Titu 2:8 - Tedim Bible Revision 2017

⁸ miteʼ mawh mat theih loh ding kam hoihte na zang in. Tua hileh i langte in hong gensiat theih nading mu loin a mai uh zum lel ding hi.

Tedim Bible

⁸ Tua bang na hih leh, lang khatah a om mi in eite hong gensiat nading thu ngah loin a maizum ding hi.

Titu 2:8 Referans Kwoze

1 PETER MASA 2:12

Gentail mite in note mihoih lo hi, ci-in hong gensia nuamin mawhna hong zon ciangin, noteʼ hoihna bekbek mu-in, Pasian a hong pai Ni ciangin a phat theih nadingun amaute lakah na gamtatna uh hoihsak tawntung un.

1 PETER MASA 2:15

Bang hang hiam cih leh thu thei loin a mot paupau mihaite, na gamtat hoihna un a daihsak ding, Pasianʼ deihna ahi hi.

1 PETER MASA 3:16

Khris nungzui na hihna hangun na gamtat hoihna uh hong gensia-in hong simmawh bawl a om ciangin a maizum theih nadingun na lungsim uh ah kisuanna a om het lo dingin na siangtho om un.

1 TIMOTI MASA 6:3

Topa Jesu Khris thu tawh a kituak lo, i biakna paizia tawh a kilehngatin thu tuamdang a hilh mite pen,

2 THESALONIKA NIHNA 3:14

Hih lai sunga ka hong gente uh a zui nuam lo mi khatpeuh a om leh tua mipa limtakin ciamteh unla, amah a maizum theih nadingin kikholh pih nawn kei un.

Nehemiah 5:9

Tua ciangin keimah in, “Noteʼ gamtatna hoih lo hi. I gal ahi minam dangteʼ zahkona i ngah loh nadingin i Pasian zahtakna tawh na gamtat ding uh kilawm hi.

Isaiah 66:5

Ama thu ah lau-in a liing mite aw, Topa’ thu za un: Keima tungah note nong cihtakna hangun na mipihte uh pawl khat in note hong mudahin hong hawl khia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak henla, note hong hon khia tahen,” hong ci vial ding uh hi. Hih banga hong paute pen mindaina a thuak ding mite ahi uh hi.

1 TIMOTI MASA 5:14

Tua ahih manin, i langteʼ hong gensiat nading a om loh nadingin, a khangno lai meigong numeite in pasal nei-in, ta nei-in, amau innkuan sung ukin a om ding uh ka deih zaw hi.

Luka 13:17

Hih Jesuʼ dawnna in a langte khempeuh maizumsak a, Jesuʼ sep hih nalamdangte khempeuh hangin midang khempeuh a lungdam mahmah uh hi.

Marka 12:34

Jesu in hih mipaʼ thugenzia hoih sa ahih manin, “Pasianʼ Ukna sungah a om dektak mahmah na hi hi,” a ci hi. Tua khit a kipanin Jesu kiangah kuamah in thu dong ngam nawn lo uh hi.

Marka 12:32

Tua ciangin Thukham hilh siapa in, “Sia aw, na gen mah bangin hi ka sa mahmah hi. Topa bek mah Pasian hi a, amah sim loh pasian dang kuamah om lo hi.

Marka 12:28

Tua thu kidotna a za Thukham hilh siate khat in, Saddusi miteʼ dotnate limtakin Jesu in a dawn theihna a muh ciangin Jesu hong neh a, “Thukham khempeuh lakah bang thukham a lian pen ahi hiam?” ci-in a dong hi.

Marka 12:17

Tua ciangin Jesu in, “Tua ahihleh, Sisarʼ neihsate Sisarʼ tungah pia unla, Pasianʼ neihsate Pasianʼ tungah pia un,” a ci hi. Tua ama thudawnna hangin lamdang a sa mahmah uh hi.

Titu 3:14

I mite om mawk loin, thu kisam a phamawhte huh thei-in, na hoih na phate a sep theih nadingun na hilh in.