Titu 1:9 - Tedim Bible Revision 2017

⁹ Upna bulpi tawh a kituak thute limtakin lenkip ding uh hi. Tua hileh thuhilhna man tawh midangte hanthawn thei ding uh a, thuman a nial miteʼ khialhna zong laktel thei ding uh hi.

Tedim Bible

⁹ Tua tham loin, amah in thuhilhna siangtho tawh hansuah theih nading ahi zongin, a nial mite kam a thukkik theih nading ahi zongin, thuhilhna thu tawh kilawm dikna kam a zui tawntung mi ahi ding hi.

Titu 1:9 Referans Kwoze

2 THESALONIKA NIHNA 2:15

Tua ahih ciangin sanggamte aw, kam tawh ahi a, lai tawh ahi zongin kong hilh uh thumante limtakin zui unla, kip takin om un.

2 TIMOTI NIHNA 1:13

Keima tung panin na zak sa a man thute zui inla, Khris Jesu tawh i kipawlna hangin i ngah upna le itna thu ah kip takin om in.

1 TIMOTI MASA 6:3

Topa Jesu Khris thu tawh a kituak lo, i biakna paizia tawh a kilehngatin thu tuamdang a hilh mite pen,

1 TIMOTI MASA 1:10

nulepa mawhna a gamtate, palepa mawhna a bawlte, mi a gute, zuau thu a gente, miteʼ siat nading thu a gente le thuman tawh a kilehbulhin a gamta mite adingin thukham a kibawl ahi hi.

Mangmuhna 3:3

Tua ahih manin note a hong kihilh na zak sa uh thute phawkkik unla, tua thute zui-in na mawhna panun kisikkik un. Khua na phawk kei uh leh note kiangah guta bangin ka hong pai dinga, ka hong tun lam nangawn na thei kei ding uh hi.

1 TIMOTI MASA 1:15

Khris Jesu, mawhneite a hon khia dingin leitungah hong pai hi, cihna thu a man hi a, a uphuai a sanhuai thu ahi hi. Keimah zong tua mawhnei mite lakah a mawhpha bel ka hi hi.

Titu 2:1

Ahi zongin nangmah in upna man tawh a kituak thu na hilh in.

Titu 1:11

Sum ngah theih nading bekin a kilawm lopi-in thu hilhin biakna innkuan buppi nawngkaisak uh ahih manin thu a gen nawn loh nadingun khaktan ding ahi hi.

2 TIMOTI NIHNA 4:3

Mite in thuman a ngaih nop loh hun, amauteʼ deihna bek a zuih nop hun, amauteʼ zaknop thute bek a gen ding sia a cial thuahthuah hun hong tung ding hi.

1 THESALONIKA MASA 5:21

Thu khempeuh en tel pha unla, a hoihte kemin,

Paunak 23:23

Thuman, pilna, siamna, thungaihsut theihna lei in; zuak khiat dingin tuate pammaih lua hi.

JOB (Job) 2:3

Tua ciangin Topa in Satan kiangah, “Ka nasem Job na phawk hiam? A paubaang lo, a thutang, Pasian zahtakin gamtat hoih lo a peel, amah tawh a kibang midang leitungah om lo hi. Thu om lopi-in amah susia dingin kei nong kam pausak a, ahi zongin ama hoihna bangmah hem tuan lo hi,” a ci hi.

Mangmuhna 3:11

Keimah ka hong pai baih ding hi. Kuamah in, na ngah ding uh gualzawhna lukhu hong tuh khak loh nadingun na neihsate uh hoihtakin na lenkip un.

Mangmuhna 2:25

Ka hong pai matengin na neihsa teng uh na lenkip ta un.

Juda 1:3

Ka itte aw, eite in i ngahkhawm hotkhiatna thu, note kiangah gelh nuam mahmah in ka om laitakin Pasian in ama mite tungah a tawntungin a kimang dingin khatvei bek a hong piak upna thu ah note in na nawk suak nadingun hanthotna gelh ding a kisapna thu ka phawk hi.

2 TIMOTI NIHNA 2:25

thunem tawh a langteʼ hoih lohna a puah theite hi ding hi. Tua bang hileh Pasian in amaute kisiksak thei dinga, thuman thutak hong thei-in,

2 TIMOTI NIHNA 2:2

Mi tampiteʼ theihin ka thuhilh, na zak sa thu khempeuh, midangte a hilh sawn thei dingin a citak mite tungah hoihtakin a zuih dingun na hilh in.

1 TIMOTI MASA 4:9

ci-a kigen pen a man taktak thu hi a, umin sin dingin a kilawm thu ahi hi.

1 TIMOTI MASA 1:19

na upna le lungsim kisuang loin na omna thu kip takin len paisuak in. Mi pawl khatte in a lungsim kitheihna uh ah man a kisakna bangun gamta lo uh ahih manin a thu upna uh a mawkna a suah uh hi.

Sawltak 18:28

Bang hang hiam cih leh amah in Lai Siangtho sung siksanin Jesu pen Khris ahi hi, ci-in mihon lakah Jew mite tawh thu kiseelin a zo gawp hi.

JOB (Job) 27:6

Kei thuman ka kisakna ka khia ngei kei ding hi. Ka lungsimah kisuanna om loin siang mahmah hi.

1 KORIN MASA 14:24

Ahi zongin na vekpi-un hoihtakin Pasianʼ thu na gen laitakun mi mawkmawkte ahih kei leh thu um lote hong pai leh, a zak uh thute hangin a mawhna uh kiphawkin a hoih lohna uh kithei ding uh hi.

2 TIMOTI NIHNA 3:14

Ahi zongin nang na hih leh na theih sa na up sa thute ah kip paisuak in. Nang tungah thu hong hilhte kua mi ahi hiam cih na theih sa hi a,