Zefaniah 3:19 - Tedim Bible Revision 2017

¹⁹ En un, tua hun ciangin no a hong bawlsiate gim ka pia dinga, a khebaite hon khia-in, a kipaikhiat pih mite ka ciah pihkik ding hi. Amauʼ maizumna uh minthanna ka suaksak dinga, mi khempeuh in amaute a phat ding uh hi.

Tedim Bible

¹⁹ En un, tua hun ciangin no hong bawlsiate, daan ka pia ding a, a khebaite honkhia-in, a kipaikhiatpih mite ka ciahpih ding hi. Amau’ maizumna, minthan’na ka suaksak ding a, mi khempeuh in amaute phat ding uh hi.

Zefaniah 3:19 Referans Kwoze

Isaiah 60:14

Nang hong nengniamteʼ tate na mai ah a kun sa-in hong pai ding uh a, nang hong simmawh mi khempeuh na khe mai ah hong bok ding uh hi. Amaute in nang pen Topa’ khuapi, Israel-teʼ Siangtho Paʼ Zion, hong ci ding uh hi.

Jeremiah 30:16

Tua ahih manin no hong thatte kithat dinga, na galte khempeuh uh salin kimankik ding hi. No hong buluhte kibuluh dinga, no a hong mante, matin om zaw ding uh hi.

Zefaniah 3:15

Topa in na galte hong phiatkhiatsak khin a, hong langpang khempeuh hong hawl khiatsak khin hi. Topa ahi Israel kumpipa nang tawh hong om a, na launa ding bangmah om nawn lo hi.

Micah 7:10

Tua hun ciangin ka galte in hih thu hong mu ding uh a, “Na Topa Pasian, koi ah om ahi hiam?” ci-in a hong tawng ka galte a maizum ding uh hi. Amaute guallel ding uh a, kongzing buannawng bangin a kisik gawp mu-in, kei ka nuam ding hi.

Ezekiel 34:16

Keimah in a mangte zongin, a lampialte kaikhawmin, a liamte a liamma tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh kei pen a manin a gamta tuucingpa ka hi hi.

Isaiah 61:7

Noteʼ maizumna tangin nopsakna a zah nihin na ngah ding uh a, noteʼ mindaina tangin noʼ ngahna sungah na lungdam ding uh hi. Tua ahih ciangin na gam sung uh ah a zah nih na luah ding uh hi. Note-aʼ pen tawntung lungdamna hi ding hi.

Jeremiah 33:9

Jerusalem khuapi pen kei adingin lungdamna, minphatna le minthanna ahi hi. A sunga om mite tungah hoihna le hauhna ka tunsakna thu a za minam dangte lau-in a liing ding uh hi.

Hebru 12:13

Bai luangluangin a paite, na guh na taang uh a kipelh loh nadingin lampi tang zui-in na pai un.

Isaiah 60:18

Na gam sungah ngongtatna thu kiza nawn lo dinga, na gam sungah siatmaina le suksiatna om nawn lo ding hi. Nangmah in na kulhte pen Hotkhiatna, na kulh kongpite pen Phatna, na ci ding hi.

Ezekiel 39:26

Amauteʼ gam sungah kuamah in su loin lungmuangin a omkik uh hun ciangin, kei hong leh bawlnate uh le a mindainate uh mangngilh thei ta ding uh hi.

Mangmuhna 20:9

Leitung khempeuh ah amaute pai uh a, Pasianʼ mi siangtho omna mun le Pasian in a it khuapi umcih uh hi. Ahi zongin vantung panin meikuang hong pai sukin amaute a kaang tum hi.

Jeremiah 46:28

Topa in kong cih in ah, ka nasem Jakobʼ suante aw, lau kei un. Bang hang hiam cih leh note kong ompih hi. Note ka hong thehthangna gamte khempeuh ka susia khin dinga, ahih hangin note kong susia khin kei ding hi. A kilawm zahin kong thuhilh dinga, gim pia loin kong mawk koih kei ding hi,” a hong ci hi.

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute adingin na geel sa gimnate amaute thuaksak in. Na mite na itna thu na galte tungah kilangsak in.

Jeremiah 31:8

En un, keimah in leilu lam gam panin amaute ka la dinga, leitung a gamla pen mun panin ka kaikhawm ding hi. Mittawte le khebaite zong hong kihel ding uh a, nupi gaite le nausuak ding numeite a kipan hih lai munah mihonpi hong ciahkik ding uh hi.

Ezekiel 16:27

“Tu-in nangmah gim a pia ding le na nopsakna teng a la khia dingin ka khut ka liik khin hi. Nang hong mudahin, na gamtat hoih lohna hangin nang a hong hua Filistia miteʼ khut sungah nang kong pia zo hi.

Ezekiel 39:13

Gam sunga om mi khempeuh in misi vuina ah huh ding uh a, tua bangin a huhna hangun ka gualzawh ni-in pahtawina ngah ding uh hi. Topa Pasian ahi keimah in hih thu ka gen khin hi.

Zekhariah 8:23

Tua hun ciangin minam tuamtuamte sung panin mi sawm, Jew mi khat kiangah hong pai-in, ‘Pasian in nang hong ompihna thu za ka hih manun na nung hong zuisak in,’ ci-in thum ding uh hi,” a ci hi.

Thu-hilhkikna 26:19

ama bawl sa minam dangte khempeuh sangin phatna le minthanna le pahtawina a lian zaw a ngahin hong koih nading le ama gen sa mah bangin Topa noteʼ Pasian adingin a siangtho mi na hih nading uh hong gen khin hi,” a ci hi.

Thukhente 1:7

Tua ciangin Adonibezek in, “A khutpi le a khepi a ki-attan kumpi sawm sagihte in ka sabuai nuai ah an nengkia tawm ngei uh hi. Ka gamtatna sa bangin Pasian in kei hong thuk hi,” a ci hi. Tua ciangin amaute in Jerusalem ah amah paipih uh a, tua munah amah a si hi.

Isaiah 33:1

Hong kisusia nai lo, mi a susia pa aw, tu-in gimna a ngah ding na hi ta hi. Kuamah in hong khem nai loh, mi khem pa aw, tu-in gimna a ngah ding na hi ta hi. Na suksiat nawn loh ciangin nang hong kisusia dinga, na khem nawn loh ciangin nang hong kikhem ding hi.

Jeremiah 30:19

Tuate sung panin lungdamna la kisa dinga, gualnopna aw kiza ding hi. Amaute ka pungsak dinga, tawm kha bek hi lo ding uh hi. Amaute ka kipahtawisak dinga, ka neusak kei ding hi.