Titu 3:9 - Tedim Bible Revision 2017

⁹ Ahi zongin a haihuai thu kiseelna, min kigual deudau khangsimna, kitotna, thukham kitotlawhna cihte na pelh in. Tuate a kimanna a om lo, a mawkna thu hi lel hi.

Tedim Bible

⁹ Thu kidong hainate leh khangciamtehna laite, kitotnate, thukham hangin kiseelnate tang in. Bang hang hiam na cih leh, tua nate in phattuamna hong pia lo uh hi, a mawkna ahi uh hi.

Titu 3:9 Referans Kwoze

2 TIMOTI NIHNA 2:14

Na mite thu kinialin a kitot loh nadingun Pasianʼ mai ah thupi takin na hilh khol in. Tua bang thu kinialna in a za mite phattuamna ngahsak loin a siasak bek ahi hi.

2 TIMOTI NIHNA 2:23

Thu kihai seelna, thei lo pi-a thu kinialnate na pelh in. Tua bangte in kitotna a piansak lamtak na theih sa ahi hi.

1 TIMOTI MASA 4:7

Pasianʼ thu tawh a kituak lo, a haihuai tangthu phuahtawmte ngaihsutin na nei vet kei in. Pasianʼ deihna tawh a kituakin na nuntak zawh nadingin na kisin in.

2 TIMOTI NIHNA 2:16

Pasian tawh mite a kigamlasak semsem thei thu gina lo, a haihuai thu kikup thu kiseelnate na pelh in.

Titu 1:14

Jew miteʼ tangthu phuahtawmte ahi a, thuman a nial miteʼ thupiaknate ahi zongin a don nawn loh nadingun khauh takin taii-in na thuhilh in.

JOB (Job) 15:3

bangmah-a kimang lo kampaute pau lo a, phattuamna om lo dingpi-in thu seel lo uh hi.

1 KORIN MASA 8:1

Tu-in milim biakna sa tawh kisai thu panin: Amaute in, “Ka thei uh hi,” a cih mah bangin eite khempeuh in theihna i neih ciatna thu i thei hi. Tua bang theihna in mite kisatheisak a, ahi zongin itna in mite kipsak hi.

1 KORIN MASA 13:2

Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi.

Jeim 4:1

Note lakah a om kitotna le kilaiina koi panin hong piang ahi hiam? Deih luatna lungsim na neih manun noteʼ pumsung a kitoktok niloh ahi hi.