Titu 2:14 - Tedim Bible Revision 2017

¹⁴ I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Tedim Bible

¹⁴ Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Titu 2:14 Referans Kwoze

Hebru 9:14

tawntung Kha Siangtho hangin Pasian tungah a cingtaak biakpiak nadingin Khris in a piak ama sisan in na tam sem khia zo zaw dinga, a nungta Pasianʼ na i sep theih nadingin bangmahin a kimang lo nasepna panin ama sisan in i lungsim hong siangsak ding hi.

Efesa 2:10

Eite a hong bawlpa pen Pasian hi a, Jesu Khris tawh i kipawl ciangin i nuntakna ah gamtat hoih a nei dingin a hong bawl ihi hi. Hih pen eiteʼ om zia dingin a na ngaihsut kholh sa ahi hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

1 PETER MASA 1:18

Na pu na pate uh nuntak zia, bangmahin a kimang lo nuntakna panin a hong suahtaksak nadingin Pasian in noteʼ man dingin a piak pen a man a kiam thei ngun le khamte bang hi lo a,

Titu 3:8

Hih ka thugente a man mahmah ahi hi. Tua ahih manin Pasianʼ thu a um mite in gamtat hoih a neih theih nadingun hih ka hong thugente na lim ngaihsut ding ka deih hi. Ka hong thugente a hoih hi a, mite adingin a manpha vive ahi hi.

Mangmuhna 5:9

Amaute in la thak khat sa uh a, “Nang Tuuno, tua laizial a la khia ding le a ciaptehnate a la khia dingin na kilawm hi. Nang hong kigo khin ahih manin mi namkim le pau namkim a pau mite sung panin na sisan tawh Pasian adingin mite na lei khin a,

Galati 3:13

Lai Siangtho in, “Sing tungah a kikhai mi peuhmah Pasianʼ samsiat mi ahi hi,” na ci ahih manin eite adingin Khris in samsiatna a thuak manin Thukham zuih lahna hangin samsiatna panin eite a hong tan khia ahi hi.

Ezekiel 36:25

Note tungah tui siangtho kong theh dinga, na milim biakna uh le note hong ninsak na dang khempeuh panin kong siangsak ding hi.

Galati 2:20

Tua ahih manin tu hun a ka nuntakna zia pen kei hang hi nawn loin ka sungah a hong om Khris hang ahi hi. Tua hi a, keimah hong itin, keima adingin a nuntakna a hong pia Pasianʼ Tapa ka muanna tawh tu laitakin a nungta ka hi hi.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu up pih mite uh lungsim tak tawh it thei khinta na hih manun na lungsim khempeuh uh tawh limtakin na ki-it un.

Sawltak 9:36

Joppa khua ah Pasianʼ thu a um, Tabitha min nei numei khat a om hi. (Tua nuʼ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,

Mattiu 20:28

Mihing Tapa zong nasem nei dingin hong pai hi loin midangte ading na semin, mi tampi tat nading a si dingin a hong pai ahih mah bangin note zong a tua ci ding na hi uh hi,” a ci hi.

1 JOHAN MASA 3:2

Ka lawm itte aw, eiteʼ pianzia ding taktak a telin hong kilat nai loh hangin tu-in Pasianʼ tate ihi hi. Ahi zongin Khris hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.

1 PETER MASA 3:18

Khris mahmah zong note adingin si a, Pasianʼ kiangah hong tunpih theih nadingin mihoih khat pen mihoih loteʼ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

Late 130:8

Mawhna a om khempeuh panin amah in Israel-te a hon khia ding hi.

1 PETER MASA 2:12

Gentail mite in note mihoih lo hi, ci-in hong gensia nuamin mawhna hong zon ciangin, noteʼ hoihna bekbek mu-in, Pasian a hong pai Ni ciangin a phat theih nadingun amaute lakah na gamtatna uh hoihsak tawntung un.

Thu-hilhkikna 14:2

Bang hang hiam cih leh note pen Topa na Pasian uh tungah a siangtho mite na hi uh a, leitung a om mite khempeuh sung panin ama neih dingin Topa in note hong teel ahi hi.

Galati 1:4

A siahuai tu hunsung panin eite a hong suahtaksak nadingin eiteʼ Pa Pasianʼ deihna tawh kizui-in i mawhna hangin tua Jesu Khris a mahmah a hong kipiatawm ahi hi.

Thu-hilhkikna 26:18

Tu ni-in Topa in note pen amah in note tungah hong ciam sa bangin ama neih ding mi na hihna uh le note in ama thupiaknate khempeuh na zuih nading uh,

Thu-hilhkikna 7:6

“Bang hang hiam cih leh note pen Topa noteʼ Pasianʼ tungah a siangtho mi na hi uh hi. Leitung a om mite khempeuh sung panin ama mi ahi dingin Topa na Pasian un note hong teel zo hi.

Paikhiatna 15:16

Launa le kihtakna amauteʼ tungah tunga, a thahat na vangliatna hangin amaute suangtum bangin taang loin om uh hi. Topa aw, nangma mite in a khen mateng, na lei sa mite in a khen mateng amaute khikcip uh hi.

Hebru 10:24

Khatlekhat ki-itin a hoih nate i sep nadingin kihanthawn ciat ni.

Titu 2:7

Nangma pumpi mahmah gamtat hoihna a kipan thu khempeuh ah etteh hoih dingin na om in. Lungsim takpi tawh miteʼ zahtak theih dingin thu na hilh inla,

1 TIMOTI MASA 6:18

A hoih nate semin, gamtat pha-in, citna lungsim nei-in midangte a hopnop nadingun na hilh in.

Efesa 5:2

Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Ezekiel 37:23

Amaute pen a muhdahhuai milimte tawh kininsak nawn lo ding uh a, mawhnate tawh zong kininsak nawn lo ding uh hi. Amauteʼ mawhna le kei hong leh heknate panin ka suaktasak ding hi. Amaute a siangtho mi-in ka bawl dinga, amaute keima mi hi-in, kei, amauteʼ Pasian ka hi ding hi.

Late 135:4

Bang hang hiam cih leh Topa in ama adingin Jakob teel a, ama neihsa dingin Israel teel khinta hi.

Piancilna 48:16

siatna khempeuh panin kei hong tan khia vantungmi in hih tangvalte thupha pia henla, amaute sungah keima min le ka pa Abraham le Isaacʼ min kizomsak henla, leitungah amaute mihonpi khatin khangsak tahen!” a ci hi.

Jeim 4:8

Pasian kiang nai un. Amah in zong hong nai ding hi. Mawhneite in na khut uh sil siang unla, a kineihkhemte in na lungsim uh siangsak un.

1 TIMOTI MASA 2:10

biakna lungsim neite adingin a kilawm ahih mah bangin gamtat hoih a neih ding uh ka deih hi.

1 TIMOTI MASA 2:6

Mi khempeuh a tan khia dingin tua Jesu hong kipiatawm a, a hun lian laitakin a hong kipiakna pen Pasian in mi khempeuh a hotkhiat nopna thu a kilatna ahi hi.

1 TIMOTI MASA 1:15

Khris Jesu, mawhneite a hon khia dingin leitungah hong pai hi, cihna thu a man hi a, a uphuai a sanhuai thu ahi hi. Keimah zong tua mawhnei mite lakah a mawhpha bel ka hi hi.

Sawltak 15:14

Pasian in Gentail mite lak panin ama mi dingin mi pawl khat a lakna tawh Gentail mite a kin ahih lamtak a hong lahna thu, Simonʼ genna i za zo hi.

Sawltak 15:9

Pasian in eite le Gentail mite deidanna hong nei lo a, amaute in zong a up manun mi siangtho-in a bawl hi.

Johan 6:51

Kei pen vantung panin a hong pai suk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

Mattiu 3:12

Amah in a khut ah anzapna tawi-in a ante zap a, a taksate khawmin a ansal sungah koih dinga, a ansite ahihleh a mit ngei lo mei sungah a khul ding hi,” ci-in thu a hilh hi.

Mattiu 1:21

Amah in tapa khat hong nei dinga, tua tapa in ama mite a mawhna uh panin hon khia ding ahih manin ama min dingin Jesu na phuak ding hi,” ci-in thu a gen hi.

Malakhi 3:3

A ninte kaang tumsakin, ngunte a siangsak pa bangin thukhen dingin hong pai ding hi. Ngun le khamte a kisiansak bangin amah in Levi suanlekhak ahi siampite siangsak ding hi. Tua ciangin Topaʼ tungah a kilawm biakna a pia ding uh hi.

Gamlak-vakna 25:13

Ama tung le ama khit ah a suanlekhakte tungah tawntung siampi hihna thuciamna hi ding hi; bang hang hiam cih leh ama Pasian ading amah in pammaih saksak a, Israel mite ading kilemna bawlsak hi,’ ci in,” a ci hi.

Thu-hilhkikna 4:20

Ahih hangin Topa in tu ni-a bangin sik meikhuk tawh a kibang Egypt panin ama neih mi dingin note hong la-in hong paikhiatpih khin hi.

Sawltak 20:28

Kha Siangtho in noteʼ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Efesa 1:11

Na khempeuh, Pasianʼ ngaihsutna le a geel sa bangin a piang hi. A cil pek a kipanin a ngaihsut sa thu tawh kizui-in Khris tawh i kipawlna hangin Pasianʼ tate ihih nadingin Pasian mah in a hong seh sa ihi hi.

Hebru 1:3

Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawl khat ihi a, ama Tapa Jesuʼ sisan in i mawhna khempeuh panin eite hong siangsak hi.

1 JOHAN MASA 1:9

Ahi zongin Pasian kiangah i mawhnate va pulak lehang, amah citakin thuman ahih manin, i mawhnate hong maisakin i hoih lohnate khempeuh hong siangsak ding hi.

Siampi Laibu 25:41

tua ciangin nang kiang panin amah le ama kiangah a om a tate paikhia dinga, ama innkuan zuan kikin, a pateʼ neihsa ngahkik ding hi.

Gamlak-vakna 7:15

meihal biak nadingin bawngtalno khat, tuutal khat, kum khat a pha tuuno a pa khat;