Zefaniah 1:10 - Tedim Bible Revision 2017

¹⁰ Topa in hih bangin thu gen a, “Jerusalem khua-a om Ngasa Kulh kongpi ah miteʼ kikona na za ding uh a, tua khuapi Veeng Nihna sungah miteʼ kahna le mual neute tungah a puak zaizai na za ding uh hi.

Tedim Bible

¹⁰ Topa in hih bangin thu gen a, tua ni-in “Jerusalem khua Ngasa Kulh kongpi-ah mite’ kikona na za ding uh a, tua khuapi Veng Nihna sungah mite’ kahna, leh mual neute tungah a puak zaizai-a ging na za ding uh hi.

Zefaniah 1:10 Referans Kwoze

2 KHANG TANGTHU NIHNATE 33:14

Tua khit ciangin amah in kuam sung, Gihon nitumna lam, David khuapi ah, Ngasa Kongpi lutna lamah kulh pua nung khat ciang a, Ofel kiimah ciang suakin a sang mahmah in ciang to hi. Amah in Judah gam sunga kulh nei khuapi khempeuh ah zong galkap a ukte koih hi.

Amos 8:3

Tua ni ciangin kumpi inn ah lungdam lasakna awgingte, kahna awging suak ding hi. Mun khempeuh ah misi dim dinga, mun citeng ah kipaithangin gamdai ding hi,” Topa in ci hi.

2 KUMPI NIHNATE 22:14

Tua ahih ciangin siampi Hilkiah, Ahikam, Akbor, Shafan le Asaiah te zong Harhas tapa Tikvah, a tapa Shallum, biakinn puan a kem paʼ zi kamsangnu Huldah kiangah a pai uh hi (tua laitakin Jerusalem khua sung a Veeng Nihna ah tua nu teeng hi); tua ciangin tua nu tawh amaute kiho uh hi.

Nehemiah 3:3

Tua ciangin Hassenaahʼ tapate in Ngasa Kongpi bawl uh hi. Amaute in a zawlte khungin a kongkhakte a kalhna bulh uh hi.

Zefaniah 1:15

Tua ni pen heh mahmah ni, lungkham sinkham ni, tuahsia-in kisuksiat gawp ni, khua zingin mai mial ni, meiipi kai-in huihpi nun ni,

Zefaniah 1:7

Topa Pasianʼ mai ah gamdai takin om un! Topaʼ ni hong nai ta hi. Topa in biakna-a sa gawh bangin a mite a go dingin kithawi a, a gawh ding mite siansuah khin hi.

Jeremiah 39:2

Zedekiah in a uk zawh kum sawm le kum khat, a kha lina, a ni kua ni-in, kumpipaʼ khuapi kulh a hong phu let uh hi.

Jeremiah 4:31

Nau a suak ding numei a kiko bang khat ka za a, tacil a suak numeiʼ tauna tawh kibang hi. Zionʼ tanu husam liangin a kikona aw na hi a, a khut tegel zakin, “Gimna ka thuak ding hi. Kei hong that ding uh hi,” a ci hi.

Isaiah 59:11

Eite khempeuh vompi bangin i humham a, vakhu bangin i thumthum hi. Eite in thutang i zong a, ahi zongin khat zong i mu kei hi. Hong hotkhiat ding i ngen a, ahi zongin bangmah hong piang lo hi.

2 KHANG TANGTHU NIHNATE 32:22

Tua ahih ciangin Topa in Assiria kumpipa Sennakheribʼ khut le ama galte khempeuh panin Hezekiah le Jerusalem-a a teengte hon khia a, amah in mun khempeuh panin galdaihna amaute tungah a pia hi.

2 KHANG TANGTHU NIHNATE 3:1

Tua ciangin Solomon in Jerusalem sung Moriah Mual tung, a pa Davidʼ tungah Topa a kilahna mun, David in a sehna sa mun ahi, Jebus mi Ornanʼ ancilna phualah Topaʼ biakinn lam ding kipan hi.

2 SAMUEL NIHNA 5:9

Tua ciangin mun muanhuai sungah David teengin David khuapi ci-in min a phuak hi. Tua ciangin David in Millo panin biakinn lamah khuapi lam hi.

2 SAMUEL NIHNA 5:7

Ahi zongin David in kumpipaʼ khua ahi Zion mun muanhuai la hi.

2 KHANG TANGTHU NIHNATE 34:22

Tua ahih ciangin Hilkiah le kumpipa in a sawl mite, Hasrah, a tapa Tokhath, a tapa Shallum, biakinn puante a kem paʼ zi ahi kamsangnu Huldah kiangah pai-in (tu-in tua nu Jerusalem sung a Veeng Nihna ah teeng hi) tua thu tawh kisai ama kiangah va gen uh hi.

Nehemiah 12:39

tua panin Efraim Kongpi, tua ciangin Jeshanah Kongpi, tua ciangin Ngasa Kongpi, tua ciangin Hananel Tausang, tua ciangin Za Khat Tausang, tua ciangin Tuu Kongpi ah pai uh a, tua ciangin Thong Kongpi ah khawl uh hi.

Ezekiel 6:13

Milimteʼ lak le biakna tau kiimah si luanghawm kithehthang dinga, mual sang tung teng, mual dawnzang teng, singniim nuai citeng, tawsaw kung lian nuai khempeuh le milim biakna-in paknamtui a halna uh mun khempeuh ah si luanghawm om ziazua kawikawi ding hi. Tua ciangin Topa ka hih lamtak mi khempeuh in hong thei ding uh hi.