Zefaniah 1:12 - Tedim Bible Revision 2017

¹² “Tua laitakin Jerusalem khua sung meivak tawh ka zong dinga, thuphawk loin, a ngeina bangun omcip a, ‘Topa in a pha hitaleh a sia hitaleh bangmah bawl ngei lo hi,’ a ci mite, gim ka pia ding hi.

Tedim Bible

¹² Tua hun lai takin Jerusalem khua sung, meivak tawh ka zong ding a, thu phawk loin amau’ ngeina bang bangin om cip a, ‘Topa in a pha hita leh a sia hita leh, bangmah bawl ngei lo hi,’ a ci mite, daan ka pia ding hi.

Zefaniah 1:12 Referans Kwoze

Amos 6:1

Israel minamte in muanin a hong neih, i minam lakah ulian ahi, Zion ah nuam takin a om hithiat, Samaria ah lungmuang takin a om note adingin zumhuai mahmah hi.

Jeremiah 48:11

Moab gam a neu lai a kipanin nuam takin a om den ahi hi. Gam dangah kipaikhiat pih ngei lo a, thawl khat pan thawl khat ah a kitei kawikawi leenggahzu tawh kibang lo hi. A limna kilamdang ngei lo a, a gimnam zong kikheel ngei lo hi.

Ezekiel 8:12

Tua ciangin amah in, “Mihing ahi Ezekiel aw, Israel mite a kimu lo munah a gamtatnate uh tu-in na mu hiam? Amaute in milim a dimna inn sungah biakna a bawl uh hi. Amaute in, ‘Topa in hong mu lo hi. Topa in hih gam nusia khinta hi,’ ci-in paulap zong uh hi,” hong ci hi.

Ezekiel 9:9

Tua ciangin amah in hong dawng a, “Israel mite le Judah miteʼ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

Late 94:7

Amaute in, “Topa in mu lo hi; Jakob Pasian in thei lo hi,” hong ci uh hi.

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

2 PETER NIHNA 3:4

“Amah a hong paikik nading a thuciamna a bangci ahi hiam? I pu i pate zong si khinta uh a, leitung piancil a kipanin tu dong na khempeuh a kibang mahin omom lai hi,” hong ci ding uh hi.

Obadiah 1:6

Ahih hangin Esau kibuluh khinzo a, a sum a pai khempeuh a kilaksak zo hi.

Jeremiah 10:5

A milimte uh, tangmai huanah vasateʼ lau nadingin a kikhai milimte tawh kibangin pau thei lo uh a, lam pai thei lo uh ahih manin puak a kul hi. Tuate kihta kei un; siatna bawl thei lo uh a, phatna zong bangmah bawl thei lo uh hi,” a ci hi.

Late 14:1

Mihaite in a lungsim sung uh ah, “Pasian om lo hi,” ci-in ngaihsun uh hi. Amaute sia uh a, kihhuai gamtat uh a, a hoihin a gamta kuamah om lo hi.

JOB (Job) 21:15

Pasianʼ na sep ding kisam sa se lo uh a, Pasian kiang a thunget phattuamna om kei, ci uh hi.

Ezekiel 9:4

“Jerusalem khua sung khempeuh ah pai kawikawi inla, hih khuapi sungah a muhdahhuai gamtatnate a kisepna hangin dahin a lungkham mi khempeuhteʼ taltang ah ciaptehna va bawl in,” ci-in a sawl hi.

Malakhi 2:17

Thu na gengenna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-in a gamtate a hoihin ngaihsun a, zong itin amaute tungah lungkim takpi hi,” na cihna khawng uh le, “Thutang a gen Pasian koi lai ah om ahi hiam?” ci-in na dotnate uh tawh na gimsak uh hi.

Late 10:4

Migilo in kiphatsakna lungsim nei a, Topa zong lo hi. Ama ngaihsutna khempeuh ah, “Pasian om kei,” a ci hi.