Zefaniah 1:18 - Tedim Bible Revision 2017

¹⁸ Topaʼ heh thuk ni hong tun ciangin a ngun le a khamte un amaute hon khia zo lo ding hi. Ama hehna meikuang in leitung khempeuh kaang tum dinga, thakhat thu-in leitung a teeng mi khempeuh a sumai ding hi.

Tedim Bible

¹⁸ Topa’ heh thukna ni hong tun’ ciangin, amau’ ngun leh amau’ khamte in honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitunga teeng mi khempeuh sumai ding hi.

Zefaniah 1:18 Referans Kwoze

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte le kumpi gamte kaikhawmin, ka hehna ka thuaksak ding, ka lungsim ka khensat khin hi. Ka hehluatna meikuang tawh leitung khempeuh kaang tum ding hi.

Ezekiel 7:19

Topaʼ hehna amauʼ tungah a tun ni ciangin, a ngun a khamte un amaute suahtak thei lo ahih manin, a ngun a khamte uh nin bangin kongzing lakah paai ding uh hi. A gilkial uh ciangin zong an bangin tuate ne thei lo uh hi. Ngun le khamte in mawhna sungah amaute tumpih zaw hi.

Paunak 11:4

Hauhna in sih nading panin hong hu thei lo a, thumanna in na sih ding hong hu thei hi.

Mattiu 16:26

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam? A nuntakna bang tawh leikik thei nawn ding ahi hiam?

Piancilna 6:7

Tua ahih ciangin Topa in, “Ka piansak sa mihing, ganhing, a bokvak ganhingte le huihlak vasate, leitung panin ka phiat khia ding hi. Bang hang hiam cih leh amaute ka bawl ka khial hi,” a ci hi.

Zefaniah 1:15

Tua ni pen heh mahmah ni, lungkham sinkham ni, tuahsia-in kisuksiat gawp ni, khua zingin mai mial ni, meiipi kai-in huihpi nun ni,

Zefaniah 1:11

Khuapi Veeng Nuainung sungah a teeng mite aw, hih bang gamlumna na zak uh ciangin kapin thum un. Bang hang hiam cih leh sumbukte khempeuh si ding uh hi.

Ezekiel 16:38

Midangte tawh na mawhna hang le na mi thahna hangin thu kong khen dinga, ka hehna tawh sihna kong thuaksak ding hi.

Jeremiah 9:11

“Jerusalem khuapi ninkholna ka bangsak dinga, se-alteʼ teenna mun ka suaksak ding hi. Judah gam khuapite gamlak ka suaksak dinga, kuamah teeng nawn lo ding hi,” a ci hi.

Jeremiah 7:20

Tua ahih manin Topa in kong cih in ah: En in, ka hehna le ka thangpaihna hih munah ka bua dinga, mihingteʼ tung le ganhingteʼ tung, lo lai-a singkungte le leilak a singgahte tungah ka sung ding hi. Ka hehna mei bangin kuang dinga, kisumit lo ding hi.

Isaiah 1:24

Tua ahih ciangin, Topa, Vanglian Topa, Israel-teʼ Vanglian Pasian in hih bangin ci hi: “Ah, ka lang ahi noteʼ tungah ka hehna kong khah khia dinga, ka gal ahi note tungah keimah in kong thuk ding hi.

Late 78:58

Bang hang hiam cih leh amaute in a mun sangte uh tawh amah a sin so nadingin phinphin uh a, amauʼ milim bawlte tawh ama hazat nading a piangsak uh hi.

1 KUMPI MASATE 14:22

Tua ciangin Judah mite, Topaʼ muhna ah a sia gamta uh a, a pu a pate khempeuh uh hih sangin a tam zaw-in amauʼ khialhnate uh tawh ama hazat nading piangsak uh hi.

Thu-hilhkikna 31:17

Tua hun ciangin amaute tungah ka sin so-in, amaute nusia-in ka mai ka seel dinga, amaute bei mang ding uh hi. Tua ni ciangin amaute in, ‘Eiteʼ lakah i Pasian a om loh manin hih siatnate i tungah hong tung hi lo ahi hiam?’ a cih theih nadingun amaute tungah siatna le gimna tampi tung ding hi.

Paunak 18:11

Khuapi kiim a kulhpi in amah a hut bangin a hauhna in amah a hu dingin mihau pa in ngaihsun kha hi.

Late 79:5

Topa aw, bang tanvei hi ding ahi hiam? Heh paisuak ding na hi hiam? Nangma hazat hehna meikuang bangin kuang paisuak ding ahi hiam?

JOB (Job) 21:30

Pasian hehin, mite gim a piak ciangin migilote peng tawntung zawsop hi.

1 KORIN MASA 10:22

A nih tuakah kihel khawm lehang Topa a heh nadingin a gamta ihi dinga, eite pen Topa sangin i hat zaw het kei hi.

Jeremiah 7:34

Tua ciangin Judah gam khuapite le Jerusalem khua kongzing lakah gualnopna le lungdamna awte le zi nei thakte le mothakteʼ awte ka gingsak nawn kei ding hi; bang hang hiam cih leh tua mun kinusia ding hi.

Ezekiel 7:5

Topa Pasian in a gen thu in: “Noteʼ tungah haksatna khat khit khat a banbanin hong tung thuahthuah ding hi.

Ezekiel 7:11

Migiloteʼ hauhna le lungmuannate haksa loin bei mang ding hi.

Ezekiel 23:25

Nangma tungah kei heh ka hih manin nangma tungah amaute hong heh gamtat ding uh hi. Na nak le na bilte hong at khiatsakin na tate hong thahsak ding uh hi. Na tanu le na tapate na kiang panin hong sutin a hingtangun hallum ding uh hi.

Zefaniah 2:2

Ansi bangin hong kizapkhiat ma, Topaʼ hehna na tungah hong tuk ma, Topa in a hehna hong lah hun a tun ma-in thu ngaihsunin kikheel in.

JOB (Job) 3:15

ngun le kham tawh a kidim a hau a liante tawh nuam takin hanah ka tawlnga khinta ding hi.

Isaiah 10:3

Gimpiak ni hun, gamlapi panin huihpi hong nun ciangin note in bang cih ding na hi uh hiam? Huhna ngenin kua kiangah tai dinga, na neihsa uh koi lai ah koih ding na hi uh hiam?

Isaiah 10:17

Israel-teʼ khuavak pen mei suakin, Israel-teʼ Siangtho Pa pen meikuang suak ding hi. Ni khat sungin ama lingkungte le lingte kaangin beitum ding hi.