Titu 2:7 - Tedim Bible Revision 2017

⁷ Nangma pumpi mahmah gamtat hoihna a kipan thu khempeuh ah etteh hoih dingin na om in. Lungsim takpi tawh miteʼ zahtak theih dingin thu na hilh inla,

Tedim Bible

⁷ Na khempeuh ah gamtatna pha lim, nangmah mah in na pumpi-in na lak in. Thu na hilh ciangin kheemna thu om loin, khuaval zulhtat loin, mawhsakna om lo thu siangtho na hilh in.

Titu 2:7 Referans Kwoze

1 PETER MASA 5:3

Noteʼ kep dingin a hong kipia tuute, aana neihna tawh a cing hi loin tuuteʼ etteh dingin a gamtate na hi un.

1 TIMOTI MASA 4:12

Khangno lai na hihna thu hangin miteʼ simmawh dingin na om kei inla, kampauna, gamtatna, itna, upna le sianthona ah thu um miteʼ etteh dingin na om in.

Filippi 1:10

Tua hileh Khris hong paikik ni ciangin paubaanna om loin a siangtho na hi ding uh hi.

2 KORIN NIHNA 4:2

Ka thuhilhna uh ah mite khembawl loin, Pasian thu zong a man lopi-in ka gen kei uh a, tua bang a zumhuai simtham tatnate ka zang het kei uh hi. Pasian muhna ah a langtangin thuman takin ka gamta uh a, mi khempeuh a lungkim theih nadingin ka hanciam uh hi.

2 KORIN NIHNA 1:12

Koteʼ kisialh pih thu in: hih leitung a ka gamtatnate uh le a diakdiakin note tungah kong gamtatnate uh ah, mihingteʼ pilna a zang hi loin Pasian hehpihna vang tawh, Pasianʼ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

2 THESALONIKA NIHNA 3:9

Hih bangin ka gamtatna uh pen noteʼ hong piakte a khongin ne-in a zang dingin a kilawm mah hi napi-in, noteʼ etteh ding gamtatzia a hong lak ka hizaw uh hi.

Efesa 6:24

Tatsat loin i Topa Jesu Khris a it tawntung mi khempeuh tungah hehpihna thupha hong tung tahen.

2 KORIN NIHNA 2:17

Ahi zongin kote pen, van gina tum lo a zuak mite tawh a kibang ahi, Pasianʼ thu a gen mawkmawk midangte bang ka hi kei uh a, Pasian in a nasem dingin kote hong sawl ahih manin Khris nasem hihna tawh ama mai ah lungsim takpi tawh thugente ka hi uh hi.

2 KORIN NIHNA 8:8

Hih bang kong gen ciangin thupiakna tawh a hong gen hi loin, midangte in tua zahin mi huh nading kin ahihleh note in zong midang na itna uh bangzah taktak ahi hiam, ci-in ka theihnopna ahi hi.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuah sate, a inn ah zin le leengla do a siam mite, kiniamkhiatin Pasianʼ miteʼ khe a silsakte, a lungkham mite a huhte le thu khempeuh ah a hoih gamtat mite hi lai ding uh hi.

Titu 3:8

Hih ka thugente a man mahmah ahi hi. Tua ahih manin Pasianʼ thu a um mite in gamtat hoih a neih theih nadingun hih ka hong thugente na lim ngaihsut ding ka deih hi. Ka hong thugente a hoih hi a, mite adingin a manpha vive ahi hi.