Titu 3:8 - Tedim Bible Revision 2017

⁸ Hih ka thugente a man mahmah ahi hi. Tua ahih manin Pasianʼ thu a um mite in gamtat hoih a neih theih nadingun hih ka hong thugente na lim ngaihsut ding ka deih hi. Ka hong thugente a hoih hi a, mite adingin a manpha vive ahi hi.

Tedim Bible

⁸ Hih thu in thuman thutak ahi hi. Hih thu ngaihsunin Pasian a um mite in gamtatna ahoihte ahih tawntung nading a kikep nadingun, hahkatin na hilh nading ka hong deih hi. Hih thute a pha uh tham loin mite’ phattuamna a piangsak thei uh hi.

Titu 3:8 Referans Kwoze

Titu 3:14

I mite om mawk loin, thu kisam a phamawhte huh thei-in, na hoih na phate a sep theih nadingun na hilh in.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Titu 1:9

Upna bulpi tawh a kituak thute limtakin lenkip ding uh hi. Tua hileh thuhilhna man tawh midangte hanthawn thei ding uh a, thuman a nial miteʼ khialhna zong laktel thei ding uh hi.

Titu 3:1

Na mite in hong uk kumpite le aana neiteʼ thu mangin, thuhoih khempeuh a sem dingin a kiging sa-in a om ding uh phawksak inla,

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

1 TIMOTI MASA 1:15

Khris Jesu, mawhneite a hon khia dingin leitungah hong pai hi, cihna thu a man hi a, a uphuai a sanhuai thu ahi hi. Keimah zong tua mawhnei mite lakah a mawhpha bel ka hi hi.

ROM (Romans) 4:5

Ahi zongin Pasianʼ maipha ngah nadingin nasepna suang loin upna a suang mipa pen Pasian in mimawh kimlai midik hi, ci-in sang ahih manin, amah tawh a kipawl theih nadingin Pasian in tua mipaʼ upna thupi san hi.

Johan 12:44

Tua ciangin Jesu nakpi takin kiko a, “Kei hong um khempeuh in kei bek hong um hi loin kei hong sawl pa zong a um ahi hi.

Johan 5:24

“A mantakin kong genin ah: Ka thugennate za-in kei hong sawl pa a um khempeuh a nungta paisuak ding hi ta hi. Mawhsak thukhenna ngah nawn loin, sihna panin a hingkik ta ahi hi.

JOB (Job) 22:2

“Mipil pente i cih nangawn, ama ading cih loh buang, Pasian adingin a kimanna om lo hi.

Filemon 1:11

Nidangin nang adingin amah a kimanna bangmah om lo a, ahi zongin tu-in ei tegel adingin mi manpha mahmah ahi hi.

Late 78:22

Bang hang hiam cih leh amaute in Pasian um lo uh a, a hon khia zo dingin muang lo uh hi.

Paunak 21:28

A man lo tecite mangthang ding uh a, thuman teciteʼ kam kizaza ding hi.

2 KORIN NIHNA 4:13

Lai Siangtho in, “Um ka hih manin ka gen hi,” a cih mah bangin kote in zong um ka hih uh manin a gen ka hi uh hi.

Sawltak 12:15

Amaute in, “A hai hi teh!” na cih san lel uh hi. Ahi zongin amah in, “Peter a om taktak mah hi,” a cih teitei ciangin amaute in, “Amah a cing vantungmi hi ding hi,” ci-in a dawng uh hi.

Efesa 4:28

Guta ngeite in gu nawn loin, ama nuntak nading thuman takin thalawhin, mizawngte zong a huh theih lai nadingin thatang tawh nasep ding kipan ta uh hen.

1 TIMOTI MASA 2:8

Mun khempeuh ah a om pasal khempeuh in kuamah tawh kitotna le lungsim kinopmawhna nei het loin, lungsim siangtho tawh a khut uh lamin thu a nget ding uh ka deih hi.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuah sate, a inn ah zin le leengla do a siam mite, kiniamkhiatin Pasianʼ miteʼ khe a silsakte, a lungkham mite a huhte le thu khempeuh ah a hoih gamtat mite hi lai ding uh hi.

2 TIMOTI NIHNA 1:12

Tua ahih manin hih bang teng a thuak ka hi hi. Ahi zongin ka up pa ka thei a, ama tungah ka apte tua Ni dong hong kepsak zo ding hi, ci-in thei ka hih manin ka maizum het kei hi.

Titu 2:7

Nangma pumpi mahmah gamtat hoihna a kipan thu khempeuh ah etteh hoih dingin na om in. Lungsim takpi tawh miteʼ zahtak theih dingin thu na hilh inla,

Hebru 10:24

Khatlekhat ki-itin a hoih nate i sep nadingin kihanthawn ciat ni.

Mattiu 20:4

‘No zong leenggah lo ah va kuan un; a kilawm zah khat kong pia ding hi,’ a cih ciangin pawl khat a kuan uh hi.