Titu 3:1 - Tedim Bible Revision 2017

¹ Na mite in hong uk kumpite le aana neiteʼ thu mangin, thuhoih khempeuh a sem dingin a kiging sa-in a om ding uh phawksak inla,

Tedim Bible

¹ Mite in gam ukte leh mangte’ ukna uh a man’ nading, nasepna pha khempeuh a sep nading a kigin’ kholh nading;

Titu 3:1 Referans Kwoze

Thuhilh-sia 10:4

Nang tungah gam ukpa a heh leh na nasep za taisan pah kei in. Dai tak a om hithiatna in khialhna lianpi maisak thei hi.

Paunak 24:21

Ka ta aw, Topa le kumpipa zahtak khawm inla, amau a langpangte tawh kipawl kha kei in.

Mattiu 22:21

amaute in, “Sisarʼ lim le a min kigelh hi,” a ci uh hi. Tua ciangin Jesu in amaute kiangah, “Sisarʼ nate Sisarʼ tungah na pia unla, Pasianʼ nate Pasianʼ tungah na pia un,” a ci hi.

Hebru 13:21

ama deihna bangin na na sep theih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesu Khris hangin eite sungah na hong sem henla, Khris in a tawntungin minthanna ngah paisuak tahen. Amen.

2 TIMOTI NIHNA 2:21

Mi khatpeuh a hoih lo na khempeuh panin kikemin a siangtho takin a om nakleh na hoih nam khempeuh a sem dingin a Topa tungah ki-apin, a Topa tungah a manpha suak ahih manin a thupi diakte ah amah kizang ding hi.

2 TIMOTI NIHNA 1:6

Tua ahih manin nang tungah ka khut nga-in thu ka hong ngetsak lai-in nangma tungah Pasian in hong piak siamna na sosuah nadingin ka hong phawksak hi.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuah sate, a inn ah zin le leengla do a siam mite, kiniamkhiatin Pasianʼ miteʼ khe a silsakte, a lungkham mite a huhte le thu khempeuh ah a hoih gamtat mite hi lai ding uh hi.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

1 TIMOTI MASA 4:6

Nang in na zuih sa upna thu le thuhilhna man na zuih kawmin hih ka hong thugente, i sanggamte kiangah na gen nakleh Khris Jesuʼ nasem a hoih khat na hi ding hi.

1 TIMOTI MASA 2:2

Eite nuam takin om thei-in, biakna lungsim nei-in a kilawm takin i nuntak theih nadingin kumpite le uliante adingin thu na ngetsak un.

1 KORIN MASA 15:58

Tua ahih ciangin ka hong it sanggamte aw, Topaʼ hangin na nasepnate uh a mawkna hi ngei het lo hi, ci-in na theih uh mah bangin Topa adingin a tawntungin na sem unla, liing het loin lungsim kip takin na om ta un.

Jeremiah 27:17

Amauʼ thu na mang kei un. Na nuntak theih nadingun Babylon kumpipaʼ na na sem zaw un. Bang hangin hih khuapi gam simtham suak laizang ding ahi hiam?

Thu-hilhkikna 17:12

Topa noteʼ Pasianʼ mai ah nasem dingin a ding siampipaʼ thu ahi a, thukhen paʼ thu ahi zongin man lohna tawh a khengval a a gamta mi peuhpeuh kithat ding hi. Tua bangin Israel-teʼ sung panin hoih lohna na siangsak ding uh hi.

2 PETER NIHNA 1:12

Tua ahih manin note in hih thute thei khinin, na theih sa uh thuman ah kip takin na om khin uh ahi zongin a hong phawksak kikkik ka hi hi.

Titu 3:8

Hih ka thugente a man mahmah ahi hi. Tua ahih manin Pasianʼ thu a um mite in gamtat hoih a neih theih nadingun hih ka hong thugente na lim ngaihsut ding ka deih hi. Ka hong thugente a hoih hi a, mite adingin a manpha vive ahi hi.

Kolose 1:10

Tua bang hileh Topaʼ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasianʼ thu na theihna uh hong khang semsem ding hi.

Filippi 1:11

Jesu Khris in note mihoih a hong suahsak theihna le mite in Pasian pahtawi-in a phat theihna thu, noteʼ gamtat hoih in midangte tungah kilangsak ding hi.

Efesa 2:10

Eite a hong bawlpa pen Pasian hi a, Jesu Khris tawh i kipawl ciangin i nuntakna ah gamtat hoih a nei dingin a hong bawl ihi hi. Hih pen eiteʼ om zia dingin a na ngaihsut kholh sa ahi hi.

Isaiah 43:26

“Thuman na hihna hong laktel inla, thu kikum khawm ni. Na dikna a kilat nadingin na thu hong sung khia in.

Juda 1:5

Note in na theih sa uh ahi ta zongin ka hong phawksak nop thu in: Topa in Egypt gam panin Israel mite hon khia khin napi-in amah a um lo mite a nung ciangin susia gawp hi.

Titu 3:14

I mite om mawk loin, thu kisam a phamawhte huh thei-in, na hoih na phate a sep theih nadingun na hilh in.

2 TIMOTI NIHNA 2:14

Na mite thu kinialin a kitot loh nadingun Pasianʼ mai ah thupi takin na hilh khol in. Tua bang thu kinialna in a za mite phattuamna ngahsak loin a siasak bek ahi hi.

Titu 1:16

Pasian a thei-in a kigen uh hangin a gamtatnate uh tawh kilehbulh hi. Amaute a muhthadah huai, a thumang lo, na hoih sem dingin a kilawmna a om lo mite ahi uh hi.