Zefaniah 1:11 - Tedim Bible Revision 2017

¹¹ Khuapi Veeng Nuainung sungah a teeng mite aw, hih bang gamlumna na zak uh ciangin kapin thum un. Bang hang hiam cih leh sumbukte khempeuh si ding uh hi.

Tedim Bible

¹¹ Khuapi Veng Nuainung sunga teeng mite aw, hih bang gamlumna na zak uh ciangin kapin thuum un. Bang hang hiam cih leh sumbukte khempeuh kisia ding uh hi.

Zefaniah 1:11 Referans Kwoze

Jeim 5:1

A haute aw, tu-in ka thugen hong ngai dih un. Note tungah a hong tung ding lungkhamna hangin kapin thum un.

Ezekiel 21:12

Mihing ahi Ezekiel aw, awng inla kiko in. Hih namsau pen ka mihingte le Israel makai khempeuh a kisawmna ahi hi. Amaute pen ka mite khempeuh tawh a kithat khawm ding ahi hi. Dahna tawh na dip hum in.

Jeremiah 25:34

“No makaite aw, tau unla, kap un; vut lakah kikhuk un, no uliante aw. Bang hang hiam cih leh hong kithahlup ni ding le na kikhenthang ni ding uh hong tung zo hi; tuutal teelte bangin hong kithat lum ding hi.

Johan 2:16

Tua ciangin kawl vakhu zuakte kiangah, “Na kawl vakhute uh hih lai panin paikhiatpih un. Ka Paʼ inn pen sumzuakna inn phualpi-in nei kei un,” a ci hi.

Joel 1:13

Siampite aw, puanhampi silhin kap un; biakna tau-a nasemte aw, thumin tau un. Ka Pasianʼ na a semte aw, biakinn sungah tum unla, zan thapai-in dahna lim puanhampi silh un. Noteʼ Pasianʼ biakinn sungah piak ding an le leenggahzu khat zong om nawn lo hi.

Joel 1:5

No zukhamte aw, tho unla kap un. No leenggahzu nete aw, thumin tau un. Na zunek ding teng uh bei mang khinta hi.

Hosea 9:6

Lungkhamna hun hong tungin, mite na kithehthang uh ciangin, Egypt mite in note hong kaikhawm dinga, amau gam Memfis khuapi ah vui ding bek na hi uh hi. Na inn na lote uh, kiak le lopa in khuhcip lel ding hi.

Jeremiah 4:8

Tua ahih manin puanhampi silhin tau-in kap un. Bang hang hiam cih leh Topaʼ hehna lauhuaipi eiteʼ kiang panin kihei khia nai lo hi.

JOB (Job) 27:16

Migilote in kuama sim zawh loh ngun tampi tak nei ding uh a, gen zawh lohin nikten puansilh ciang venvan ding uh hi.

JOB (Job) 27:17

Ahi zongin mihoih pawl khat in tua puante silhin, thuman mi pawl khat in tua ngunte tang lel ding uh hi.

Zefaniah 2:5

Tuipi gei ah a gual ten, no Filistia gam mite aw, gimna na ngah ding uh hi. Filistia miteʼ teenna Kanaan leitang aw, Topa in nang tungah thu hong khen zo hi. Mi khempeuh a bei mang dongin hong susia ding hi.

Zekhariah 14:21

Jerusalem khua sung le Judah gam sungah a om beelte khempeuh, Vanglian Topa biakna-in zat dingin a tuamin kikoih ding hi. Biakna a pia dingin a hong pai mi khempeuh in tua beelte zangin, biakna sa huanna-in a nei ding uh hi. Tua ni hong tun ciangin Vanglian Topaʼ biakinn ah sum zuak van zuak cihte om nawn lo ding hi.