Titu 2:12 - Tedim Bible Revision 2017

^12-13 Eite in i lamet, a lian Pasian le eite hong Hon Jesu Khris a vangliatna hong kilatkik ding hun ngakin i om laitakin i biakna tawh a kituak lo thute le leitung nate deihna phiatin, lungsim hi hithiatin omin, thutangin, hih leitungah Pasianʼ deihna bangin i nuntak nadingin tua hehpihna thu in eite hong hilh hi.

Tedim Bible

^12-13 Eite in i lamet, a lian Pasian le eite hong Hon Jesuh Khrih a vangliatna hong kilatkik ding hun ngakin i om laitakin i biakna tawh a kituak lo thute le leitung nate deihna phiatin, lungsim hi hithiatin omin, thutangin, hih leitungah Pasian’ deihna bangin i nuntak nadingin tua hehpihna thu in eite hong hilh hi.

Titu 2:12 Referans Kwoze

Ezekiel 36:27

Note sungah keima kha kong guang dinga, note tungah kong piak ka thukhamte le ka thupiakte limtakin kong zuisak ding hi.

Mattiu 16:24

Tua ciangin Jesu in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

ROM (Romans) 6:19

Noteʼ theihtheih nadingin nisim nuntakna ziate tawh a hong genteh ka hi hi. Nidang lai-in hoih lohna le gitlohna a gamta dingin na pumpi uh na buppiak uh mah bangin, tu-in a man nate a sem dingin na pumpi uh buppiak unla, nuntakna siangtho nei ta un.

Late 4:3

Ahih hangin Topa in ama adingin miphate a tuam koih lam thei ta un. Keʼn ka sap ciangin Topa in hong za hi.

2 PETER NIHNA 2:9

Tua ahih manin Topa in tua bang mihoihte a gimna uh panin suaktasakin, tua bang migilote Thukhen Ni hun dongin gimna pia-in a koihcip theih nading siamna a nei hi.

1 JOHAN MASA 2:6

Pasian tawh ka kipawl hi, a ci mi khempeuh, Jesu Khris a gamtat bangin a gamtat ding ahi hi.

2 TIMOTI NIHNA 3:12

Khris Jesu tawh kipawlin Pasianʼ deihna bangin a nungta nuam khempeuh in bawlsiatna a thuak ding mah hi a,

Mangmuhna 14:12

Pasianʼ thupiakna zui-in Jesu tungah a citak Pasianʼ mite adingin thuak zawhna kisam hi.

Luka 1:75

i khang tawnin ama mai ah a siangtho, a thumanin i om tawntung theih nading thu hong ciam hi.

1 THESALONIKA MASA 4:7

Eite a thanghuai gamtat dingin Pasian in a hong sam hi lo a, a siangtho-in a nungta dingin a hong sam ahi hi.

Titu 3:3

Bang hang hiam cih leh eite zong nidangin hai tatin, thumang loin, vakvai-in, duhna deihna a tuamtuamte thuak lahin, thusia le enna lungsim tawh a gamtate, mite in hong mudahin, eite khatlekhat zong a kimudah ngeite ihi hi.

1 THESALONIKA MASA 4:9

Ahi zongin thu up pih mite it ding tawh kisai-in bangmah gelh ding na kisam nawn kei uh hi. Khatlekhat na ki-it nading uh Pasian in note tungah hong hilh khinzo hi.

Efesa 2:2

Tua hun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukteʼ thu na mang uh hi.

ROM (Romans) 12:2

Leitung mihingteʼ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasianʼ deihna na phawk thei ding uh hi.

ROM (Romans) 6:12

Tua ahih ciangin na pumpi uh deihna na zuih loh nadingun na pumpi uh, mawhna na uksak nawn kei ding uh hi.

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

1 JOHAN MASA 2:27

Khris in note tungah ama Kha Siangtho hong pia khin a, tua Kha Siangtho na neih lai teng uh kuamah in note hong hilh ding kisam nawn lo hi. Bang hang hiam cih leh Kha Siangtho in note tungah thu khempeuh hong hilh a, tua a hong hilh thute a man vive hi a, zuau thu khat zong om lo hi. Tua ahih manin Kha Siangthoʼ hilhnate zui unla, Khris sungah kip takin om un.

2 PETER NIHNA 3:11

Hih nate khempeuh hih bangin kisusia mang khin ding ahih manin note a bangci mi dingin kilawm cih limtakin na ngaihsun un. A siangtho nuntakna nei-in Pasianʼ deihna bangin na gamta unla,

Hebru 8:11

A neu pen pan a lianpen dongin mi khempeuh in hong thei ding uh ahih manin ‘Topa thei in,’ ci-in a ulenau le a mipihte kiangah kuamah in a hilh ding kisam nawn lo ding hi.

1 TIMOTI MASA 6:17

Tu hun a a hau mite kisathei kha loin, a kip lo hauhnate muan le suanin nei kha loin, eite in nuam takin i zat theih dingin citna tawh a hong pia Pasian a muan a suan nadingun na hilh in.

1 TIMOTI MASA 4:12

Khangno lai na hihna thu hangin miteʼ simmawh dingin na om kei inla, kampauna, gamtatna, itna, upna le sianthona ah thu um miteʼ etteh dingin na om in.

Kolose 1:22

Ahi zongin, a Tapa a pumpi mahmah in a hong sihna hangin note, a cidam, a siangtho, paubaanna om het loin ama kiangah hong lak theih nadingin Pasian in note ama lawmin a hong bawl khinta ahi hi.

Galati 5:24

Tua hi a, Jesu Khris a zui mite in a leitung lungsim pianzia uh le a leitung lungsim deihna khempeuh uh a phiat khit sa ahi hi.

Galati 1:4

A siahuai tu hunsung panin eite a hong suahtaksak nadingin eiteʼ Pa Pasianʼ deihna tawh kizui-in i mawhna hangin tua Jesu Khris a mahmah a hong kipiatawm ahi hi.

2 KORIN NIHNA 7:1

Tua ahih manin ka hong it lawmte aw, pumpi le lungsim a ninsak theite khempeuh panin kisiansuahin, Pasian zahtakna tawh nungta-in siangtho sinsenin om ni.

2 KORIN NIHNA 1:12

Koteʼ kisialh pih thu in: hih leitung a ka gamtatnate uh le a diakdiakin note tungah kong gamtatnate uh ah, mihingteʼ pilna a zang hi loin Pasian hehpihna vang tawh, Pasianʼ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

ROM (Romans) 8:13

Na pumpi uh deihna zui-in na gamtat uh leh na si ding uh a, ahi zongin Kha Siangtho huhna tawh na mawh gamtatnate uh na sihsak uh leh na nungta ding uh hi.

Sawltak 24:25

Ahi zongin Paul in thu gengenin, a hoihin a gamtat nading, pumpi ki-uk zawh nading le hong tung ding Thukhenna Hunte a gen tohtoh ciangin, Feliks hong lau a, “Va paikik phot in. Hun ka ngah ciangin kong samkik ding hi,” ci-in a gen hi.

Sawltak 24:16

Tua ahih manin Pasian mai le mite mai ah lungsim kisuanna a om het lo dingin a tawntungin ka gamta hi.

1 JOHAN MASA 5:19

Leitung midang khempeuh Dawimangpaʼ khut sungah a om ahi zongin eite pen Pasianʼ mi ihihna thu i thei hi.

Efesa 1:4

Ama mai ah eite pen paubaanna a nei lo, mi siangthote ahi ding le Khris hangin ama mite ahi dingin leitung a pian mapek nangawnin Pasian in a hong teel sa ihi hi.

Johan 14:30

Tu-in hih leitung a ukpa hong tung ta ahih manin note kiangah thu kong gen man nawn kei ding hi. Amah in keima tungah aana nei lo hi.

Johan 6:25

Tui gal khat ah Jesu a muh uh ciangin, “Sia aw, bang hunin hih lai na tung na hi hiam?” a ci uh hi.

Luka 1:6

A nih tuakun Pasianʼ muhna ah a manin gamta uh a, Topaʼ thukhamte le a ngeina khempeuh a zui uh hi.

Juda 1:18

Amaute in note kiangah, “Hun nunung lam ciangin Pasianʼ deihna tawh a kituak lo amau pumpi deihna zui-in note a hong simmawh bawl mi pawl khat hong piang ding hi,” hong ci uh hi.

2 TIMOTI NIHNA 4:10

Demas in hih leitung thu kin zaw ahih manin kei hong nusia-in Thesalonika khua ah a pai hi. Kresen, Galatia gamah pai a, Titus, Dalmatia gamah pai hi.

Mattiu 12:32

Mihing Tapa langpangin a gensiate a mawhna uh kimaisak thei dinga, ahi zongin Kha Siangtho langpangin a gensiate pen tu hun a kipan a tawntungin a mawhna uh kimaisak lo ding hi.

1 TIMOTI MASA 6:9

Ahi zongin a hau nuam mite in ze-etna a tuamtuam thuak a, duhhopna, huaihamna a haivai thute ah awkcipin, haksatna le siatna a tuah lawh uh hi.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uh ah hoihtakin kemin, leitung siatnate tawh kisawh kha loin siangtho takin omna ahi hi.