Titu 3:15 - Tedim Bible Revision 2017

¹⁵ Kei tawh a om mi khempeuh in nang hong hopih uh hi. Thu upna sungah ei hong itte khempeuh na na hopihsak in. Note khempeuh tungah Pasianʼ hehpihna thupha hong tung tahen.

Tedim Bible

¹⁵ Keima kiangah a om mi khempeuh in nang hong hopih uh hi. Upna sungah ko hong itte na hopihsak in. Note khempeuh tungah hehpihna thupha om ta hen.

Titu 3:15 Referans Kwoze

Hebru 13:25

Note khempeuh tungah Pasianʼ hehpihna thupha hong tung tahen. Amen.

1 TIMOTI MASA 1:5

Hih bangin thupiakna pen, upna taktak le kisuanna om het loin lungsim siangtho taktak tawh ngaihsutna panin a hong piang khia ki-itna a khan theih nading deihna ahi hi.

Kolose 4:18

Keimah Paulʼ khut mahmah tawh, Note ka hong hopih hi, cihna lai ka gelh ahi hi. Sikkhau khihna ka thuakna thu mangngilh kei un. Note khempeuh tungah Pasianʼ hehpihna thupha hong tung tahen.

Galati 5:6

Bang hang hiam cih leh Jesu Khris tawh i kipawl ciangin vun atna le vun at lohna a thupi tuan om lo a, Khris i upna hangin midangte i itna a thupi hi bek hi.

3 JOHAN THUMNA 1:1

A khangham bel keimah Johan in Lungsim takpi tawh ka hong it ka lawm Gaias tungah lai ka hong khak hi.

2 TIMOTI NIHNA 4:22

Topa in nangmah hong ompih tahen. Note khempeuh tungah Pasianʼ hehpihna thupha hong tung tahen.

1 TIMOTI MASA 1:2

Thu upna sungah ka tapa taktak ahi Timoti tungah lai ka hong khak hi. Pa Pasian le eiteʼ Topa Khris Jesu in dikna, hehpihna le nopsakna thupha, nangma tungah hong tungsak tahen.

1 KORIN MASA 16:23

Topa Jesu hong hehpihna thupha, note tungah hong tung tahen.

Mattiu 5:47

Na lawmte bek uh hopihin thupha na piak uh leh mi mawkmawkte sangin na hoihzawkna uh bang om ahi hiam? Gentail mite nangawn in tua bang ciang lel hih thei uh hi.

Sawltak 20:34

Kei le ka kithuahpihteʼ kisapna khempeuh ka ngah theih nadingin keima khut mahmah tawh na ka sepna thu note in na thei uh hi.