Zefaniah 2:2 - Tedim Bible Revision 2017

² Ansi bangin hong kizapkhiat ma, Topaʼ hehna na tungah hong tuk ma, Topa in a hehna hong lah hun a tun ma-in thu ngaihsunin kikheel in.

Tedim Bible

² Ansi bangin hong kizapkhiat ma, Topa’ hehna na tungah hong tuk ma, Topa in a hehna hong lah ni hun a tun’ ma-in, thu ngaihsun in kikheel in.

Zefaniah 2:2 Referans Kwoze

Nahum 1:6

Ama hehna kua in nang zo dinga, ama lunghamna kua in thuak zo ding ahi hiam? A hehna, meikuang bangin hong khah khia a, ama mai ah suangtumpite kitamzan hi.

Hosea 13:3

Tua ciangin amaute pen zingsang a kaai meii lum, a maimang pak daitui, ancilna panin huih in a letkhiat ansi, meikhu suahna-a a pai meikhu bangin a maimang ding uh hi.

Kah la 4:11

Topa in a hehna khempeuh siit nawn loin hong bua khia a, meikuang tawh Jerusalem hong hal ahih manin a kaang tum hi.

Isaiah 17:13

Tui lianpi a ging bangin minamte awng uh hi. Ahih hangin amah in amaute tai dinga, gamlapi pekah amaute tai khia ding uh hi. Mual tung a huih mai ah ansi leeng bang leh huihpi mai-a pingpei bangin leeng khia mang ding uh hi.

Late 1:4

Migilote ahihleh tua bang hi lo uh a, huih in a letkhiat anvai tawh kibang lel uh hi.

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte le kumpi gamte kaikhawmin, ka hehna ka thuaksak ding, ka lungsim ka khensat khin hi. Ka hehluatna meikuang tawh leitung khempeuh kaang tum ding hi.

Zefaniah 1:18

Topaʼ heh thuk ni hong tun ciangin a ngun le a khamte un amaute hon khia zo lo ding hi. Ama hehna meikuang in leitung khempeuh kaang tum dinga, thakhat thu-in leitung a teeng mi khempeuh a sumai ding hi.

JOB (Job) 21:18

Huih in a letkhiat buhkungte, le huihpi in a mutkhiat buhsi bangin amaute bawl ngei ahi hiam?

Mattiu 24:35

Vanlelei a maimang zongin ka thugente maimang ngei lo ding hi.

Ezekiel 12:25

Topa ahi keimah in amaute tungah thu ka gen dinga, ka gen bangin tung takpi ding hi. Tu-in zekai nawn lo ding hi. A lehdo thei mihingte aw, hih dingin ka gen bangin nomauʼ nuntak sung mahmah in ka tungsak ding hi. Topa Pasian ahi keimah in thu ka gen khinzo hi,” a hong ci hi.

Jeremiah 23:20

A lungsim sunga a tupna teng a tangtunsak matengin Topaʼ hehna damkik lo ding hi. Hong pai lai ding hunte ah note in siangtakin na tel zaw semsem ding uh hi.

Late 50:22

“Tua ahih ciangin Pasian a mangngilh mite aw, hih thuciamteh un. Tua hikeileh note kong bal gawp ding hi. Note hong hon khia ding kuamah om lo hi.

Jeremiah 4:4

Judah mite le Jerusalem khua mite aw, Topaʼ thu zui unla, lungsim takpi tawh zui un. Na tua cih kei uh leh na bawl uh mawhnate hangin ka hehna mei bangin hong kuang khia dinga, a phelh zo kuamah om lo ding hi,” a ci hi.