Zefaniah 1:7 - Tedim Bible Revision 2017

⁷ Topa Pasianʼ mai ah gamdai takin om un! Topaʼ ni hong nai ta hi. Topa in biakna-a sa gawh bangin a mite a go dingin kithawi a, a gawh ding mite siansuah khin hi.

Tedim Bible

⁷ Topa Pasian’ mai-ah gamdai takin om un! Topa’ ni hong nai ta hi. Topa in biakna-a sa gawh bangin a mite a go dingin kithawi a, a gawh ding mite sian’suah khin hi.

Zefaniah 1:7 Referans Kwoze

Habakkuk 2:20

Topa, a biakinn siangtho sungah om hi; leitung mi khempeuh ama mai ah dai dide-in om ta uh hen.

Zekhariah 2:13

Mi khempeuh aw, Topaʼ mai ah gamdai-in om un. Bang hang hiam cih leh a siangtho ama omna mun panin amah hong paikhia ta hi.

Zefaniah 1:14

Topaʼ ni hong nai ta a, nai mahmah in hong tung hathat hi. Tua Topaʼ ni hong tun ciangin galhang pente nangawn cimawhin kap ding uh hi.

Jeremiah 46:10

“Bang hang hiam cih leh tu ni pen Vanglian Topa Pasianʼ ni hi a, phu a lakkik ni, a galte a thuk ni ahi hi. Namsau in amaute that dinga, a kham mateng a si uh a dawn ding hi. Bang hang hiam cih leh Vanglian Topa Pasian in Eufratis gun gei leilu lamah amaute biakna-in a nei hi.

Isaiah 34:6

Topa in namsau khat nei hi. Sisan tawh kidim dinga, biakpiakna tuuno si le keel si, tuutalteʼ kal thau tawh a kizolsak bang ding hi. Bang hang hiam cih leh Topa in Bozrah khua ah hih biakpiakna nei dinga, Edom gamah hih bang tampi thahna omsak ding hi.

Isaiah 13:6

Topa’ ni hong nai ta ahih manin nakpi takin kap un. Vanglian paʼ kiang panin suksiatna hong tung ta ding hi.

Mattiu 22:4

Tua ciangin nasem dangte sawl leuleu a, ‘Ka khohsak sa mite kiangah hih bangin va gen un: Ka bawngtalte le ka bawng no thaute kigo khin a, nitak an a min sa-in a om banah, na khempeuh a man sa-in om khinta hi. Mopawi an ne dingin hong pai ta un, ci hi, ci-in va gen un,’ a ci hi.

Joel 2:31

Topaʼ ni, tua a lauhuai hun a hong tun ma-in ni hong mialin, kha, sisan hong bang ding hi.

Isaiah 2:12

Bang hang hiam cih leh Vanglian Topa in a kiphasak le a kiliansak khempeuh, a kisangsak le a sangte khempeuh;

1 SAMUEL MASA 16:5

Amah in, “Thuhoih hi; Topaʼ tungah biakna a pia dingin kong pai hi. Note ki-ap unla, biakpiakna ah kei tawh hong pai un,” a ci hi. Amah in Jessi le a tapate apin, biakpiakna ah amaute a sam hi.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.

Amos 6:10

Mi khatpeuh a sihna inn panin a vui dingin a si pua khia-in, a behte khatpeuh hong pai ciangin, inn sung tawng ah a bu mi khatpeuh kiangah, “Hih lai ah a si dang a om hiam?” ci-in a dot ciangin, “Om lo hi; pau kei in. Topaʼ min na lawh khak ding kidawm in,” ci-in kidawngkik ding hi.

Joel 2:11

Ama mihonpite tam mahmah uh ahih manin amaute thu pia-in a mai uh ah Topa awng a, ama thupiakna bangin a semte hat mahmah uh hi. Topaʼ ni ding kihtakhuai mahmah ahih manin a thuak zo ding kua om ding ahi hiam?

Ezekiel 7:10

“Siat nading hun hong tung ta hi. Na ngongtatna uh khang a, na kiphatsakna uh lian hi.

Ezekiel 7:7

Israel gam sungah a teeng noteʼ beina ding hong tung ta ding hi. Mual sang dawn citeng a biakna munte ah lungdamna om nawn loin buaina bek a omna ding hong nai ta hi.

Isaiah 6:5

Tua ciangin keimah in, “Gim ngah pa hi ta ing! Bang hang hiam cih leh a mawknapi ka hi hi; ka kam a ka thugen khempeuh a mawkna vive hi a, a thugen khempeuh uh mawhna le nitna ahi mite lakah ka teeng kha hi. Vanglian Topa, Kumpipa ka mu kha khinta hi,” ka ci hi.

Filippi 4:5

Mi khempeuh tungah na dik un. Topa hong pai baih ta ding hi.

ROM (Romans) 9:20

Lawmte aw, ahi zongin kua in Pasianʼ thu nial ngam ding na hi uh hiam? Beel in amah a seek pa kiangah, “Bang hangin tua bangin hong seek na hi hiam?” ci ngei lo hi.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasianʼ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

Late 46:10

“Om hithiat unla, Pasian ka hihna thei un. Minamte lakah keimah hong kisangsak a, leitung khempeuh ah ka min hong kithangsak hi,” a ci hi.

1 SAMUEL MASA 20:26

Ahi zongin Saul in tua ni-in bangmah gen lo hi; bang hang hiam cih leh amah in, “Ama tungah thu khatpeuh piang hi ding hi; amah siang lo hi; siang lo taktak hi,” a ci hi.

JOB (Job) 24:1

“Pasian in bang hangin a thukhen ni ding seh lo a, ama nasemte thutang ahihna a lah ni ding seh lo ahi hiam?

Isaiah 13:3

Keimah in ka tuam koih sa mite thu pia khinin, ka hehna thu a sem khia dingin kiphatsakna tawh a lungdam ka mi thahatte ka sam khin hi.

Isaiah 29:2

Ahih hangin keimah in “Pasian biakna tau,” a kici tungah gimna ka tungsak ding hi. Thumna le tauna om dinga, tua khuapi pen biakna halna biakna tau suak ding hi.

Isaiah 34:5

Bang hang hiam cih leh ka namsau in vantungah a sep ding khempeuh a zawh khit ciangin, en un, a sia mang dinga ka seh sa Edom mite tungah thu a khen dingin hong kum suk ding hi.

Joel 1:15

Kalai! A hun hong nai ta! Topaʼ ni hong nai ta a, Vanglian paʼ suksiatna hun hong nai ta hi.

Amos 8:3

Tua ni ciangin kumpi inn ah lungdam lasakna awgingte, kahna awging suak ding hi. Mun khempeuh ah misi dim dinga, mun citeng ah kipaithangin gamdai ding hi,” Topa in ci hi.

Zekhariah 14:1

Topa in na hong sep hun hong tung ding hi. Jerusalem khuapi kiluh gawpin, noteʼ muh mahmah in a na lakte uh hawm ding uh hi.