Titu 1:7 - Tedim Bible Revision 2017

⁷ Pawlpi siate pen Pasianʼ nasem ahih manin paubaanna a om lo, a kiphasak lo, zukham thei mi ahi lo, a ngongtat lo, a huaiham lo,

Tedim Bible

⁷ Bang hang hiam na cih leh, Pawlpi siapa in Pasian’ neihsa kempa bangin mawhsak nading tawh a kipelh mi ahi ding hi. Ama deihna a zui mi, mi lungtom mi, zu ne a, a kitawng thei mi, midang a vua thei mi, a siangtho lo a deihgawh mi ahi kei ding hi.

Titu 1:7 Referans Kwoze

2 PETER NIHNA 2:10

Pasianʼ thu nialin amau pumpi deihna zui-in a gamta mite gim pia phadiak hi. Hih sia man lote kiphasakin hangsan mahmah uh a, minthanna a nei vantung a omte zahtak het loin gensia ngam uh hi.

Efesa 5:18

Zu in mi siasak thei ahih manin zu ne kei unla, Kha Siangtho tawh a kidimin om zaw un.

1 PETER MASA 5:2

Pasian in noteʼ khut sungah a hong piak tuuhonte hoihtakin na cing unla, ut lo pipi hi loin, Pasianʼ hong deih bangin utna lungsim takpi tawh na cing un. Sum ngah nopna bek tawh a sem hi loin utna lungsim tawh a semte na hi un.

1 PETER MASA 4:10

Pasianʼ piak na a zatsiamte bangin Pasianʼ kiang panin na ngah uh nate, midangteʼ phattuam nadingin na zang un.

Luka 12:42

Topa in, “A pil a citak nasem pa i cih a bangcite ahi hiam? A nasep pih dangte ukin a hun manmanin amauteʼ nekzah ding ciat a pia dingin a topa in a seh nasem pa ahi hi.

Ezekiel 44:21

Biakinn tual sung nungah a lut ma-un siampite in leenggahzu ne lo ding uh hi.

Isaiah 28:7

Hih mite zong leenggahzu tawh hoi-in khamtheih zu tawh awn uh hi. Siampite le kamsangte nangawn zukhamin hoi uh hi. Kamsangte in zu kham lua uh ahih manin Pasianʼ muhsak maangmuhnate theithei lo uh a, siampite in zong zu kham lua uh ahih manin a thukhen dingte uh khen thei lo uh hi.

Paunak 14:17

A lung tom mite hai gamtat a, mipilte lungduai hi.

Paunak 15:18

Lungtomna in kitotna piangsak a, lungduaina in kilemna piangsak hi.

Titu 2:3

Tua mah bangin mite in Pasianʼ thu a gensiat khak loh nadingun numei khanghamte zong a gamtat a khuahek uh a zahtakhuai ahih nading, mi gensiate ahih loh nading, zunek kiphamawhte ahih loh nading, thuhoih thupha hilhin,

Titu 1:5

Krete Tuikulh gam sung tengah a manin puahphat ding a kisam lai a omte a sem ding le khua simah pawlpi upa a koih dingin tua gamah a hong nusia ka hi hi. Nang tungah ka hong gen sa thute hoihtakin na phawk in:

Filippi 1:1

Jesu Khrisʼ sila keimah Paul le Timoti in Filippi khua-a om Khris tawh a kipawl Pasianʼ mite, siate le upate khempeuh tungah lai ka hong khak uh hi.

Mattiu 24:45

“A pil a citak nasem i cih a bangcite ahi hiam? A nasep pih dangte ukin a hun manmanin amauteʼ nekzah ding ciat an a pia dingin a topa in a seh a nasem pa ahi hi.

Thuhilh-sia 7:9

Heh pahpah kei in; hehna a haihuai ahi hi.

Paunak 16:32

Thahatna sangin lungduaina hoih zaw a, khuapi khat uk zawhna sangin eimah ki-uk zawhna hoih zaw hi.

Siampi Laibu 10:9

“Nang hitaleh na tapate hitaleh kikhopna buk ah na pai uh ciangin leenggahzu hitaleh khamtheih zu hitaleh ne kei un. Na nek uh leh na si ding uh hi. Tua pen na suan na khakte uh tungah khang tawntungin ngeina kip khat hi ding hi.

Piancilna 49:6

Amauʼ kikhopna ah ka kihel kei dinga, amauʼ pawl tawh ka kizom kei ding hi. Bang hang hiam cih leh a heh manun mi that uh a, kiphatsakna lungsim tawh amaute in mawlpih dingin bawngtalteʼ zagui a sat tat uh hi.