Zefaniah 1:5 - Tedim Bible Revision 2017

⁵ Innkhum zang ah kah to-in, ni, kha le aksi a bia mi khempeuh ka susia dinga, keimah hong bia-in, keima tungah thuman ding gen napi-in, Milkom pasianʼ min tawh a kiciam teiteite zong, ka susia ding hi.

Tedim Bible

⁵ Innkhumzang ah kahto-in, ni, kha leh aksi a bia mi khempeuh ka susia ding a, keimah hong bia-in, keima tungah thuman ding gen napi-in, Milkom pasian’ min tawh a kiciam teiteite zong, ka susia ding hi.

Zefaniah 1:5 Referans Kwoze

Jeremiah 19:13

Jerusalem khua-a innte le Judah kumpiteʼ innte a kipan, innkhum zang ah vantung a aksite khempeuh tungah paknamtui hal biakna a kipiakna innte le pasian dangte tungah dawn ding biakna a kibuakna innte khempeuh a vekin Tofeth mun bangin a nin a suak ding hi, ci hi, va ci in,” hong ci hi.

2 KUMPI NIHNATE 17:33

Tua ahih ciangin amaute in Topa bia uh a, ahih hangin amaute a kipuak khiatna minamteʼ ngeina bangin amauʼ pasian-teʼ na zong sem khawm uh hi.

1 KUMPI MASATE 11:33

Bang hang hiam cih leh amah in kei hong nusia a, Sidon miteʼ nusian Ashtoreth, Moab pasian Khemosh le Ammon miteʼ pasian Milkom bia-in, a pa David bangin keima muhna ah a manin gamta loin, ka thukhamte le ka ngeina kipte zui loin ka thu hong nial hi.

Amos 5:26

Tua hi napi tu-in note adingin na bawl tawm uh aksi pasian-te ahi Sakkuth le Kaivuan milimte na biak manun

2 KUMPI NIHNATE 23:12

Tua ciangin Judah kumpite in a bawl sa, Ahazʼ inn dei tungnung khum zanga a om biakna taute le Topaʼ biakinn tual nihte sungah Manasseh in a bawl sa biakna taute, amah in phelin satnen a, tua a vuite Kidron lui ah a paai hi.

2 KUMPI NIHNATE 17:41

Tua ahih ciangin hih minamte in Topa bia uh a, a kiseek amauʼ milimteʼ na zong sem kawm uh hi. A tate uh le a tate uhʼ tate zong tua bangmahin gamta uh hi. A pu a pate uh gamtat bangin a suan a khakte uh tu ni dongin gamta uh hi.

1 KUMPI MASATE 18:21

Tua ciangin mi khempeuhʼ nai ah Elijah hong pai-in, “Ngaihsutna kibang lo thu nih kikalah bang tanvei khensat loin om niloh ding na hi uh hiam? Topa pen Pasian ahihleh amah zui un; tua hi loin Baal pen Pasian ahihleh amah zui un,” a ci hi. Ahi zongin mite in kam khat beek dawng lo uh hi.

ROM (Romans) 14:11

Lai Siangtho sungah, “Kei pen a nungta ka hih mah bangin ka mai ah mi khempeuh hong kun dinga, Pasian ka hihna thu mi khempeuh in pulak taktak ding uh hi, Topa in ci hi,” ci-in a kigelh hi.

Mattiu 6:24

“Kuamah, to nihʼ sila hi khawm thei lo hi. Khat mudahin khat it dinga, khat tungah thumanin khat simmawh bawl ding hi. Note in Pasianʼ na le leitung sum na nasem khawm zo kei ding uh hi.

Hosea 4:15

Kei tungah no Israel mite citak loin nong taisan hangun, note bangin Judah mite khial kei tahen. Gilgal ah ahi a, Bethaven ah ahi zongin pai kei unla, tua lai munah Topaʼ min tawh na kiciam kei un.

Jeremiah 32:29

Hih khuapi a sim Khaldea mite hong pai-in mei tawh khuapi a hal ding uh a, ka heh nadingin innkhum tungah Baal milimte paknamtui halna tawh a biakna innte uh le pasian dangteʼ kiangah tui dawn biakna a piakna uh innte zong a hal tum ding hi.

Jeremiah 5:7

“Na mawhnate uh hong koici maisak thei ding ka hi hiam? Na tate un kei hong nusia zo uh a, pasian ahi lopite peuh tawh kiciam zo uh hi. Amaute a gilvah dong uh an ka vak khit ciangin amaute in angkawmin, numei paktatteʼ inn ah a hon om uh hi.

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak uh leh gam khempeuh in thupha ka piak ding hong ngen ding uh a, keiʼ sungah amaute a lungdam ding uh hi,” a ci hi.

Isaiah 48:1

Israel min tawh a kilo, Judah sung panin a piang khia, Topa’ min tawh thu ciam napi-in, thuman thutak tawh Israel Pasian a pulak lo Jakob innkuan aw, hih thu ngai un.

Isaiah 45:23

Kei mahmah ka kiciam khin a, a kikhelkik ngei nawn lo ding thukip hih bang ahi hi: ‘Keima mai ah mi khempeuh hong khukdin dinga, keima tungah thuman ding hong kiciam ding hi,’ cihna, keiʼ kam sung panin thumanna tawh pusuak khia khinzo hi.

Isaiah 44:5

“Khat in, ‘Kei pen Topa ka hi hi,’ ci-in, a dang khat in Jakob min tawh ama min lo dinga, a dang khat leuleu in, ‘Topa-aʼ, ci-in ama khut tungah gelhin, Israel min tawh a mahmah kinophuah ding hi,” ci hi.

1 KUMPI MASATE 11:5

Bang hang hiam cih leh Sidon miteʼ nusian Ashtoreth le Ammon mite aʼ ahi a kihhuai Milkom, Solomon in bia hi.

Thu-hilhkikna 10:20

Topa noteʼ Pasian na zahtak ding uh a, ama na semin, amah beelin, ama min tawh na kiciam ding uh hi.

Sawltak 10:9

A zing ciangin Joppa khua ah amaute a tun dektak laitakun, thungen dingin sun laitakin innkhum zang ah Peter a kah to hi.

2 KUMPI NIHNATE 17:32

Amaute in Topa zong kihta uh a, mual tunga biakna siampi dingin amau sung panin mi namkim seh uh a, tuate in mual tunga biaknate tungah amau adingin piaksak uh hi.

Jeremiah 5:2

“Topa a nuntak bangin,” ci-in a kiciam uh hangin a zuaupi uh ahi hi.

Jeremiah 7:9

Note in na gu-in, tual thatin, angkawmin, ahi lopi kiciamin, Baal kiangah meihal biakna pia-in, na theih ngei loh uh pasian dangte delhin,

Jeremiah 7:10

tua ciangin ka min tawh a kilo hih biakinn sung ka mai ah hong pai-in hong dingin, ‘Hong kihon khia zo hi,’ na cih khit uh ciangin hih a muhthadah huai nate khempeuh va hihkik zel ding na hi uh hiam?

Jeremiah 8:2

Amaute in a it uh, a na a sepsak uh, a delh uh, a zon uh le a biak uh ahi ni le kha le van a om nate khempeuh mai ah a kipho khia ding hi. Tua guhte kikhawm nawn lo dinga, kiphum nawn lo ding hi. Leilak a ek kinusia bang ahi lel ding hi.

Jeremiah 12:16

Tua ciangin, ka miteʼ om dan hoihtakin a sin uh a, Baal min tawh a kiciam dingin ka mite a sinsak mah bangun, ‘Topa a nuntak mah bangin,’ ci-in keima min tawh kiciam ding a sin uh leh ka mite lakah kip takin a om ding uh hi.

Jeremiah 49:1

Ammon mite tawh kisai-in Topa in a genin ah: “Israel mite in tapa nei lo ahi uh hiam? Innluah ding nei lo ahi uh hiam? Bang hangin Milkom pasian biate in Gad gam la-in a khuapite sungah teng ahi uh hiam?

Hosea 10:2

A lungsim uh man lo ahih manin tu-in a mawhna uh thuak ding uh hi. Topa Pasian in amauʼ biakna taute suzanin, a biakna songte uh suksiatsak ding hi.

Thu-hilhkikna 4:19

Note in na mit uh tawh vantung lam en to-in, ni le kha le aksite, vantung na khempeuh na muh uh ciangin, mun khempeuh a miteʼ tungah Topa na Pasian un a piak nateʼ lamah kihei-in tuate bia-in a na na sep khak loh nading uh kidawm un.

Isaiah 22:1

Maangmuhna Kuam tawh kisai thu hih bangin gen hi: Kikona tawh a kidim, a gamlum khuapi, lungdamin a diang khua aw, note khempeuh, innkhum zang ah na kah toh uh bang na cihnopna uh ahi hiam? A kithat nangma mite pen namsau tawh a kithat hi lo a, gal sung a si hi lo uh hi.