Biblia Todo Logo
Bib sou entènèt

- Piblisite -




Zefaniah 2:9 - Tedim Bible Revision 2017

9 Kei pen a nungta Israel Pasian ka hih mah bangin, Moab mite, Sodom mite bangin kisusia-in, Ammon mite, Gomorrah mite bangin kisusia-in, a gam sung uh ah lingkung bek po zo-in, a gam uh cikhuk tawh kidimin a sia tawntung suakin, a suakta lai ka mite in a neihsa uh sutin, a gam uh a laksak kei tak leh, ci-in ka kiciam hi,” a ci hi.

Gade chapit la Kopi

Tedim Bible

9 Keimah in a nungta Israel Pasian ka hih mah bangin, Moab mite, Sodom khuamite bangin kisusia-in, Ammon mite, Gomorrah khuamite bangin kisusia-in, a gam sung uhah lingkung bek po zoin, a gam uh cikhuk tawh kidimin a sia tawntung suakin, a suakta lai ka mite in a neihsa uh sutin, a gam uh a laksak tak kei leh, ci-in ka kiciam hi,” ci hi.

Gade chapit la Kopi




Zefaniah 2:9
27 Referans Kwoze  

Ahih hangin amaute in nitumna lam a om Filistia mite simkhawm ding uh a, nisuahna lam a om mite luh khawm ding uh hi. Amaute in Edom mite le Moab mite zo gawp ding uh a, Ammon mite in amauʼ thu mang ding uh hi.


‘A gambup pen kaat le ci le nin a kaang tum, khai kituh lo, bangmah po lo, lopa zong a po zawh lohna mun Sodom le Gomorrah, Admah le Zeboiim bangin a kilawn thal gawp, a hehna le a sinsona tawh Topaʼ lot gawpte tawh kibang hi,’ ci ding uh hi.


Bang hang hiam cih leh Topa in hih Zion Mual hu dinga, ahi zongin Moab mite ahihleh ninkholna dum sungah buhkungte a kisikcip bangin kisikcip gawp ding hi.


Topa in kong cih in ah, Sodom khua, Gomorrah khua le a kiim a khuate, Pasian in a suksiat bangin tua lai ah kuamah a teeng kei dinga, kuamah zong a va baang pak beek kei ding hi.


Moab gam tawh kisai-in Vanglian Topa, Israel miteʼ Pasian in a genin ah: “Nebo mite in gimna a thuak ding uh hi. Bang hang hiam cih leh a gam uh a kisia ding hi. Kiriathaim khua kila khinzo a, a kulhpite uh cim khinta hi. A mite in maizumna thuak uh a,


Na kimkot ah khuadak to inla mu in. Na mi khempeuh hong kikhawm uh a, nangma kiangah amaute hong ciah uh hi. Kei pen a nungta Topa ka hih mah bangin, na mite khempeuh hangin nang na kisial dinga, mothak in kizepna-in a zat bangin amaute khempeuh na zang ding hi.


Lai Siangtho sungah, “Kei pen a nungta ka hih mah bangin ka mai ah mi khempeuh hong kun dinga, Pasian ka hihna thu mi khempeuh in pulak taktak ding uh hi, Topa in ci hi,” ci-in a kigelh hi.


Israel mi a om lai sunte, midangte tungah gilo nawn lo ding uh a, zuau thu gen nawn loin, mi khem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn loin om ding uh hi,” a ci hi.


Tuu le bawnghonte tua khua sungah lumin, gan namkim khawk a suak ding hi. Gunva le gunvapite baang tung zawl ah tuangin, tawlet ah keising khuangin, sangkil tungah va-ak ham ding hi. Taamtak sing tawh a kilam innte maimang ding hi.


Judah mi a omlaite in na gam sung luah ding uh a, amaute in tuucinna in nei-in, Ashkelon khua sunga om innte sungah zanin lum ding uh hi. Topa ahi amauteʼ Pasian in amaute ompih dinga, cithei sakkik ding hi.


Topa in hih bangin ci hi: Ammon mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in huaihamin gam a deih thuah manun Gilead gam sim gawp uh hi.


Topa in kong cih in ah, Sodom khua, Gomorrah khua le a kiim a khuate a kisiat gawp bangin, tua lai munah kuamah teeng lo dinga, kuamah a peem kei ding hi.


Vanglian Topa keimah Kumpipa ka hi hi. Taber mual, mual khempeuh sangin sang zaw-in, Karmel mual, tuipi tungah sangpi-in a dawk toh bangin, no hong sim paʼ thahatna a lian mahmah ding hi.


Ahih hangin a taktakin, ka nuntak lai teng, Topaʼ minthanna tawh leitung kidim ding ahih mah bangin,


Ammon mite tawh kisai-in Topa in a genin ah: “Israel mite in tapa nei lo ahi uh hiam? Innluah ding nei lo ahi uh hiam? Bang hangin Milkom pasian biate in Gad gam la-in a khuapite sungah teng ahi uh hiam?


Hazor khua pen se-alteʼ teenna suak dinga, a tawntungin a kisia den khua a suak ding hi. Kuamah teeng lo dinga, tawmvei beek zong a va zin kei ding uh hi,” a ci hi.


Topa in hih bangin ci hi: Moab mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh leiseek cianna ah a kizang leikang a zat dingin Edom kumpipaʼ guhte a hal uh hi.


“Hong khanglai ding, noteʼ nungah hong piang na tate uh le a gamla gam panin a hong pai gamdang mite in, tua gamʼ gim ngahna le Topa in a natsak cinatnate a muh uh ciangin,


Mi khempeuh aw, Topaʼ mai ah gamdai-in om un. Bang hang hiam cih leh a siangtho ama omna mun panin amah hong paikhia ta hi.


Swiv nou:

Piblisite


Piblisite