Zefaniah 1:9 - Tedim Bible Revision 2017

⁹ Lawki mite bangin biakinn sungah a lamte, khemna le thahna tawh a ngah uh vante tawh, a topa uhʼ inn a dimsakte khempeuh, tua ni mahin gim ka pia ding hi,” a ci hi.

Tedim Bible

⁹ Midangte’ sangkil kanin zawhthawh bawl a, khemna leh thahna tawh a ngah uh vante tawh, a Topa uh inn a dimsakte khempeuh, tua ni mahin daan ka pia ding hi,” ci hi.

Zefaniah 1:9 Referans Kwoze

1 SAMUEL MASA 5:5

Tu ni dongin Dagon siampite le Dagon inn ah a tumte khempeuh in hih thu hangin Ashdod a Dagon sangkil tung sik lo uh hi.

Amos 3:10

Topa in hih bangin ci hi: Hih mite in a manin gamtat ding thei lo uh a, gilo mahmah uh a, miʼ na a suh uh vante tawh a inn lianpipite uh kidimsak uh hi.

Sawltak 16:19

Tua numeiʼ tote in a sum ngah nading uh bei ta hi, ci-in a phawk uh ciangin Paul le Silas man uh a, thukhente omna sumbuk tual ah a kai uh hi.

Paunak 29:12

Kumpipa in zuau thu saangin na sem leh a nuai-a ulian khempeuh zong zuau genin ni tum ding uh hi.

Nehemiah 5:15

Keima hun ma-in a ukte in mite tungah van gikpi suan uh a, amauteʼ tung panin nisimin an le leenggahzu ngun shekel sawm li man a la uh hi. Amauʼ nasemte nangawn mite tungah kiliansak lai uh hi. Ahi zongin Pasian ka zahtakna hangin tua bangin kei ka gamta kei hi.

Thukhente 19:27

Zingsang ciangin a topa tho a, a khualzin zom dingin inn kongkhak hongin a paikhiat ciangin, inn kongkhak ah a zineu lumin sangkil tungah a khutte a kinga a mu hi.

Jeremiah 5:27

Bawm sung dimin vasa a kikhum bangin khemna tawh a ngah uh vante tawh a inn uh a dim hi. Tua ahih manin amaute lianin hau mahmah uh a, thau-in a mai uh a zol hi.

Micah 6:12

Na mihaute uh mizawngte tungah tatsia mahmah in, na khua sung mi khempeuh uh zuaugen vive ahi uh a, a kam un khemna thu bekbek gen hi.

Zekhariah 5:6

Kei zong, “Bang ahi hiam?” ci-in ka dong hi. Amah in hong dawng a, “Tua pen ciangpi hi a, gam sung khempeuhʼ mawhna lim ahi hi,” hong ci hi.