Zefaniah 1:16 - Tedim Bible Revision 2017

¹⁶ galdo nading peengkul a kitum ni, kulh nei khuapite le a tausangte a kisimna-in galkapte a kiko ni hi ding hi.

Tedim Bible

¹⁶ galdo nading peengkul a kitum ni, leh kulh nei khuapite leh a tausangte a kisimna-a galkapte’ kiko ni, hi ding hi.

Zefaniah 1:16 Referans Kwoze

Amos 3:6

Khuapi sungah pataukohna gal peengkul a kitum ciangin mite lau loin om mawk thei ahi hiam? Topaʼ tunsak lohpi-in khuapi sungah lauhuaina mawk tun ahi hiam?

Hosea 8:1

Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Isaiah 32:14

Kumpi innte kinusia-in, mi tampi a omna kumpi khuapi kilawi ding hi. Mual le tausangte zong kisia gawp dinga, late le tuuhonte in gamtatna munin nei ding uh hi.

Habakkuk 3:6

Amah a khawl ciangin leitung liing a, amah in a et ciangin minam khempeuh liing uh hi. Tangtawng lai-in a tot sa, tanglai mual liante kitam kham a, a om tawntung mual neute kimetcip hi.

Hosea 5:8

Galdo nading zaksakna in Gibeah khua ah tuutal ki tum unla, Ramah khua ah peengkul tum un. Bethaven khua ah pataukohna gingsak un. Benjamin mite aw, kithawi un!

Jeremiah 8:16

Leilu lam Dan khua pek panin galteʼ sakol nak ging kiza hi. A sakol hatteʼ hamna awging in gam le lei liingsak hi. Amaute in i gam le a sunga om teng, hong susia khin ding uh hi,’ a ci ding uh hi.

Jeremiah 6:1

Benjaminʼ suante aw, na suahtak nadingun tai un. Jerusalem khua taisan un. Tekoa khua ah peengkul tum unla, Bethlehem khua ah theihsakna meikhu khusak un. Bang hang hiam cih leh leilu lam panin gimna leh siatna lianpi a hong pai ding hi.

Isaiah 59:10

Mittaw bangin kawm i zawt a, mit nei lote bangin i mai hi. Sun tang laipi mahin khuamial lak bangin i tuk a, a hat mite lakah misi tawh i kibang hi.

Thu-hilhkikna 28:52

Na gam sung uh a a om na muan uh, a sang a muanhuai na kulhpite uh a cip khit dong matengin noteʼ khuapite khempeuh sungah amaute in note hong umcih ding uh hi. Topa na Pasian un note hong piak sa na gam sung khempeuh uh ah a om na khuapite khempeuh sung uh ah note hong umcih ding uh hi.

Isaiah 27:13

Tua ni ciangin peengkul lianpi khat kitum dinga, Assiria gam sunga a mangthang mite le Egypt gam sunga a kihawl khia mite hong pai-in Jerusalem mual siangtho tungah Topa hong bia ding uh hi.

Joel 2:1

Zion mual tungah peengkul tum unla, Pasianʼ mual siangtho tungah pataukohna tum un. Topa ni hong nai ta ahih manin gam sung mi khempeuh lau ta uh hen.

Joshua 6:20

Tua ahih ciangin mite awng a, peengkulte kitum hi. Mite in peengkul aw a zak phetun nakpi takin awng uh a, kulhpi cimmai-in, mi khempeuh amau mai ciatah tangtakin khuapi sungah pai uh a, khuapi a la uh hi.

Ezekiel 7:7

Israel gam sungah a teeng noteʼ beina ding hong tung ta ding hi. Mual sang dawn citeng a biakna munte ah lungdamna om nawn loin buaina bek a omna ding hong nai ta hi.