Zefaniah 2:12 - Tedim Bible Revision 2017

¹² No Ethiopia mite zong, Topa in hong that ding hi.

Tedim Bible

¹² No Ethiopia mite zong, Topa in namsau tawh hong that ding hi.

Zefaniah 2:12 Referans Kwoze

Isaiah 43:3

Bang hang hiam cih leh kei pen Topa na Pasian, Israel-teʼ Siangtho Pa, nangmah hong honpa ka hi hi. Nangmah tat nadingin Egypt ka pia a, nangmah khek nadingin Ethiopia le Seba ka pia hi.

Isaiah 13:5

Leitung buppi a susia dingin Topa le ama hehna galhiamte gamlapi van mong panin hong pai hi.

Isaiah 10:5

Assiria-te pen ka hehna mite gimpiak nadingin molhtum le ciangkhutin ka zat ahi hi.

Late 17:13

Topa aw, tho in! Amaute mai phut inla, thal paih in! Topa aw, a deih khempeuh uh hih leitungah a nei migilote kiang panin na khut le na namsau tawh kei hong hon khia in. Amau adingin na koihcing gimnate thuaksak inla, a tate un zong a cingvalin thuak uh henla, a naungekte uh ading nangawn nusiat lai ta uh hen.

Ezekiel 30:24

Tua ciangin Babylon kumpipaʼ khut ka khauhsak dinga, ama khut sungah ka namsau ka pia ding hi. Ahi zongin Egypt kumpipa Faroʼ khut ka kuaihtansak dinga, a langteʼ mai ah tai-in a si ding hi.

Isaiah 20:3

Ashdod khua a kilak khit ciangin Topa in, “Egypt le Ethiopia lang khat ah lim le siahil dingin ka nasem pa Isaiah tangguak le kheguak tawh kum thum sung lam a pai mah bangin,