Titu 2:6 - Tedim Bible Revision 2017

⁶ Tua mah bangin khangnote zong amau pumpi a ki-uk zawh nadingun na hanthawn pha in.

Tedim Bible

⁶ Tua mah bangin tangvalte in zong khuaval zulhtat loh nading na hilh in.

Titu 2:6 Referans Kwoze

Thuhilh-sia 12:1

Na lungkham hun ding a hong tun ma, “Nuntak nuamsa kei ing,” na cih ma hun, na khangno lai-in nang hong Piangsak pa phawk in.

1 PETER MASA 5:5

Tua mah bangin no khangno zaw deuhte in zong a khanghamteʼ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

1 JOHAN MASA 2:13

Pate aw, a kipat cil a kipanin a na om pa thei na hih manun lai a hong gelh ka hi hi. Tangvalte aw, Dawimangpa zo khin na hih manun lai a hong gelh ka hi hi. Tate aw, Pa Pasian thei taktak na hih manun lai a hong gelh ka hi hi.

Thuhilh-sia 11:9

Khangnote aw, na khangnona uh nuamsa unla, na khangno lai-un lungdam un. Na hih nop peuhpeuh uh hih unla, na ut bangbangun gamta un. Ahi zongin na gamtatna uh tawh kizui-in Pasian in thu hong khen ding phawk gige un.

Joel 2:28

“Tua khit ciangin mi khempeuh tungah ka kha ka sung dinga, na puteekte un mang manin na tangvalte un maang mu ding uh hi.

1 TIMOTI MASA 5:1

Nang sangin a u zaw mite taii bawl kei inla, na pa bangin ngaihsunin hanthawn in. Nang sangin a nau zawte na nau bangin bawl in.

Late 148:12

Nungakte le tangvalte, teeksiate le naupangte aw, amah phat un.

JOB (Job) 29:8

kei hong muh phetun khangnote in tutna hong awn uh a, kei hong zahtakna limun papite na ding uh hi.

1 THESALONIKA MASA 5:6

Tua ahih ciangin midangte bangin eite mawk om hithiat loin khua phawkin pilvang ni.