Titu 2:15 - Tedim Bible Revision 2017

¹⁵ Hih ka hong thugente hilh inla, mite taii-in na hanthot ciangin na aana neih teng khempeuh zang kawm in. Miteʼ simmawhin om kei in.

Tedim Bible

¹⁵ Hih thute hilhin, hansuahin zol in, thuneihna aana khempeuh tawh amaute na taai in. Kuamah kisimmawhsak kei in.

Titu 2:15 Referans Kwoze

2 TIMOTI NIHNA 4:2

hunhoih hunsia cih khen tuan loin Pasianʼ thu hilh ding na kin ngaihsut nading, lungduaina tawh miteʼ lungsim zo-in, mite taii-in, hanthawnin na hilh nadingin thu a hong pia ka hi hi.

Titu 1:13

Hih ama thugen a man mahmah ahi hi. Tua ahih manin thu upna man nei thei-in,

1 TIMOTI MASA 5:20

A khial takpi upa a om leh upa dangte a lau theih nadingin a lawmte mai ah tua a khial pa taii-in thuhilh in.

Mattiu 7:29

Amah in Thukham hilh siate bangin thu gen loin, aana neite bangin thu a gen zaw hi.

Marka 1:22

A thuhilhna a za mi khempeuh in ama thugenna zia hangin lamdang a sa uh hi. Amah in Thukham hilh siate bangin thu gen loin aana nei mite bangin thu a gen zaw hi.

Luka 4:36

Kikhopna inn sunga a om mi khempeuh in lamdang sa mahmah uh a, “Hih a kampaute a bangci kampau ahi hiam? Aana le vang neihna tawh dawi thu pia a, dawite a tai khia uh hi,” a ci uh hi.

Marka 1:27

Mi khempeuh in lamdang sa uh a, khatlekhat in, “A bangci thu ahi hiam? Bang thu thak hilh tuan ahi hiam? Hih mipa in dawi gilote thupiak nading aana nei a, dawi gilote in ama thu a mang uh hi,” ci-in a kikum uh hi.

1 KORIN MASA 16:11

Kuamah in na simmawh bawl kha kei unla, kei kiang a hong tunkik theih nadingin nuam takin a khualzin a hong zoptheih nadingin na huh un. Thu up pih i sanggam dangte tawh kei kiangah a hong pai dingin ka lamet ahi hi.

1 PETER MASA 4:11

Minthanna le vangliatna a nei tawntung Pasian in Jesu Khris hangin thu khempeuh ah phatna a ngah theih nadingin thuhilhte in Pasianʼ thu na hilh unla, na a semte in Pasianʼ piak thahatna tawh na sem un. Amen.