Zefaniah 3:20 - Tedim Bible Revision 2017

²⁰ Tua hun ciangin, a kithehthang na mite uh kong kaikhawm dinga, leitung mi khempeuh in note hong phat ding uh hi. A tawpna ah note na citheikik ding uh hi,” Topa in ci hi, a ci hi.

Tedim Bible

²⁰ Tua hun ciangin, a kithehthang na mite uh kong kaikhawm ding a, leitung mi khempeuh in note hong pahtawi-in hong phat ding uh hi. A tawpna-ah note na cithei kik ding uh hi,” Topa in ci hi, a ci hi.

Zefaniah 3:20 Referans Kwoze

Jeremiah 29:14

Topa in kong cih in ah, note in nong mu ding uh a, na saltanna uh hong beisakin, kong hawl khiatna gam khempeuh le mun khempeuh panin kong kaikhawmkik dinga, note kong lak khiatna gam mahah kong tunpihkik ding hi, Topa in kong ci hi.

Malakhi 3:12

Tua ciangin na gam uh, ten nadingin a hoih mahmah leitang hong suak ding ahih manin, minam dang khempeuh in note pen a nuamsa minam hong ci ding uh hi,” a ci hi.

Isaiah 56:5

ka inn sung le ka huang sungah tanu le tapate sangin a hoih zaw phawkna le min ka pia dinga, a mang ngei nawn lo ding a kip tawntung min amaute tungah ka pia ding hi.

Zefaniah 3:19

En un, tua hun ciangin no a hong bawlsiate gim ka pia dinga, a khebaite hon khia-in, a kipaikhiat pih mite ka ciah pihkik ding hi. Amauʼ maizumna uh minthanna ka suaksak dinga, mi khempeuh in amaute a phat ding uh hi.

Amos 9:14

Ka mi Israel-te, amauʼ gam ka tunkik dinga, a kisia a khuapite uh hoihtakin lamphakikin a sungah a teeng ding uh hi. Amaute in leenggui suanin, huan bawlin, a sunga piangte a ne ding uh hi.

Joel 3:1

“Tua hun ciangin Judah le Jerusalem, a nidang hun lai mah uh ka bangsakkik ding hi.

Ezekiel 34:16

Keimah in a mangte zongin, a lampialte kaikhawmin, a liamte a liamma tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh kei pen a manin a gamta tuucingpa ka hi hi.

Isaiah 60:15

Hong kinusia, hong kimudah, kuama hong nawk loh nang pen a tawntungin lianin, khang khat pan khang khat lungdamna ahi dingin kong bawl ding hi.

Zefaniah 2:7

Judah mi a omlaite in na gam sung luah ding uh a, amaute in tuucinna in nei-in, Ashkelon khua sunga om innte sungah zanin lum ding uh hi. Topa ahi amauteʼ Pasian in amaute ompih dinga, cithei sakkik ding hi.

Ezekiel 39:28

Tua ciangin, minam dangteʼ khut sungah salin amaute puakin, tua khit ciangin amaute khat zong siit loin kaikhawmkikin a gam sung uh ka tunpih kimna hangin amauteʼ Topa Pasian ka hihna thu, keima mite in hong thei ding uh hi.

Ezekiel 37:21

amaute kiangah, Topa Pasian in hih bangin ci hi, ci-in gen in: Amauteʼ omna minam dangteʼ lak panin Israel mite la-in ka kaikhawm dinga, amauteʼ gamah ka paipihkik ding hi.

Ezekiel 28:25

Topa Pasian in kei kiangah, “Minam tuamtuamte lakah ka thehthangna panin Israel mite ka kaikhawmkik dinga, kei pen a siangtho pa ka hihna thu minam khempeuh in hong thei ding uh hi. Tua ciangin ka nasem pa Jakob ka piak leitang ahi amauteʼ gam sungah Israel mite a teeng ding uh hi.

Isaiah 66:22

Ka bawl ding vantung thak le leitung thak pen ahihleh keima mai ah kip ding hi. Tua mah bangin na suan na khakte uh le na min uh kip ding hi, Topa in ci hi.

Isaiah 61:9

Amauʼ suanlekhakte pen minamte lakah kithei dinga, amauʼ tuletate pen mite laizang ah kithei ding hi. Amaute pen Topa in thupha a piak mite hi, ci-in a mu mi khempeuhte in thei-in sang ding uh hi.

Late 35:6

Topaʼ vantungmiʼ delhna ah a taina lampi uh mialin nalsak in.

Ezekiel 37:12

Tua ahih ciangin ka mi Israel-te tungah thu gen inla, Topa Pasian in hih bangin ci hi, ci-in gen in: Ka mite aw, tu-in noteʼ hankhuk kong honsak dinga, note hong paikhiat pihin, Israel gam kong tunpihkik ding hi.

Isaiah 62:12

Amaute pen A Siangtho Mi, Topa’ Hotkhiatte kici dinga, nang pen A kizong khia, a kinusia lo khuapi, hong kici ding hi.

Ezekiel 16:53

“Ahi zongin, Sodom le a khuaneute le Samaria le a khuaneute a cithei-in ka bawlkik ding hi. Tua mah bangin nang Jerusalem zong kong cithei sakkik ding hi.

Isaiah 56:8

Israel a kikhenthangte a kaikhawm Topa Pasian in, a kikaikhawm sa mite banah midangte keima kiangah ka kaikhawm lai ding hi, ci hi,” a ci hi.

Thu-hilhkikna 26:18

Tu ni-in Topa in note pen amah in note tungah hong ciam sa bangin ama neih ding mi na hihna uh le note in ama thupiaknate khempeuh na zuih nading uh,

Thu-hilhkikna 26:19

ama bawl sa minam dangte khempeuh sangin phatna le minthanna le pahtawina a lian zaw a ngahin hong koih nading le ama gen sa mah bangin Topa noteʼ Pasian adingin a siangtho mi na hih nading uh hong gen khin hi,” a ci hi.

Jeremiah 30:3

Bang hang hiam cih leh Topa in kong cih in ah, ka mi Israel le Judah-te a saltanna uh ka beisakkik ni a hong tung ding hi. A pu a pate uh tungah ka piak sa gamah ka tunpihkik dinga, amaute in tua gam a tangkik ding uh hi, Topa in kong ci hi,” hong ci hi.

Ezekiel 39:13

Gam sunga om mi khempeuh in misi vuina ah huh ding uh a, tua bangin a huhna hangun ka gualzawh ni-in pahtawina ngah ding uh hi. Topa Pasian ahi keimah in hih thu ka gen khin hi.

Zekhariah 8:8

Jerusalem khua sungah ka tunpihkik ding hi. Amaute pen keima mi hi-in, kei zong amauʼ Pasian ka hi dinga, amau tawh ka thuciamnate limtakin ka zui ding hi.

Jeremiah 23:3

Ka mite a om lai sunteng, ka hawlkhiat nading gamte panin ka kaikhawmkik dinga, a gam uh ah ka ciahsakkik ding hi. Amaute pungin a khang ding uh hi.

Jeremiah 33:9

Jerusalem khuapi pen kei adingin lungdamna, minphatna le minthanna ahi hi. A sunga om mite tungah hoihna le hauhna ka tunsakna thu a za minam dangte lau-in a liing ding uh hi.

Micah 2:12

Ahi zongin no Israel mi a omlaite khempeuh pel het loin kong kaikhawmkik ding hi. Tuubuk sunga tuu khum bangin, gankhawk sungah tuu hon kaihkhop bangin note kong kaikhawmkik dinga, na gam sung uh, mi tampiteʼ husa tawh kidimkik ding hi, ci hi.

Micah 4:7

Amaute, a cimawhin gamlapi ah om uh a, ahi zongin keimah in amaute pansa kikin, minam vanglian khatin ka bawlkik ding hi. Tua hun a kipan a tawntungin Zion mual panin amaute ka uk paisuak ding hi.

Zekhariah 8:13

A beisa hunah, Judah gam mite le Israel gam mite pen, minam dangte in kihamsiatna-in zang uh a, ‘Judah le Israel-teʼ thuak bangin thuak un,’ kici uh hi. Ahi zongin note kong hon khia dinga, tu-in midangte in, ‘Judah le Israel bangin thupha ngah un,’ ci-in thupha kipiakna-in zang ding uh hi. Tua ahih manin na lungsim uh hangsak unla lau kei un.