Zefaniah 1:14 - Tedim Bible Revision 2017

¹⁴ Topaʼ ni hong nai ta a, nai mahmah in hong tung hathat hi. Tua Topaʼ ni hong tun ciangin galhang pente nangawn cimawhin kap ding uh hi.

Tedim Bible

¹⁴ Topa’ ni hong nai ta a, nai mahmahin hong tung hathat hi. Tua Topa’ ni hong tun’ciangin, galhang pente nangawn cimawhin kap ding uh hi.

Zefaniah 1:14 Referans Kwoze

Malakhi 4:5

“Ahi zongin tua a lauhuai lian mahmah Topaʼ ni hong tun ma-in note kiangah kamsang Elijah kong paisak ding hi.

Ezekiel 30:3

Minamteʼ siat nading hun Topaʼ ni hong nai ta hi.

Zefaniah 1:7

Topa Pasianʼ mai ah gamdai takin om un! Topaʼ ni hong nai ta hi. Topa in biakna-a sa gawh bangin a mite a go dingin kithawi a, a gawh ding mite siansuah khin hi.

Joel 2:11

Ama mihonpite tam mahmah uh ahih manin amaute thu pia-in a mai uh ah Topa awng a, ama thupiakna bangin a semte hat mahmah uh hi. Topaʼ ni ding kihtakhuai mahmah ahih manin a thuak zo ding kua om ding ahi hiam?

1 THESALONIKA MASA 4:16

Pasianʼ thupiakna awging lianpi, vantungmi mangpaʼ thugenna le Pasianʼ peengkul hong ging dinga, vantung panin Topa mahmah hong pai suk ding hi.

Ezekiel 7:12

A hun hong tung ta a, a ni hong nai ta hi. Mi khempeuh tungah ka hehna hong tung ta ding ahih manin sumzuak sumlei nasepnate a kimanna om nawn lo hi.

Isaiah 33:7

En un, galhangte huhna ngenin kiko uh a, kilem nading palai semte nakpi takin kap uh hi.

Isaiah 15:4

Heshbon khua le Elealeh khua kiko uh a, amauʼ kahna awging Jahaz khua dongah kiza hi. Tua ahih ciangin Moab mi galhiam tawite lau-in nakpi takin kiko uh a, amaute a liing uh hi.

Jeim 5:9

Sanggamte aw, Pasian in note tungah thu hong khen khak loh nadingin khatlekhat na kiphunsan kei un. Thukhen ding pa hong nai mahmah ta a, hong tung dektak ta hi.

Sawltak 2:20

Topaʼ ni, a lian thupi ni, hong tun ma-in ni hong mialin, kha, sisan hong bang ding hi.

Joel 1:15

Kalai! A hun hong nai ta! Topaʼ ni hong nai ta a, Vanglian paʼ suksiatna hun hong nai ta hi.

2 PETER NIHNA 2:3

Hih sia man lote in a huaiham manun note kiang panin sum a ngah theih nadingun phuahtawm thu hong gen ding uh hi. Ahi zongin sawt pek a kipanin amauteʼ thu a Khen ding pa a kiging sa-in om niloh a, amaute a Susia ding pa in en gige hi.

Amos 8:2

Topa in, “Amos aw, bang na mu hiam?” hong ci hi. “Seeng sunga kikoih singgah min ka mu hi,” ci-in kei zong ka dawng hi. Tua ciangin Topa in, “Ka mi Israel-te adingin a bei hun uh tung ta hi. Amaute gim ka piak ding ka khawl nawn kei ding hi.

Joel 2:31

Topaʼ ni, tua a lauhuai hun a hong tun ma-in ni hong mialin, kha, sisan hong bang ding hi.

Zefaniah 1:10

Topa in hih bangin thu gen a, “Jerusalem khua-a om Ngasa Kulh kongpi ah miteʼ kikona na za ding uh a, tua khuapi Veeng Nihna sungah miteʼ kahna le mual neute tungah a puak zaizai na za ding uh hi.

Joel 3:16

Zion Mual panin Topa hong hawk suk a, Jerusalem panin hong awngkek a, vanpi le leipi a liing damdam hi. Ahi zongin Topa pen ama miteʼ belh pa hi a, Israel mite a hu ding hi.

Joel 2:1

Zion mual tungah peengkul tum unla, Pasianʼ mual siangtho tungah pataukohna tum un. Topa ni hong nai ta ahih manin gam sung mi khempeuh lau ta uh hen.

Ezekiel 12:23

Tua ahih ciangin Topa Pasian ahi keimah in tua thu tawh kisai-in ka thugenna amaute kiangah va gen in. Hih paunak ka beisak ta dinga, Israel mite in genin a nei nawn kei ding uh hi. Tu-in a hun a naina le gen kholhnate a manin a tun nading thu amaute kiangah va gen in.

Jeremiah 48:41

A khuapite kila-in a kulhpite zong kila ding hi. Tua ni ciangin Moab galkapte nupi nausuak ding bangin a lau ding uh hi.

Jeremiah 30:7

Nu e! Tua ni lianpi hong tung dinga, nidang tawh teh theih ding hi lo hi. Jakob suanteʼ gim hun hi dinga, ahih hangin amaute suakta veve ding uh hi.

Jeremiah 25:36

Ngai dih un, makaiteʼ kahna aw le ulianteʼ tauna aw kiza hi. Bang hang hiam cih leh Topa in a gam uh suksiatsak hi.

Isaiah 66:6

Ngai un, khuapi sunga gamlumna! Biakinn sunga awging! Topa in a galte gim a piakna huging ahi hi.

Hebru 12:26

Tua hun lai-in thu a gen ciangin leitung kiliing a, ahi zongin tu-in amah in thu hong ciam a, “Leitung bek liingsak loin vantung tawh zong khatvei ka liingsak lai ding hi,” hong ci hi.

Filippi 4:5

Mi khempeuh tungah na dik un. Topa hong pai baih ta ding hi.

Isaiah 8:22

Amaute in leilak a et suk hangun, lungkhamna le khua mialna, lungzing a gimna bek om hi. Khuamial ngeungau sungah amaute kihawl khia ding hi.

Ezekiel 7:16

Vakhu lau bangin mi pawl khatte in mual tung tuh ding uh a, ahi zongin amauʼ mawhna hangin si veve ding uh hi.

Joel 3:14

Thukhenna Kuam ah a tul a thenin om uh hi. Bang hang hiam cih leh tua lai munah Topaʼ ni hong tung baih ding hi.

Jeremiah 46:5

“A bangci mawk ahi hiam? Amaute lungmangin a nungkik ta uh hi. A galkapte uh kilehhawl a, lau-in tai keek mang mawk uh hi. Kinunglehheikik lo uh hi; mun khempeuh ah launa vive!