Titu 2:1 - Tedim Bible Revision 2017

¹ Ahi zongin nangmah in upna man tawh a kituak thu na hilh in.

Tedim Bible

¹ Nangmah na hih leh thuhilhna siangtho tawh a kituak thute na hilh in.

Titu 2:1 Referans Kwoze

2 TIMOTI NIHNA 1:13

Keima tung panin na zak sa a man thute zui inla, Khris Jesu tawh i kipawlna hangin i ngah upna le itna thu ah kip takin om in.

1 TIMOTI MASA 6:3

Topa Jesu Khris thu tawh a kituak lo, i biakna paizia tawh a kilehngatin thu tuamdang a hilh mite pen,

Titu 1:9

Upna bulpi tawh a kituak thute limtakin lenkip ding uh hi. Tua hileh thuhilhna man tawh midangte hanthawn thei ding uh a, thuman a nial miteʼ khialhna zong laktel thei ding uh hi.

Titu 3:8

Hih ka thugente a man mahmah ahi hi. Tua ahih manin Pasianʼ thu a um mite in gamtat hoih a neih theih nadingun hih ka hong thugente na lim ngaihsut ding ka deih hi. Ka hong thugente a hoih hi a, mite adingin a manpha vive ahi hi.

1 TIMOTI MASA 1:10

nulepa mawhna a gamtate, palepa mawhna a bawlte, mi a gute, zuau thu a gente, miteʼ siat nading thu a gente le thuman tawh a kilehbulhin a gamta mite adingin thukham a kibawl ahi hi.

1 PETER MASA 4:11

Minthanna le vangliatna a nei tawntung Pasian in Jesu Khris hangin thu khempeuh ah phatna a ngah theih nadingin thuhilhte in Pasianʼ thu na hilh unla, na a semte in Pasianʼ piak thahatna tawh na sem un. Amen.