh hi.

Ezra 9:7

Ka pu ka pate uh hun a kipanin tu hun dong mawhna lianpi ka nei uh hi. Tua thu hangin ka kumpite uh le ka siampite un gamdang kumpiteʼ khut sungah sihna, salsuahna, neihsa kisuhna le maizumna thuak uh a, tuhunin zong tua bangmah ka thuak uh hi.

2 KHANG TANGTHU NIHNATE 34:21

“Pai unla, a kimu laibu sunga kammalte tawh kisai-in keima ading le Israel le Judah ah a om lai mite adingin Topa thu va dong un; bang hang hiam cih leh i pu i pate in hih laibu sungah a kigelh khempeuh bangin sep ding Topaʼ kammal na zui lo uh ahih manin eite tungah Topaʼ hehna lian hi,” a ci hi.

2 KHANG TANGTHU NIHNATE 30:7

Note in na theih uh bangin, amauʼ pute pateʼ Topa Pasianʼ tungah a cihtak lohna uh hangin nakpi takin gim a piak na pute na pate uh le na sanggamte uh bang kei un.

Jeremiah 4:1

Topa in, “Israel mite aw, na kilehkik nop uh leh kei kiangah hong kilehkik un. Na kihhuainate uh kei kiang pan na paihkhiat uh a, na tai kawikawi kei uh a,

Jeremiah 23:22

Ahih hangin amaute in keima lungsim tawng hong thei uh hileh keima thugente ka mite tungah taangko ding uh a, a nuntakna uh a hoih lote panin kikhelsakin, a gamtat hoih lote uh panin zong kikhelsak khinzo ding uh hi.

Ezekiel 20:18

A tate uh kiangah, ‘Na pu na pate un a bawl thukhamte zui kei unla, amauteʼ tat ngeinate zui kei un. A milim biakte uh tawh zong kininsak kei un.

Ezekiel 33:4

Mi khatpeuh in tua pataukohna za napi-in don loin a om mawk a, a galte hong pai-in tua mipa a thah leh, ama sihna pen a mahmah ngawh ding ahi hi.

Zekhariah 7:7

Jerusalem cithei-in a khua sungah mi tampi om a, leitaw lam gam, nitumna lam gam, a kiim a pam khuapite ah mi tampi teengin a om hun laitakin, tu-a bangmahin Topa in a kamsang masateʼ tungtawnin a gen sa thu ahi hi.

2 KHANG TANGTHU NIHNATE 30:6

Tua ahih ciangin kumpipa le a uliante kiang pan a laikhakte tawh Israel khempeuh le Judah sungah laikhakte tawh pai uh a, kumpipaʼ thupiakna: “Israel mite aw, Assiria kumpiteʼ khut sung panin a suakta, a om lai noteʼ lamah amah hong kiheikik theih nadingin Abraham, Isaac le Israel Pasian, Topaʼ lamah kiheikik un.

Jeremiah 3:14

Hong kilehkik un, a zulhzau ka tate aw, Topa in kong ci hi. Bang hang hiam cih leh note pen keima mite na hi uh a, khuapi khat panin mi khat, beh khat sung panin nih cih bangin hong la-in, Zion khua ah ka hong puak ding hi.

Jeremiah 25:8

“Tua ahih ciangin Vanglian Topa in kong cih in ah, note in ka thu hong mang lo na hih uh ciangin

Ezekiel 14:6

“Tua ahih ciangin Topa Pasian ahi keima thugen pen Israel mite tungah hih bangin gen in: Hong kiheikik unla, na milimte uh nusia un.

Daniel 9:6

Ka kumpite uh, ko hong ukte, ka pu ka pate uh le minam khempeuh tungah na min tawh thu a hong gen na nasem kamsangteʼ thu ka ngai kei uh hi.