Zefaniah 3:17 - Tedim Bible Revision 2017

¹⁷ Topa na Pasian un note hong ompih a, ama vangliatna in hong gualzosak hi. Note tungah Topa lungkim dinga, ama hong itna tawh hong thakbawl ding hi. Noteʼ hangin Topa lungdamin la sa dinga,

Tedim Bible

¹⁷ Topa na Pasian un note hong ompih a, ama vangliatna in hong gualzo sak hi. Note tungah Topa lungkim ding a, ama itna tawh hong thak bawl ding hi. Note hangin Topa lungdamin la sa ding a,

Zefaniah 3:17 Referans Kwoze

Late 149:4

Bang hang hiam cih leh ama mite tungah Topa lungdam a, miniamte gualzo sakin a pahtawi hi.

Late 147:11

Amah a zahtak mite le ama itna kip a muangte tungah Topa a lungkim hi.

Jeremiah 32:41

Amaute tungah hoihna ka bawl manin ka lungdam dinga, ka lungsim khempeuh tawh thuman takin hih gamah amaute ka phut ding hi.

Hebru 7:25

Tua hi a, mite adingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a hon khia thei ahi hi.

Isaiah 12:2

En in, Pasian pen kei a hong hon khia pa ahi hi. Amah ka muang dinga, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong hon khia pa ahi hi,” a cih hun uh hong tung ding hi.

Thu-hilhkikna 30:9

Note in hih thukham laibu sunga kigelh ama thupiaknate le ama thukhamte zui-in, Topa na Pasian uh thu na man uh a, na lungsim khempeuh uh le na nuntakna khempeuh uh tawh Topa na Pasian uh lamah na kihei uh leh, Topa na Pasian un na sepna khempeuh uh, noteʼ suanlekhakte, na ganhingte uh panin a piangte le na leitang panun a piang khempeuh ah nakpi takin hong daupaisak ding hi. Bang hang hiam cih leh na pu na pate uh tungah amah a lungkim mah bangin note tungah Topa hong lungkimkik dinga, note hong daupaisak ding hi.

Zefaniah 3:15

Topa in na galte hong phiatkhiatsak khin a, hong langpang khempeuh hong hawl khiatsak khin hi. Topa ahi Israel kumpipa nang tawh hong om a, na launa ding bangmah om nawn lo hi.

Johan 15:11

Note hangin kei ka lungdam theih nading le noteʼ lungdamna a cingtaak a suah theih nadingin hih thute a hong gen ka hi hi.

Isaiah 65:19

Jerusalemʼ hangin ka lungdam dinga, ka miteʼ hangin ka kipak ding hi. Tua khua sungah kahna aw le cimawhin kikona aw om nawn lo ding hi.

Gamlak-vakna 14:8

Eiteʼ tungah Topa a lungkim leh, bawngnawi le khuaizu tui bangin a luanna hih leitang ah eite hong paipihin eite tungah tua leitang hong pia ding hi.

Isaiah 12:6

Zion-a teeng mite aw, nomauʼ lakah Israel-teʼ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Luka 15:32

Tu-in na naupa a si sa hong hingkik a, a mang sa hong tungkik ahih manin lungdamin pawi i bawl ding ahi hi,’ ci-in a pa in a dawng hi,” a ci hi.

Zefaniah 3:5

Ahi zongin tua khuapi sungah Topa omin, a thuman na bek sem a, a khialin gamta ngei lo hi. Zingsang simin mihingte tungah pelh ngei loin thutang lak hi. Ahi zongin tua lai-a mihing thuman lote, a sia-in gamta teitei uh a, maizumna mel theithei lo uh hi.

Johan 13:1

Tu-in Paisan Pawi hun ding ni khat bek in sam a, Jesu in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Isaiah 9:6

Bang hang hiam cih leh eite adingin naungek khat hong suak a, eiteʼ tungah tapa khat hong kipia hi. Amah pen eite hong ukpa hi dinga, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Piancilna 18:14

Na khat peuhpeuh Topa adingin haksa lua ahi hiam? A kiseh sa tu zawh kha kua ciangin nang kiangah kong paikik dinga, Sarah in tapa khat nei ding hi,” a ci hi.

Isaiah 18:4

Bang hang hiam cih leh Topa in kei tungah, “Ni taang sunga nisa silsel, an lak nisat hun sunga meii zun bangin, ka omna panin daitakin ka en ding hi,” hong ci hi.

Piancilna 17:1

Abram kum sawm kua le kum kua a phak ciangin ama tungah Topa kilang a, “Kei, Vanglian Pasian ka hi hi. Hoihtakin gamta inla, paubaang kei in.

Piancilna 1:31

Pasian in a bawl sa khempeuh en a, hoih sa mahmah hi. Nitak hong bei-in zingsang hong tunga, a ni guk ni ahi hi.

Isaiah 63:1

Edom gam, Bozrah khua panin puan ausan silhin a hong pai, a puan silhna ah minthanna mel nei-in, ama thahatna tawh a hong pai pa kua ahi hiam? A hon khia zo dingin hatna a nei, gualzawhna thu a zasak dingin a hong pai pa pen Topa ahi keimah ka hi hi.

Isaiah 63:12

Moses tungtawnin a vangliatna zangin na lian pipi a sem pa, ama miteʼ mai ah tuite khenkhamin, a minthan tawntung nadingin hih bang nate a sem pa, tu-in koi ah om ta ahi hiam, ci uh hi.

Piancilna 2:2

Ni sagih ma-in Pasian in a nasepte zo khinta a, ama hih sa nasep khempeuh panin ni sagih ni-in a tawlnga hi.

Hosea 14:4

Tua ciangin Topa in, “Ka mite tungah heh nawn lo ka hih manin ka kiangah ka mite ka samkik dinga, lungsim takpi tawh amaute ka it ding hi.

Joel 2:21

“Lote aw, lau nawn kei unla, lungdam kipakin om un. Topa in note adingin a lianpi hong bawlsak zo hi.

Thu-hilhkikna 23:15

“A topaʼ kiang panin no kiangah a hong tai sila, a topa kiang mahah na apkik kei ding uh hi.

Late 78:65

Tua ciangin Topa pen zukhamin a awng mi thahatpa, a ihmu tho bangin a khanglo hi.