Zefaniah 2:7 - Tedim Bible Revision 2017

⁷ Judah mi a omlaite in na gam sung luah ding uh a, amaute in tuucinna in nei-in, Ashkelon khua sunga om innte sungah zanin lum ding uh hi. Topa ahi amauteʼ Pasian in amaute ompih dinga, cithei sakkik ding hi.

Tedim Bible

⁷ Judah mi a om laite in na gamsung luah ding a, amaute in tuu cin’na-in hong nei-in, Ashkelon khua sunga innte sungah zanin lum ding uh hi. Topa ahi amaute’ Pasian in amaute ompih ding a, amaute, citheisak kik ding hi.

Zefaniah 2:7 Referans Kwoze

Zefaniah 3:20

Tua hun ciangin, a kithehthang na mite uh kong kaikhawm dinga, leitung mi khempeuh in note hong phat ding uh hi. A tawpna ah note na citheikik ding uh hi,” Topa in ci hi, a ci hi.

Ezekiel 39:25

Topa Pasian in kei kiangah, “Tu-in Jakob suanlekhak Israel mite ka hehpih dinga, amaute a cithei-in ka bawlkik ding hi. Keima min siangtho ka hu ta ding hi.

Paikhiatna 4:31

Mite in um uh hi. Israel mite kiangah Topa hawhin, amauʼ thuaknate amah in a muh khitna thu amaute in a zak uh ciangin, amaute in a lu uh kunin Pasian a bia uh hi.

Luka 1:68

“Israel miteʼ Topa Pasian phat ciat ni. A mite a huh dingin hong pai-in amaute a suaktasak hi.

Micah 4:7

Amaute, a cimawhin gamlapi ah om uh a, ahi zongin keimah in amaute pansa kikin, minam vanglian khatin ka bawlkik ding hi. Tua hun a kipan a tawntungin Zion mual panin amaute ka uk paisuak ding hi.

Micah 2:12

Ahi zongin no Israel mi a omlaite khempeuh pel het loin kong kaikhawmkik ding hi. Tuubuk sunga tuu khum bangin, gankhawk sungah tuu hon kaihkhop bangin note kong kaikhawmkik dinga, na gam sung uh, mi tampiteʼ husa tawh kidimkik ding hi, ci hi.

Obadiah 1:19

Negeb gam mite in Esauʼ gam luah ding uh a, Shefelah mite in Filistia gam luah ding uh hi. Amaute in Efraim gam le Samaria gam luah ding uh a, Benjamin in Gilead gam luah ding hi.

Jeremiah 33:7

Judah mite le Israel mite ka hausakkik dinga, a nidang a a omngei bangun ka omsakkik ding hi.

Jeremiah 29:14

Topa in kong cih in ah, note in nong mu ding uh a, na saltanna uh hong beisakin, kong hawl khiatna gam khempeuh le mun khempeuh panin kong kaikhawmkik dinga, note kong lak khiatna gam mahah kong tunpihkik ding hi, Topa in kong ci hi.

ROM (Romans) 11:5

Tua mah bangin tuhunin zong Pasian in ama hehpihna tawh a teel sa mi tawm khat om lai hi.

Sawltak 8:40

Tua ciangin Filip pen Azotas khua ah a om ahih lamtak amah kiphawk a, tua khua a kipanin Sisaria khua a tun dongin khua khempeuh ah Lungdamna Thu a hilh hi.

Sawltak 8:26

Topaʼ vantungmi khat in Filip kiangah, “Kithawi inla, Jerusalem khua panin Gaza khua paina lampi zuan dingin leitaw lam manawhin pai in,” a ci hi. (Tua lampi tu-in kizang pha nawn lo hi.)

Luka 7:16

Amaute khempeuh in lamdang sa mahmah uh a, Pasian min phatin, “Eite lakah kamsang lian khat hong om khinta a, a mite a hon khia dingin Pasian hong pai khinta hi,” a ci uh hi.

Micah 4:10

Jerusalem khua mite aw, numei nausuak ding bangin na tha uh san un. Tu-in kumpi khuapi nusia-in, gam sung khua ah a teeng ding na hi ta uh a, Babylon khuapi a zuan ta ding na hi uh hi. Ahi zongin tua lai panin note hong kihon khia-in, na galte uh khut sung panin Topa in hong khah khia ding hi.

Jeremiah 32:44

Benjamin gam, Jerusalem khua kimkot le Judah gam khuapite a kipan mual tunga khuapite, Shefelah zanglei-a khuapite le leitaw lam Negeb gam a khuapite ah sum tawh lo kilei dinga, a theih pih mite tawh thukimna min gelhin gip tawh kikhen ding hi; bang hang hiam cih leh keimah in amaute a gam mah uh ah ka omsakkik ding hi, Topa in kong ci hi,” a hong ci hi.

Jeremiah 31:7

Bang hang hiam cih leh Topa in kong cih in ah, “Jakob adingin lungdamna tawh ngaih takin la sa unla, gam khempeuh lakah gam lian pen adingin kiko-in awng un. ‘Topa in Israel mi a omlaite, ama mite hong hon khia khinzo hi,’ ci-in taangko unla phat un.

Jeremiah 30:3

Bang hang hiam cih leh Topa in kong cih in ah, ka mi Israel le Judah-te a saltanna uh ka beisakkik ni a hong tung ding hi. A pu a pate uh tungah ka piak sa gamah ka tunpihkik dinga, amaute in tua gam a tangkik ding uh hi, Topa in kong ci hi,” hong ci hi.

Jeremiah 23:3

Ka mite a om lai sunteng, ka hawlkhiat nading gamte panin ka kaikhawmkik dinga, a gam uh ah ka ciahsakkik ding hi. Amaute pungin a khang ding uh hi.

Jeremiah 3:18

Tua hun ciangin Judah mite in Israel mite hong pawlpih ding uh a, leilu lam gam salsuahna panin na pu na pate uhʼ luah dingin ka piak sa gamah a pai khawm ding uh hi.

Isaiah 11:11

Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam le tuipi gei-a gamte panin ama mi a omlaite a ngahkik nadingin a vangliatna zangkik ding hi.

Late 85:1

Topa aw, nangma leitang na hehpih a, Jakobʼ nopsaknate a ngeina na bangsakkik hi.

Piancilna 50:24

Josef in a sanggamte kiangah, “Kei a si ding ka hi ta hi. Ahih hangin Pasian in note hong kem dinga, hih leitang panin amah in Abraham, Isaac le Jakob tunga a ciam sa leitang ah note hong paikhiatpih to ding hi,” a ci hi.

Haggai 2:2

Judah gam ukpa Zerubbabel, siampi lianpen pa Joshua le mi khempeuh tungah thu a gen dingin sawl a,

Haggai 1:12

Tua ciangin Sheatielʼ tapa Zerubbabel, Jehozadakʼ tapa Joshua ahi siampi lianpen pa le salsuahna panin hong ciahkik mi khempeuh in Topa ahi amauʼ Pasianʼ thu mang uh a, Topa Pasianʼ kamtai ahi kamsang Haggaiʼ gen bangin gamta-in, Topa zahtakin a lau uh hi.

Zefaniah 2:9

Kei pen a nungta Israel Pasian ka hih mah bangin, Moab mite, Sodom mite bangin kisusia-in, Ammon mite, Gomorrah mite bangin kisusia-in, a gam sung uh ah lingkung bek po zo-in, a gam uh cikhuk tawh kidimin a sia tawntung suakin, a suakta lai ka mite in a neihsa uh sutin, a gam uh a laksak kei tak leh, ci-in ka kiciam hi,” a ci hi.

Isaiah 14:1

Topa in Jakob hehpihin Israel teelkik dinga, amaute pen a gam uh ah koihkik ding hi. Khual mite in amaute pawlin Jakob innkuan bel ding uh hi.

Ruth 1:6

Tua ciangin tua nu a mo tegel tawh Moab gam panin a ciahkik dingin kithawi hi. Bang hang hiam cih leh Topa in a mite kemin an a piakna thu Moab gam sung panin amah in za hi.

Late 80:14

Hong kiheikik in, Vanglian Pasian aw. Vantung panin hong en sukin hong mu in. Na khut taklam in a suan sa, hih leenggui hong don in.

Isaiah 11:16

Egypt gam panin Israel-te hong pai toh ciangin amau adingin lam lianpi khat a om mah bangin, ama mi a omlaite adingin Assiria gam panin zong lam lianpi khat om ding hi.

Isaiah 32:14

Kumpi innte kinusia-in, mi tampi a omna kumpi khuapi kilawi ding hi. Mual le tausangte zong kisia gawp dinga, late le tuuhonte in gamtatna munin nei ding uh hi.

Jeremiah 29:10

“Topa in kong cih in ah: Babylon khua ah kum sawm sagih na om khit uh ciangin, note kong kankik dinga, kong kamciamna sa hong tangtungsakin hih munah kong lakik ding hi.

Jeremiah 33:12

“Vanglian Topa in kong cih in ah, mihing ganhing om loin mun awng ahi mun le a khuapi khempeuhte ah tuucingte in tuu cingin a ten theih nading mun hong om ding hi.

Jeremiah 47:5

Gaza khuate maizum ta uh a, Ashkelon khua kisia ta hi. Aw, no Anak mi a omlaite aw, bang tanvei no le no kisu liam ding na hi uh hiam?

Hosea 6:11

No Judah mite zong gim kong piak ding hun kiseh khinzo hi. Ka mihingte a ngei uh bangsakkik ning,

Zefaniah 3:13

Israel mi a om lai sunte, midangte tungah gilo nawn lo ding uh a, zuau thu gen nawn loin, mi khem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn loin om ding uh hi,” a ci hi.

Isaiah 11:14

Ahih hangin amaute in nitumna lam a om Filistia mite simkhawm ding uh a, nisuahna lam a om mite luh khawm ding uh hi. Amaute in Edom mite le Moab mite zo gawp ding uh a, Ammon mite in amauʼ thu mang ding uh hi.