Zefaniah 2:3 - Tedim Bible Revision 2017

³ Kiniamkhiatin, Topaʼ thupiakna a mang Judah gam mi khempeuh aw, Topaʼ kiang zuan un. A manin gamta unla, kiniamkhiat un. Tua hileh Topaʼ hehna hong kilat ciangin, tua hehna hangin gimna panin na peng kha thei ding uh hi.

Tedim Bible

³ Kiniamkhiatin, Topa’ thupiakna a mang, Judah gam mi khempeuh aw, Topa’ kiang zuan un. A manin gamta un la, kiniamkhiat un. Tua hi leh, Topa’ hehna hong kilat ni ciangin, tua hehna daan panin na peng thei ding uh hi.

Zefaniah 2:3 Referans Kwoze

Late 22:26

Gimna a thuakte in kham takin ne ding uh a, amah a zongte in Topa phat ding uh hi. A lungsim uh nuam tawntung tahen!

Jonah 3:9

Eite i sih loh nadingin Pasian kisikin a hehna damsak lo ding hi, kua in ci thei na hi uh hiam?” a cisak hi.

Late 105:4

Topa le ama huh ding zon belin nei unla, a tawntungin ama maipha zong niloh un.

Hosea 10:12

Khai tuh bangin thuman tuhin, kei nong itna hangun a piang thuphate at un. Noteʼ Topa keima lamah nong kihei ding uh a hun hi ta ahih manin lo thak lei kal kham un. Tua hileh kei hong pai-in note tungah thupha kong pia ding hi, ka ci hi.

Jeremiah 39:18

Bang hang hiam cih leh nang kong hon khia taktak dinga, namsau tawh thahna na thuak kei ding hi. Topa in kong cih in ah, kei hong muang na hih manin na nuntakna na suahtak liailiai ding hi, hong ci hi,’ ci-in va gen in,” a hong ci hi.

Paunak 18:10

Topaʼ min pen tausang muanhuai tawh kibang a, thuman mite in belin lungmuangin om thei uh hi.

Late 57:1

Kei hong hehpih in Pasian aw, nang hong bel ka hih manin kei hong hehpih in. Siatna huihpi a ven mateng na kha liim ah kong bu ding hi.

2 PETER NIHNA 3:18

Hehpihna thu le i Topa le Honpa Jesu Khris theihna thu ah na khangto semsem zaw un. Tu hun a kipanin a tawntungin amah in minthanna ngah paisuak tahen. Amen.

Jeremiah 45:5

Tua sung panin nang a peng thei tuam dingin kingaihsun na hi hiam? Tua bangin kingaihsun kei in; bang hang hiam cih leh en in, Topa in kong cih in ah, mi khempeuh tungah gimna ka tungsak ding hi. Ahih hangin nang pen na paina mun khempeuh ah kong suaktasak liailiai ding hi, ci hi,” ka ci hi.

Late 91:1

Sangpen paʼ liahna sung, Vanglian paʼ liim sungah a om mi khempeuh in

1 PETER MASA 3:4

Pasianʼ muhna ah a manpha mahmah ahi lungsim puak zia, a tul thei lo sung lam hoihna na bulphuh zaw un.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu up pih mite uh lungsim tak tawh it thei khinta na hih manun na lungsim khempeuh uh tawh limtakin na ki-it un.

1 THESALONIKA MASA 4:1

Tu-in sanggamte aw, Pasianʼ deihna le ama lungkim nadingin bangci nuntak ding cih thu kote kiang panin na theih sa uh thute tawh kizui-in na nuntak sa uh ahih mah bangin a kicing zaw semsemin na nuntak nadingun i Topa Jesu min tawh hong thumin ka hong hanthawn uh hi.

Mattiu 5:5

A lungnem mite in Pasianʼ ciam sa leitang ngah ding uh ahih manin thupha ngah mi ahi uh hi.

Late 31:20

Miteʼ sawm simna panin na omna huam sungah amaute na seel a, kitotna mun panin na buk sungah a muanhuai-in amaute na kem hi.

Isaiah 11:4

Thumanna tawh mizawngteʼ thu khenin, lungsim nem miteʼ thu ahi bangin khensak ding hi. Ama kam panin a thupiakna tawh leitung mite gim kipia dinga, a muk panin a thugenna tawh migilote si ding uh hi.

Hosea 7:10

Israel miteʼ kiphatsakna in amauʼ lang khat ah teci pang hi. Ahi zongin hih thu khempeuh ah zong, amauʼ Topa Pasian ahi keiʼ lamah hong kihei tuan lo uh a, kei hong zong lo uh hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite adingin thong kong a hong ding,

Late 149:4

Bang hang hiam cih leh ama mite tungah Topa lungdam a, miniamte gualzo sakin a pahtawi hi.

Paikhiatna 12:27

note in, ‘Topaʼ Paisanna hangin biakpiakna ahi hi. Amah in eiteʼ innkuante hong khawi-in Egypt mite a thah lai-in Egypt gam sungah Israel innkuante paisan hi,’ na ci ding uh hi,” a ci hi. Mite in a lu uh kunin Pasian a bia uh hi.

1 THESALONIKA MASA 4:10

Masedonia gam sunga om thu um mi khempeuh na it khin takpi uh hi. Tua ahih manin sanggamte aw, itna na neih semsem nadingun ka hong thum uh hi.

Zekhariah 8:19

amah in, “Kha lina, kha ngana, kha sagihna le kha sawmna sunga antannate pen, Judah gam mite adingin lungdamin kipakin pawi bawlna hun suakta ding hi. Tua ahih manin thuman le kilemna deih pha un,” hong ci hi.

2 SAMUEL NIHNA 12:22

Amah in, “Naungek a hin lai-in an tangin ka kap hi; bang hang hiam cih leh, ‘Naungek a hin nadingin Topa in kei hong hehpih ding hiam, hong hehpih lo ding hiam, cih kua in thei khol ahi hiam?’ ka ci hi.

Late 45:4

Thumanna a om nading le thuman a hu dingin na minliatna tawh gualzo-in hong pusuak inla, dipkuathuai hihnate na taklam khut nangmah kihilhsak in.

Isaiah 1:17

Gamtat hoih ding kisin un. Thumanin gamta unla, kinetniamna kheel un. Pa nei lote hu unla, meigong numei panpih un,” ci hi.

Ezekiel 13:5

Amaute in kulh a kicipna munte cing lo uh a, a kicimte ciangkik lo uh ahih manin Topaʼ ni-in gal hong tun ciangin Israel-te hu zo lo ding uh hi.