Titu 3:3 - Tedim Bible Revision 2017

³ Bang hang hiam cih leh eite zong nidangin hai tatin, thumang loin, vakvai-in, duhna deihna a tuamtuamte thuak lahin, thusia le enna lungsim tawh a gamtate, mite in hong mudahin, eite khatlekhat zong a kimudah ngeite ihi hi.

Tedim Bible

³ Bang hang hiam na cih leh, nidang lai-inah eite in zong a pil lo mi, thungai lo mi, kheemna a thuak mi, deihgawhna a pawlpawl leh gualnop uukna’ sila i hi a, hazatna, en’na a gamta mi, a muhdahhuai mi, khat-le-khat kimudah mi i hi ngei hi.

Titu 3:3 Referans Kwoze

Kolose 1:21

A beisa hunah noteʼ lungsim gitlohna le gamtat siatna hangin Pasian tawh kigamla-in Pasianʼ gal na hi uh hi.

ROM (Romans) 6:17

Nidangin silate bangin mawhnaʼ thu a mang hi napi-in, tu-in note tungah a hong kipia thuhilhna kipte, na lungsim khempeuh uh tawh zui na hih manun Pasian tungah i lungdam mahmah hi.

Kolose 3:7

Note pen hih bangin gamta-in a nungta ngeite na hi uh hi.

ROM (Romans) 6:22

Ahi zongin tu-in mawhna bawlnopna panin suakta-in Pasianʼ khut sung mi na hi ta uh hi. Tua thu hangin na ngah uh na pen Pasian adingin a kipia khin nuntakna hi a, a tawntung nuntakna tawh a kizom ahi hi.

1 PETER MASA 1:14

Pasianʼ thu na mang unla, na theih nai loh uh hun lai-in na gamtat ngei uh bangin na gamta nawn kei un.

Paunak 9:6

Thu thei lote taisanin khansau unla, pilna lampi zui un,” cisak hi.

2 KORIN NIHNA 12:20

Bang hang hiam cih leh note kiangah ka hong tun ciangin noteʼ om zia ding ka deih bangin na om loh khak ding uh le note in keima maisuah na muhnop zia bangun na hong muh loh khak ding uh ka lunghimawh hi. Note lakah kitotna, hazatna, hehna, huaihamna, mi zahpihna, mi gensiatna, kiphatsakna le buaina a om khak ding ka lunghimawh hi.

Johan 8:34

Tua ciangin Jesu in, “A mantakin ci lehang mawhna a bawl mi peuhmah mawhnaʼ sila ahi uh hi.

Mattiu 21:29

amah in, ‘Kuan nuam kei ing,’ ci napi-in a lungsim kikheelin a kuankik hi.

Late 36:2

Bang hang hiam cih leh ama mawhna kidawk khia lo a, muhdahna thuak lo ahih manin amah kimawk phat tawm hi.

Jeim 1:26

Mi khatpeuh in Khristian ka hi hi, ci napi-in kampau a kidop zawh kei leh a mahmah a kikhem tawm hi lel a, ama biakna neih a mawkna ahi hi.

Galati 6:3

Mi khatpeuh, bangmah hi lo napi-in amah a kithupi ngaihsut mawkmawk leh amah le amah a kikhem ahi hi.

Luka 21:8

Jesu in, “Kidawm unla, miʼ khem sa-in ta kei un. Bang hang hiam cih leh keimah a kineih mi tampi hong pai ding uh a, ‘Keimah, Khris ka hi hi; a hun hong tung ta hi,’ hong ci ding uh hi. Tua bang miteʼ nung zui kha kei un.

Mangmuhna 18:2

Amah nakpi takin kiko a, “A Lian Babylon khuapi kicim, kicim! Tu-in dawiteʼ kua suak khinta-in, kha giloteʼ omna suak khinta a, a kihhuai, a muhdahhuai vasa namkim in omna-in nei ta uh hi.

Mangmuhna 13:14

Ganhing masa omna ah nalamdang bawl theih nading thu ngah ahih manin a nalamdang bawlna tawh leitungah a om mi khempeuh khem a, namsau tawh a si ding zahin a kisat liam sa hi napi a nungta lai ganhing pahtawi nading milim khat a bawl nadingun a gen hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

Isaiah 44:20

Amah pen vut a nete tawh kibang lel hi. A lungsim haina in amah lam pialpih khin a, amah le amah kihon khia thei loin, “Ka khut sungah ka tawi milim pen a zumhuai hi lo ahi hiam?” cih zong phawk thei lo hi.

Obadiah 1:3

Na lungsim kiphatsakna un note a hong khem zo hi. Note in suang kulhpi beelin mual dawnah na ten manun, “Kua in eite hong puksak zo ding ahi hiam?” ci-in na ngaihsun uh hi.

Paunak 8:5

Ngaihsut kicing nai lote aw, na lungsim uh khanghamsak un. Mihaite aw, thu ngaihsun un.

ROM (Romans) 6:6

Mawhna khutnuai ah eite i om nawn loh nadingin mawhnopna lungsim i neihna teng i sucip a, singlamteh tungah Khris a sih laitak mahin i ngeina lui teng a sisak khawm ihihna thu i thei hi.

ROM (Romans) 6:12

Tua ahih ciangin na pumpi uh deihna na zuih loh nadingun na pumpi uh, mawhna na uksak nawn kei ding uh hi.

ROM (Romans) 11:30

No Gentail mite in a beisa hunah Pasianʼ thu na mang kei uh a, ahi zongin Jew miteʼ thuman lohna hangin tu-in Pasianʼ hehpihna na ngah uh hi.

2 TIMOTI NIHNA 3:6

Tua bang mite pawl khat, mite inn ah va hawh khiankhianin, deihna nam tuamtuam le mawhna lungsim tawh a kidim numeite na thu zawh uh hi.

2 TIMOTI NIHNA 3:13

migilote le thu thei kineihin mi khem theite zong siat tat semsemin, amaute in mi khemkhemin, amaute mah in zong khemna a thuak ding mah uh ahi hi.

Titu 1:16

Pasian a thei-in a kigen uh hangin a gamtatnate uh tawh kilehbulh hi. Amaute a muhthadah huai, a thumang lo, na hoih sem dingin a kilawmna a om lo mite ahi uh hi.

Titu 2:12

Eite in i lamet, a lian Pasian le eite hong Hon Jesu Khris a vangliatna hong kilatkik ding hun ngakin i om laitakin i biakna tawh a kituak lo thute le leitung nate deihna phiatin, lungsim hi hithiatin omin, thutangin, hih leitungah Pasianʼ deihna bangin i nuntak nadingin tua hehpihna thu in eite hong hilh hi.

Piancilna 38:9

Ahih hangin Onan in tate pen ama aʼ ahih loh ding thei hi. Tua ahih ciangin a sanggampaʼ zi tawh a lup khop ciangin a sanggampaʼ tungah ta pia kha ding ahih manin a natui leilak ah buasak hi.

Piancilna 39:16

Tua ciangin Josefʼ topa inn ah hong ciah mateng amah in a kiangah a puan koih hi.