Zefaniah 3:8 - Tedim Bible Revision 2017

⁸ Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte le kumpi gamte kaikhawmin, ka hehna ka thuaksak ding, ka lungsim ka khensat khin hi. Ka hehluatna meikuang tawh leitung khempeuh kaang tum ding hi.

Tedim Bible

⁸ Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte leh kumpi gamte kaikhawmin, ka hehna ka thuaksak ding, ka lungsim ka khentat khin hi. Ka heh luatna meikuang tawh, leitung khempeuh kangtum ding hi.

Zefaniah 3:8 Referans Kwoze

Joel 3:2

Minam dang khempeuh kaikhawmin Jehoshafat Kuam ah ka paipih ding hi. Ka mihingte tungah a bawlnasa uh hangin tua munah amaute thu ka khen ding hi. Amaute in Israel mite, gam dangah thehthang uh a, ka gam sungteng phel hawm mangkhin uh hi.

Zefaniah 1:18

Topaʼ heh thuk ni hong tun ciangin a ngun le a khamte un amaute hon khia zo lo ding hi. Ama hehna meikuang in leitung khempeuh kaang tum dinga, thakhat thu-in leitung a teeng mi khempeuh a sumai ding hi.

Micah 7:7

Ahi zongin keʼn ka hih leh Topa mah ka en dinga, kei hong suaktasak Pasian ka ngak ding hi. Ka Pasian in ka thu hong ngai ding hi.

Late 27:14

Topa muang in. Thakhauh inla, na lungsim hangsakin, Topa muang in.

2 PETER NIHNA 3:10

Ahi zongin theih kholh lohpi-in guta bangin Topa hong pai ding Ni hong tung ding hi. Tua Ni ciangin nakpi takin a ging in vantungte maimang sakin, vantung nate mei in kangtumin maimang dinga, leitung le a tunga om na khempeuh a mangthang ding hi.

Mangmuhna 16:14

Tuate pen dawiteʼ kha hi a, nalamdang a bawl uh hi. A Vanglian Pasianʼ Ni hong tun ciangin gal a do dingin leitung gam khempeuh ah a om kumpite a kaikhawm dingin a kuan khia uh hi.

Mattiu 25:32

Ama mai ah leitung minam khempeuh hong kikhawm ding hi. Gancing pa in tuu le keelte a khen mah bangin mi khempeuh khen nihin hong koih ding hi.

Habakkuk 2:3

Hih thu a tun nading hun hi pah nai lo ahih manin lai-in ciamteh in. Ahi zongin hong tung baih ta dinga, kong lah khempeuh a manin hong tung ding hi. A tung hak tawh a kibang kha ahi zongin ngak keikai in. Ka seh hun a cin ciangin hong tung takpi dinga, zekai lua nawn lo ding hi.

Hosea 12:6

Pasianʼ huhna tawh note khempeuh kiheikik unla, thuman thutangin gamta un. Pasian muang tawntung un.

Isaiah 30:18

Tua ahih ciangin note hong hehpih nuamin Topa in hong ngak a, note tungah hehpihna hong lah ding amah kipakta hi. Bang hang hiam cih leh Topa pen a thutang Pasian hi a, amah a muangte khempeuh thupha ngah ahi hi.

Solomon la 8:6

Kei sim loh kuamah ngai kei inla, kei sim loh kuamah kawi kei in. Itna zong sihna zahin thahat a, ngaihna zong sihna zahin khauh hi. Itna, mei bangin kuang khia a, meikuang lian pen a suak hi.

Paunak 20:22

Miteʼ hong bawlsiatna thuk ding ngaihsun kei inla, Topaʼ hong huh ding ngak zaw in.

Late 123:2

Nasem pasalte in a topa uh muang a, nasem numeite in a tonu uh a muan mah bangin ko tungah hehpihna nong neih matengin Topa koteʼ Pasian kong mitsuan uh hi.

Late 62:5

Amah bek ka muan ahih manin, daitakin Pasian bek ka ngak hi.

Late 62:1

Dai dide-in Pasian bek ka ngak a, ama hong hotkhiat ding muangin ka om hi.

Late 37:34

Topa ngak inla, ama lampi zui in. Leitang a luah dingin nang hong liansak dinga, migiloteʼ siatna nangmah in na en ding hi.

Late 37:7

Topaʼ mai ah khawl dide inla, lungduai takin ngak in. Ahihna a daupai pa tung le siatna a bawlpa tungah kilung so tawmsak keʼn!

Late 12:5

Topa in, “Mizawngte a neihsa kihawk khia a, mi cimawhte thumin tau uh ahih ciangin tu-in dingin, amauʼ lunggulh, lungmuanna munah amaute ka koih ding hi,” a ci hi.

Mangmuhna 16:1

Tua ciangin biakinn panin awging khat in vantungmi sagihte kiangah, “Leitungah va pai unla, hai sungah a om Pasianʼ hehnate va sung khia un,” ci-in awging lianpi tawh a genna ka za hi.

Late 79:5

Topa aw, bang tanvei hi ding ahi hiam? Heh paisuak ding na hi hiam? Nangma hazat hehna meikuang bangin kuang paisuak ding ahi hiam?

Late 79:6

Nangmah a hong thei lo minamte tung le, nangma tungah thu a hong ngen lo kumpi gamte tungah heh gawp in.

Isaiah 14:26

Hih ngimna pen leitung buppi adingin a kingim ahi hi. Hih ka khut pen minam khempeuh gimpiak nadingin a kizan ahi hi.

Jeremiah 10:25

Nangmah a hong thei lo gamte tung le nangma min a hong lo ngei lo mite tungah na hehna sung suk in. Bang hang hiam cih leh amaute in Jakobʼ suanlekhakte that mang khinin amauʼ teenna a susia khin uh hi.

Haggai 2:22

Kumpipaʼ gam khempeuh lumletin a vangliatna uh a beisak ding ka hi hi. Leengte le leeng hawlte ka lawnthal dinga, sakol leengte le a tung tuangte puk ding uh a, amaute khatlekhat kithat lum ding uh hi.

Isaiah 34:2

Bang hang hiam cih leh minam khempeuh tungah Topa lunghamin, amaute khempeuh tungah heh mahmah a, a si mang dingin amaute koihin, thah dingin a pia khinta hi.

Isaiah 63:6

Ka sinsona tawh minam dangte cilin, ka hehna hangin amaute zukham ka bangsak a, amauteʼ sisan leilak ah ka thehthang hi.