Zefaniah 1:17 - Tedim Bible Revision 2017

¹⁷ Topa in hih bangin thu gen a, “Mihingte tungah lungkhamna lianpi ka tungsak dinga, amaute in mittaw bangin khua a zawt ding uh hi. Keima tungah amaute hong khial uh ahih manin, a sisan uh tui bangin kithehthang dinga, a luanghawm uh leilak ah muatcip ding hi,” a ci hi.

Tedim Bible

¹⁷ Topa in hih bangin thu gen a, “Mihingte tungah lungkhamna lianpi ka tungsak ding a, amaute in mittaw bangin khua zawt ding uh hi. Keima tungah amaute hong khial uh ahih manin, tui bangin a sisan uh kithehthang ding a, a luanghawm uh, leilakah muatcip ding hi,” ci hi.

Zefaniah 1:17 Referans Kwoze

Micah 7:13

Ahi zongin a tungah a teeng miteʼ gitlohna hangin, leitung pen sehnel gamkhing a suak ding hi.

Mangmuhna 3:17

Note a zawng, a mittaw, puansilh ding a nei lo, a hehpihhuai, a lungkham huai na hih lamtak uh thei loin, kote hau-in ka cithei uh a, bangmah kisapna ka nei kei uh hi, na ci uh hi.

1 JOHAN MASA 2:11

Ahi zongin a Khristian mipihte a mudah mite pen khuamial sungah omin khuamial gamtatna a gamta uh hi a, tua khuamial in bangmah ngaihsunsak thei lo ahih manin a gamtat nading mel uh thei lo uh hi.

2 PETER NIHNA 1:9

Ahi zongin hih bang hoihna a nei lo mite pen mittaw-in a gamla a mu thei lo mite hi a, a mawhna lui uh panin a siang khin ahih lam uh zong a mangngilh ta ahi uh hi.

ROM (Romans) 11:25

Sanggamte aw, note in na theih dingun ka deih thusim khat om hi. Thei le-uhcin, “A pil mahmah hi hang,” na kici nawn kei pah ding uh hi. Tua thu in: Israel mite in a up nop lohna pen a tawntung ding thu hi lo hi. Pasian kiangah Gentail mite a pai ding zah in Pasian a zuat hun ciang dong ding bek ahi hi.

ROM (Romans) 11:7

A thu om zia taktak hih bang ahi hi. Israel mi a tam zaw in a hanciamciam uh ngah lo uh hi. Pasianʼ teel mi tawm khat bek in ngah uh a, a dangte in Pasianʼ sapna thudon lo uh hi.

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kia khawm ding uh hi,” ci-in a dawng hi.

Amos 4:10

Egypt gamah ka hong tunsak bangin note lakah gimna kong tungsak hi. Gal sungah na tangval teng uh ka sisak a, na sakolte uh kong paih khiatsak hi. Na giahphual sungte uh a uih mahmahna tawh na nakngek uh kong zensak hi. Tua bang hi napi-in kei lamah nong kihei kei uh hi, Topa in ci hi.

Kah la 2:21

Khangno le khanghamte kongzing tengah si uh hi. Galte in nungak le tangvalte namsau tawh a that lum uh hi. Amaute hehpih loin na heh ni-in na that lumsak hi.

Kah la 1:18

Topa a thutang ahi hi. Bang hang hiam cih leh keimah in ama thu a mang lo ka hi hi. Mun khempeuh ah a om mite aw, ka thugenna hong ngai un. Ka thuaknate hong mu dih un. Ka khangno numei le pasalte salin a kipua khia hi.

Kah la 1:14

Amah in ka mawhna khempeuh a vekpi-in ciamteh a, tuate henin lom khat suahin ka ngawngzang ah hong khih a, gik lua mahmah ahih manin ka taang zo peuhmah kei hi. Topa in ka galteʼ khut sungah hong pia ahih manin a cimawh ta ka hi hi.

Kah la 1:8

A minthanna teng a bei ta hi. A guaktangin om ahih manin a maizum hi. Thumin tau a, a zum manin a mai a hum hi. Jerusalem in mawhna lian bawl ahih manin a kihhuai mahmah hi.

Jeremiah 18:21

Tua ahih manin a tate uh kial tawh puksisak inla, amaute namsau-in sisak in. A zite uh ta neisak kei inla, meigong suaksak in. A pasalte uh pulnatna tawh sisak inla, a tangvalte uh gal sungah namsau tawh kithat lumsak in.

Jeremiah 15:3

“Amauteʼ sih nadingin gimna nam li ka tungsak ding hi. A kithah nading uh namsau, a kei zan gawp dingin ui, a valh tum ding le a susia gawp dingin huihlak a vasate le leilak a ganhingte ka koih ding hi.

Jeremiah 10:18

Bang hang hiam cih leh Topa in, “En un, tu-in hih gam sungah a teeng mite ka lawn khia dinga, a theih nadingun a tung uh ah lungkhamna ka tungsak ding hi,” a ci hi.

Jeremiah 4:18

Na lungsim le na gamtatnateʼ hangin nangʼ tungah hih thu hong tung hi. Hih pen nangma gitlohna hang hi a, na lungtang pailetin hong sun hi,” a ci hi.

Jeremiah 2:19

Na gitlohna mah in nangmah hong thuhilh dinga, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam het loin kha velval hi, cih thu thei inla mu in, Vanglian Topa Pasian in ka hong ci hi.

Jeremiah 2:17

Israel aw, Topa na Pasian in lampi ah hong makaih laitakin amah na nusiat manin nang tungah hih bang teng hong tung hi lo ahi hiam?

Isaiah 50:1

Topa in, “Amah ka ciahsakna, na nu a kimakna lai koi ah om ahi hiam? Tua ahih kei leh nang kong zuakna ka leibatnate koi pan ahi hiam? Nomau mawhna hangin note hong kizuak a, nomau khialhna hangin na nu uh kipaikhiasak hi.

Isaiah 29:10

Bang hang hiam cih leh Topa in noteʼ sungah ihmut nopna lungsim hong guan a, amauʼ mit ahi kamsangte mit si sakin amauʼ lutang ahi thu mu theite khuhcip hi.

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khris minthanna hangin amaute tungah a hong taang lungdamna thu khuavak mu thei lo uh hi.

Jeremiah 8:2

Amaute in a it uh, a na a sepsak uh, a delh uh, a zon uh le a biak uh ahi ni le kha le van a om nate khempeuh mai ah a kipho khia ding hi. Tua guhte kikhawm nawn lo dinga, kiphum nawn lo ding hi. Leilak a ek kinusia bang ahi lel ding hi.

Ezekiel 16:38

Midangte tawh na mawhna hang le na mi thahna hangin thu kong khen dinga, ka hehna tawh sihna kong thuaksak ding hi.

Ezekiel 24:7

Khuapi sungah mi kithahna om a, a sisante, leivui in a vuh theih nading leilak ah taaksak loin, suang tungah taaksak uh hi.

Ezekiel 24:8

Ka heh suakin a phu a kilak theih nadingin a manthanʼ theih loh nading munah a sisante a tua ci-in ka omsak hi.

Jeremiah 3:25

Tua ahih manin maizumin lum ni. I min siatna silh ni. Bang hang hiam cih leh i neu lai a kipan tu ni ciang dong eite le i pu i pate pen Topa i Pasianʼ tungah i mawh khinzo hi. Topa i Pasianʼ thu i mang kei khinzo hi,” a ci uh hi.