Zefaniah 3:7 - Tedim Bible Revision 2017

⁷ Tua ahih manin ka mite in kei hong zahtakin ka thuhilhna ngai ding uh a, mangngilh lo ding uh hi, ci-in ka ngaihsun hi. Ahi zongin a gamtat siat ngei bangun gamta lai veve uh hi,” a ci hi.

Tedim Bible

⁷ Tua ahih manin ka mite in kei hong zahtakin, amau ka thuhilhnate mangngilh lo ding hi, ci-in ka ngaihsun hi. Ahi zongin a gamtatsiat ngei bangin gamta lai veve uh hi,” ci hi.

Zefaniah 3:7 Referans Kwoze

Hosea 9:9

A gamtatna uh gen theih lohin siahuai uh a, Gibeah khua-a a gamtat ngeite uh tawh kibang hi. Pasian in amauʼ mawhnate thei-in gim a pia ding hi.

Jeremiah 36:3

Judah mite in amauʼ tungah tunsak dingin ka ngaihsut siatna khempeuh za-in, mi khempeuh in a siatna uh panin kiheina-in nei kha thei ding uh a, keimah in zong amauʼ khialhna le amauʼ mawhnate ka maisak thei kha ding hi,” a hong ci hi.

Zefaniah 3:2

Topaʼ thu ngai nuam lo a, a thuhilhna sang nuam lo hi. Topa muang nuam lo a, a Pasian naih nuam lo hi.

Jeremiah 25:5

Amaute in, ‘Tu-in na vekpi-un na gitlohna uh le na gamtat khialhnate uh panin na kihei uh leh Topa in note le tanglai-a na pu na pate uh tungah na neih tawntung dingun a hong piak gam sungah na teng thei ding uh hi.

Jeremiah 7:7

tanglai-a na pu na pate un a neih tawntung dingun ka piak hih gam sungah ka hong tengsak ding hi.

2 PETER NIHNA 3:9

Mi pawl khatteʼ ngaihsut bangin Topa in a kamciamna a hong tungsak hak hi zenzen lo hi. Note khat beek in siatna na thuakkhak ding uh deih loin na vekpi-un na kisik ding uh deih ahih manin hong pai nai lohna pen note hong khualna hizaw hi.

Jeremiah 38:17

Tua ciangin keimah in Zedekiah kiangah, “Topa, Vanglian Pasian, Israel miteʼ Pasian in hong genin ah, Babylon kumpipaʼ uliante na belh leh na nuntakna hong kimap dinga, hih khuapi in zong mei tawh hal tum na thuak loin nang le na innkuanpihte na nungta ding uh hi.

Jeremiah 8:6

Amauʼ thugente ka ngaihsak a, kuamah in thuman gen lo uh hi. A gitlohna uh panin kuamah kisik lo a, ‘Bang hih ka hi hiam?’ ci lel uh hi. Sakol galsim ding a tai bangin amauʼ tum ciatin a pai uh hi.

Isaiah 63:8

Bang hang hiam cih leh Topa in, “Amaute pen keima mi taktak hi a, amaute in kei hong khem lo ding hi,” a ci hi. Tua ahih manin a lungkhamna panun amaute a hon khia hi.

Isaiah 5:4

Ka leenggui lo adingin ka hih nai loh ka hih ding a kilawm bang om lai ahi hiam? Leenggah hoih gah ding ka lamet laitakin bang hangin gam leenggah hong gah mawk ahi hiam?

2 KHANG TANGTHU NIHNATE 33:11

Tua ahih ciangin Topa in Assiria kumpipaʼ galkap ukte amauʼ kiangah paipih a, amaute in sikkawite tawh Manasseh manin sumngo khau tawh khihin Babylon ah a paipih uh hi.

Thu-hilhkikna 4:16

note adingin lim khat peuhpeuh, pasal tawh a kibang hitaleh numei tawh a kibang hitaleh,

Piancilna 6:12

Pasian in leitung en a, a kisiat gawp mu hi. Bang hang hiam cih leh leitungah mi khempeuh a sia-in a gamta lo kuamah om lo hi.

1 TIMOTI MASA 1:5

Hih bangin thupiakna pen, upna taktak le kisuanna om het loin lungsim siangtho taktak tawh ngaihsutna panin a hong piang khia ki-itna a khan theih nading deihna ahi hi.

JOB (Job) 36:10

A gamtat siatna panun a khawl nadingun amauʼ bil sungah thu a gengen hi.

Late 32:8

Na pai nading lampi lakin kong hilh dinga, ka mit tawh hong enin thu kong hilh ding hi.

Paunak 19:20

Thu kigente ngai-in hong kihilhte mang lecin mai lamah na pil ding hi.

Jeremiah 6:8

Jerusalem khuapi aw, kidawm in. Na kidop kei leh nang kong taisan dinga, kuama ten lohna gam simtham na suak kha ding hi,” a ci hi.

Jeremiah 17:23

Ahih hangin na pu na pate un ka thu hong ngai lo uh a, a bil uh hong ngat lo uh hi. Ka thu hong mang lo uh a, ka hilhna a theih loh nadingun a lungsim uh a khauhsak uh hi.