Zefaniah 3:16 - Tedim Bible Revision 2017

¹⁶ Tua ni ciangin Jerusalem khuapi kiangah, “Zion khuapi aw, lau kei in. Na khut tha zawsak kei in,” kici ding hi.

Tedim Bible

¹⁶ Tua ni ciangin Jerusalem khuapi kiangah, “Lau kei in, Zion aw, Na khut thazaw sak kei in,” kici ding hi.

Zefaniah 3:16 Referans Kwoze

Hebru 12:12

Tua ahih ciangin a zaw nuangnuang na khutte uh le a no dakdak na khukte uh khauhsak un.

Galati 6:9

Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi.

Mangmuhna 2:3

Note in lungduai takin thuakin, keima min hangin thuak zo-in, lungkia het loin na omna uh ka thei hi.

Efesa 3:13

Tua ahih manin note hangin ka thuakna pen noteʼ phattuam nading ahih manin tua ka thuakna thu hangin lungkiatna-in na nei kei un.

Isaiah 44:2

Nangmah a hong bawl, gil sung panin nang a hong piangsak, nang a hong huh ding Topa in hih bangin ci hi: Ka nasem pa Jakob aw, ka teel sa Israel aw, lau kei in.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong tha khauhsakin kong huh dinga, nang hong huhin ka hong hon khia ding hi.

Isaiah 40:9

Jerusalem aw, mual sang dawnah kah to-in lungdamna thu kiko in. Zion aw, nakpi takin awng inla, lungdamna thu taangko in. Nakpi takin kiko inla, lau kei in. Judah gam khuapite tungah, “Na Pasian uh hong pai ta hi,” ci-in gen ta un.

Johan 12:12

A zing ciangin Paisan Pawi a siim mihonpite in Jerusalem khua ah Jesu hong pai nading thu a za uh hi.

Zekhariah 8:15

Ahi zongin tu-in Jerusalem khua mite le Judah gam mite tungah thupha piak ding ka ngaihsun hi. Tua ahih ciangin lunghimawh kei un.

Isaiah 54:4

Lau kei in, maizumna na thuak kei ding hi. Cih nading thei loin om kei in; maizumin nang hong kikoih lo ding hi. Bang hang hiam cih leh na khangno lai-in na zulhtatna le na meigonna hangin hong kikonate na phawk kha nawn kei ding hi.

JOB (Job) 4:3

Lunghiang mite na hanthotna, khut kha ban kha mite na thakhauhsakna,

2 KORIN NIHNA 4:1

Pasian in hong hehpihna tawh hih nasep hong pia ahih manin ka thaneem het kei uh hi.

Isaiah 25:9

Tua ni ciangin, “En un, amah pen eima Pasian ahi hi. Eite a hong hon dingin amah i ngak hi. Amah pen eima Topa ahi hi. Amah i ngak hi. Amah in eite hong hon khia ahih manin lungdamin kipak ni,” kici ding hi.

Joel 2:21

“Lote aw, lau nawn kei unla, lungdam kipakin om un. Topa in note adingin a lianpi hong bawlsak zo hi.

Zekhariah 8:13

A beisa hunah, Judah gam mite le Israel gam mite pen, minam dangte in kihamsiatna-in zang uh a, ‘Judah le Israel-teʼ thuak bangin thuak un,’ kici uh hi. Ahi zongin note kong hon khia dinga, tu-in midangte in, ‘Judah le Israel bangin thupha ngah un,’ ci-in thupha kipiakna-in zang ding uh hi. Tua ahih manin na lungsim uh hangsak unla lau kei un.